फिलिप्‍पी 2:29 - जिरेल

²⁹ दि थेपा लेप्‍नामेई गा खिन ख्‍योकोनगी दिङ प्रभु येशूला विश्‍वास खित्‍कान्‍ते मि ईन सिन दिला लेमु खि। दि थेमे दि च्‍योक्‍ते मिओनला ख्‍योकोनगी मान खि।

फिलिप्‍पी 2:29 Iomraidhean Croise

लूका 9:5

थेमे खेराङ लेप्‍सादु मिओनगी ख्‍योकोनला लेमु माक्‍यासीन थोक्‍ते ठाउँलाचेन देतराङ मादेत। थोक्‍ते ठाउँ ताङला ख्‍याम्‍जीन परमेश्‍वर बात माङेन्‍देकी थेबेकी तिरी सजाय ङेत्‍जीन सुङलाङ गाल खिता मेङेदो सिन सिराला खेराङ काम्‍बाला खोबाते थाला समेदोङ टकटक खाला थेरूकी ख्‍योम,” सिन सिदुक।

यूहन्‍ना 13:20

दि बात ङेन। ङे ताङाते मि जो ईन्‍सीनोङ थेला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन,” सिन बात खासुङ।

शक्ति काम 2:46

थेबा ङीमे ठाङमा परमेश्‍वर मन्‍दिरदु जम्‍मा ओङला ङ्योम्‍बुराङ परमेश्‍वरला प्रार्थना खिन ओतान। थेबेकी दोक्‍पोईकी ज्‍येनज्‍यीकला ईख इबी खुरगीन मेतान। बरू खाम्‍बा खाम्‍बाला रूला प्रभु भोज साच्‍येते थेमे गा खिन ङ्योम्‍बुराङ साप साच्‍येते खिन ओतान।

शक्ति काम 28:10

थेमे थे मिओनगी गाकी ङ्योकोनला आउदी लेमु खासुङ। तिरी थेरूई ख्‍याम्‍बे बेलालाङ थेबेकी ङ्योकोनला लामला गोच्‍येतेबा जेसुकै बिन्‍गीन ताङसुङ।

शक्ति काम 8:8

थेरू थोक ओङनामेई थे सार खाङगी मि गाङेराङ आउदी गा खासुङ।

रोमी 10:15

लोक्‍ला थे बात लोप्‍कान्‍ते मिलाङनी थोक खि सिन सुइँदेकी तोङा फाप्‍सुङ मेनरो? तर थे बात लोप्‍कान्‍ते मिओन परमेश्‍वरगी ताङगीन सिन्‍दा ओत सिन परमेश्‍वर बातला “गा लाङच्‍येते बात लोप्‍कान्‍ते मि ओङजीन थोई लेमु ईन्‍दाका,” सिन साबा ओत।

रोमी 16:2

थेकी मि काल्‍बेईला आउदी लेमु खाबा ओतान। ङा ङाराङलाङ थेकी मद्धत बिन्‍दा ओतान। थोगी था थे थेपा वासीन थेङ प्रभु येशू ख्रीष्‍टला विश्‍वास खित्‍कान्‍ते ईन सिन परमेश्‍वर सन्‍तान नाङ दोक्‍पोईकी ज्‍येनज्‍यीकला चुक खिता फाप्‍कीते थोकराङ खाला ख्‍योकोनगी थेला लेमु खि। थेमे थेला च्‍यि च्‍यि गोकीका सिन ताला गोच्‍येतेबा बिन।

१ कोरिन्‍थी 16:10

थेमे तिमोथी थेपा ओङजीन ख्‍योकोनगी थेला डोम्‍बोला च्‍योकराङ खि। च्‍यिला सासीन थेकीङ ङे च्‍योकराङ प्रभु येशूकी खि साबाते कामराङ खिन ओत।

१ कोरिन्‍थी 16:18

दिबेकी थोक खाबेकी ङुरूङ गाङेला लेमु ओङसुङ। थोगी ख्‍योकोनगी होदोक्‍ते मिला सधैँ मान खि।

२ कोरिन्‍थी 10:18

बातचेन दिराङ ईन, मिकी ङा दोक्‍ते ईन, ङे दोक खाबाप थोक खाबाप साला छ्याःङ फाइदा मेत। प्रभु परमेश्‍वरगी दि मि लेमु मि ईन सिन सासीन थे बात खुदुकराङ ईन।

२ कोरिन्‍थी 7:2

थेमे ख्‍योकोनगीङ ङ्योकोनला ङिङज्‍ये खि। ङ्योकोनगी ख्‍योकोन सुङलाङ छ्याःङ मेलेबा खाबा मेत, मेन्‍दे बात लाप्‍कीन ख्‍योकोन सुङलाङ छक्‍के खाबा मेत थेमे सुङताङ छ्याःङज्‍यीक खाङज्‍यीक लाकीन ठगेङ खाबा मेत।

फिलिप्‍पी 2:28

दिला ठेत्‍ला ख्‍योकोन गाङेराङ गा खिता ङेत्‍स्‍यीत थेमे ख्‍योकोनला गा लानामेई ङाराङोङ पीर खिन देता माफाप्‍स्‍यीत सिनराङ ङे होत्ता दिला ख्‍योकोन ओत्‍सापा ताङाते ईन।

कलस्‍सी 4:10

दुरू ङात्ताङराङ जेलदु ओताते अरिस्‍तार्खसते ख्‍योकोनला नमस्‍ते ओत्‍लो। थेमे बारनाबास न्‍वा फाप्‍च्‍येते मर्कूसतेङ नमस्‍ते ओत्‍लो। मर्कूसला च्‍यि सिसे थेमे थेला चुक खिता फाप्‍कीते सिन ङे ख्‍योकोनला गोमाकाराङ साकीन सिन्‍दा ओत। था थे ख्‍योकोन ओत्‍सापा वासीन थेला लेमु खि।

१ थिस्‍सलोनिकी 5:12

थेमे आज्‍यो न्‍वावे, ख्‍योकोनगी खेराङ नाङ खेराङला लेमु ओङस्‍यीत सिन दुक्‍पा खाला खाला लोप्‍कान कोत्‍कानला मान खि। थेबाला थे काम प्रभु येशूकीराङ बिन्‍दाते ईन।

१ तिमोथी 5:17

थेमे येशू ख्रीष्‍ट मिओनला ताकान्‍तेबे नाङ खोपरोङ काम लेमु खाला खित्‍कान्‍ते मिओनला आउदी खाला मान खिता फाप्‍क्‍यो। थेबे नाङोङ गा लाङच्‍येते बात च्‍यि ईन्‍दे सिन लोप्‍कान्‍तेबालाचेन झन मान खिता फाप्‍क्‍यो। थेमे थेबा गाङेला गोच्‍येतेङ तेरा फाप्‍क्‍यो।

हिब्रू 13:17

थेमे ज्‍येन बात खेराङला ताकान्‍ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्‍यीत सिन थेबेकी ख्‍योकोनला तेइनराङ देत्‍क्‍यो। थेबेकी चुक चुक खाबे, च्‍यि खाबे सिन ङीमाई परमेश्‍वर दोन्‍दु गाङे हर हिसाब तेरा फाप्‍क्‍यो। ख्‍योकोनगी थेबेकी लाःपा कोताते ङेन्‍सीन खोपरोङगी खित्‍च्‍येते काम थेबाला लेमु लाला गा खिन खिओ। ख्‍योकोनगी थोक माक्‍यासीन थेबाला थे काम खिता सेम मालाङो। थेमे ख्‍योकोनला च्‍यि फाइदा ओङगीते?

३ यूहन्‍ना 1:10

थोगी था ङा थेपा वासीन थेकी च्‍यि च्‍यि खासुङा सिन गाङे सिओ। थेकी मेन्‍दा मेन्‍दे बात खिन ङ्योकोनला मोत्‍कीन ख्‍याम्‍गीन दुक। दोस्‍यिककामा मेन, थेकीनी ठाउँ ठाउँला युगीन येशू ख्रीष्‍ट बात लोप्‍कीन ख्‍याम्‍कान्‍ते आज्‍यो न्‍वाला मिक कार्बोकीङ ग्‍युरला मातादुक। थेमे थोक्‍ते मिला लेमु खिता छोल्‍कानलाङ येशू ख्रीष्‍ट मिओन जम्‍मा ओङसादु ओङा मेङेत्‍च्‍या खाला तेन्‍ला तोङगीदुक।