फिलिप्‍पी 2:26 - जिरेल

²⁶ दि ख्‍योकोनबरीला आउदी खाला सम्‍झे खिन था ख्‍योकोनला याङराङ नामराङ ठेदोङा सिराच्‍योक खाईन देता ओतान। थे लाक्‍तुङ ख्‍योकोनगी दि खोरोङ नाबाते बात थोदुक्‍लो सिन छ्या स्‍येनामेई था ख्‍योकोन आउदी खाला पीर खिता च्‍यिन्‍दा सिन दि आउदी खाईन सुर्ता खाबा ओतान।

फिलिप्‍पी 2:26 Iomraidhean Croise

मत्ती 11:28

पीरताङ दुक्‍पेकी खित्‍सादु स्‍याप खाबाते मिवे, ख्‍योकोन ङा ओत्‍सादु स्‍योक। ङा ख्‍योकोनला ढुक्‍क खाला देत ज्‍युत्‍क्‍यो।

मत्ती 26:37

थोक खाला डोजीन थेकी पत्रुस थेमे जब्‍दी फुज्‍युङबा ङिबोलाचेन ङ्योम्‍बुराङ खेरसुङ। थे खोरोङला था चुक दुक्‍पा ओङगीते सिरच्‍ये पीरगी खित्‍सादु थेजीन थेते सेमोङ स्‍यिइन सिन्‍दा ओतान।

शक्ति काम 21:13

ङ्योकोनगी थोक खित्‍जीन थेकी “ख्‍योकोन च्‍यिला दोक खाला ङुइन ङाला पीर लोङगीते? प्रभु येशू लाईदु ङानी यरूशलेमपा सुइँदेकी ठाइता सिननी च्‍यि थे लाईदु स्‍या फाप्‍सीनोङ नाइँ मिसिरो,” सिन सिदुक।

रोमी 1:11

ङाला ख्‍योकोनला ठेता आउदी सेम ओत। दोक खाईन ङुरूङ ठेता ङेत्‍सीन परमेश्‍वर आत्‍मेकी तेरच्‍येते सीपताङ शक्ति ख्‍योकोनगीङ ङेत्‍स्‍यीत सिन लाप्‍ला तेरा थुप्‍च्‍या ओतान। दोक खाईन ख्‍योकोनगीङ थोक्‍ते सीपताङ शक्ति ङेत्‍नामेई प्रभु येशूला झन लेमु खाला विश्‍वास खिता थुप्‍च्‍या ओतान।

रोमी 12:15

लोक्‍ला खोपरोङला साबा च्‍योक ओङगीन सुइँदा गा खाबा थोङसीन ओहो खोल्‍ला थोई लेमु ओङका सिन ख्‍योकोनोङ गा खि। थोकराङ खाला सुइँदाला खइँदा दुक्‍पा पीर फाप्‍सीन थोक्‍ते मिओनला पीर माकेत सिन सम्‍झे खाला बिन।

रोमी 9:2

दि बात च्‍यि ईन्‍दे सासीन ङेराङ जातकी आज्‍यो न्‍वाओन लाईदु पीर खिताई खिताई थानी ङेते सेमोङ छोकीन सिन्‍सुङ। ङा थेबे लाईदु आउदी खाला पीर खिनराङ देत्‍क्‍यो। थेबे साटोला थेबा च्‍योक खाईन ङा ङाराङ ख्रीष्‍टकी छ्य्‌वापेई ठाल्‍गीन देता थुप्‍सीन थेमे परमेश्‍वरगी थेबाला तेरच्‍येते सजाय ङाराङगी भोगे खिता फाप्‍सीन थोगोङ खित्‍च्‍या ओतान।

१ कोरिन्‍थी 12:26

च्‍यिला सासीन दिबे नाङ दोक्‍पोईला खइँदा सुक थोत्‍सीन जीउ खाङराङ दुक्‍पा ओङगो। थेमे दोक्‍पोईला खइँदा लेमु ओङसीन जीउ खाङराङ लेमु ओङगो।

२ कोरिन्‍थी 9:14

थेमे परमेश्‍वरगी ख्‍योकोनला खितासम्‍म दया खाबा ओताते थोङला थेबेकी ख्‍योकोनला आउदी खाला सम्‍झे खिन ख्‍योकोन लाईदु प्रार्थना खिओ।

गलाती 6:2

दोक्‍पोईकी ज्‍येनज्‍यीक ख्‍याल ज्‍याक्‍ला ख्‍योकोन गाङेकी खेराङ नाङ सुला नाम च्‍यि मद्धत खिता फाप्‍कीका मद्धत बिन। दोक खानामेई ख्‍योकोनगी ख्रीष्‍टकी खि साबाते नियम ङेन्‍दाते ईन।

एफिसी 3:13

दोक ईन्‍देकी ओर्च्‍ये, ख्‍योकोन लाईदु काम खित्‍जीन ङे जेलदु देत्‍कीन दुक्‍पा भोगे खिता फापा ओत्‍सीनोङ ख्‍योकोन सेम मासेत। ङे दोक खाईन दुक्‍पा भोगे खाबातेनी ख्‍योकोनला लेमु ओङालाराङ ईन।

फिलिप्‍पी 1:3

ख्‍योकोनला सम्‍झे खाला प्रार्थना खित्‍जीन जहिलेङ ङा ख्‍योकोन लाईदु ङे माने खिन ओताते परमेश्‍वरला धन्‍यवाद तेरग्‍यो।

फिलिप्‍पी 1:8

येशू ख्रीष्‍टकी ङुरूङला खिता च्‍योकराङ ङाङ ख्‍योकोनला आउदी ङिङज्‍ये खिओ। ङाला ख्‍योकोनला नामराङ ठेदोङा सिराच्‍योक लाबा ओत। दि बात ङे खेकीकामा साबाते मेन सिन परमेश्‍वरला छ्या ओत।

फिलिप्‍पी 2:25

थेमे ङाला ङाराङ न्‍वा इपाफ्रोडिटसला ख्‍योकोन ओत्‍सापा ग्‍युरला तोङा लेमु ईन सिराच्‍योक लाबेकी ङे दिला थेपा ताङा ओत। दि ङात्ताङ डिक्‍ला गा लाङच्‍येते बात लोप्‍कान्‍ते थेमे ङाराङ च्‍योकराङ दुक्‍पा खाला ज्‍येनला दि बात लोप्‍च्‍येते काम खित्‍कान्‍ते मि ईन। ङाला मद्धत खित्‍स्‍यीत सिन ख्‍योकोनगी दिला ङा ओत्‍सापा ताङा ओतान।

फिलिप्‍पी 2:27

ईन्‍दाचेन दि खोक्‍पो खाईन नाबा ओतान। ङालानी दि सोन्‍गीतासीन सिराच्‍योक लाबा मेतान। ईन्‍सीनोङ परमेश्‍वर दयेकी दि मास्‍यिसुङ। ङाला पीरगी लाक्‍तु पीर माफाप्‍स्‍यीत सिन दया खाईन परमेश्‍वरगी दिला ठाक्‍पा खाईन बिन्‍सुङ।

फिलिप्‍पी 4:1

बात दोक दोक ईन्‍देकी ङिङज्‍येते आज्‍यो न्‍वावे, ख्‍योकोन प्रभु येशूताङ जीउज्‍यीकराङ ओङाते मि ईन्‍देकी जस्‍तो ओङसीनोङ थेला विश्‍वास खिन देत। ख्‍योकोन मायेकी ङाला था ख्‍योकोनला याङराङ नामराङ ठेदोङा सिराच्‍योक लाकीन सिन्‍सुङ। ख्‍योकोनगी लेमु खाबा थोङगीन ङाला आउदी गा लाबा ओत। ङा खुशी ओत।

१ पत्रुस 1:6

ख्‍योकोन बात दोक ईन्‍देकी ख्‍योकोन आउदी गा खिन देता थुप्‍क्‍यो। ईन्‍दालाचेन थरिङोला ख्‍योकोनगी परी परीतेन्‍दे दुक्‍पा भोगे खिता फाप्‍क्‍यो। ईन्‍सीनोङ दोक्‍ते दुक्‍पा खालि टिक्‍पी दिनगी लाईदुकामा ओङच्‍येते ईन।