फिलिप्‍पी 2:22 - जिरेल

²² तिमोथी थे खोरोङगी खिता फाप्‍च्‍येते काम चुक लेमु खाला खित्‍कान्‍ते मि ईन्‍दे सिन ङे ख्‍योकोनला सिरा माफाप्‍तासीन। फुज्‍युङतेकी आबातेताङ डिगीन काम खाबा च्‍योकराङ खाईन दिकी ङात्ताङ डिगीन ज्‍येनला गा लाङच्‍येते बात लापा ओत।

फिलिप्‍पी 2:22 Iomraidhean Croise

शक्ति काम 16:2

तिमोथीला लिस्‍त्राताङ आइकोनियम सारगी आज्‍यो न्‍वाओनगी लेमु मि ईन सिन मन परे खाबा ओतान।

रोमी 5:4

थोक खिता थुप्‍च्‍या गाल्‍नामेई परमेश्‍वरगी ङुरूङला पाको गालाते मि ईन सिन सिओ। दोक खाईन पाको गाल्‍नामेई परमेश्‍वरगी खिओ साबाते बात साबा च्‍योकराङ खिओ सिन ङुरूङ झन आश खिन देता थुप्‍क्‍यो।

१ कोरिन्‍थी 16:10

थेमे तिमोथी थेपा ओङजीन ख्‍योकोनगी थेला डोम्‍बोला च्‍योकराङ खि। च्‍यिला सासीन थेकीङ ङे च्‍योकराङ प्रभु येशूकी खि साबाते कामराङ खिन ओत।

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

२ कोरिन्‍थी 2:9

ङे साबाते गाङे पक्‍काराङ ङेन्‍च्‍या ईन्‍दाकाना मेन्‍दाका सिन ख्‍योकोन सेम तापलाङ ङे थे चिट्ठी टिबा ओतान।

२ कोरिन्‍थी 8:22

तीतसबाताङराङ ज्‍येनज्‍यीक न्‍वालाङ ङ्योकोन थेपा तोङगीन ओत। दिचेन ज्‍येनला चुक खाला लेमु खिता थुबोङा सिन आउदी सेम खित्‍कान्‍ते मि ईन। दिकी पालोताङ पालो खाबाते काम ताकीन दि थोक्‍ते मि दुका सिन ङ्योकोनगी छ्या स्‍येसुङ। ङ्योकोनगी ख्‍योकोन लेमु मि ईन सिन लाःप्‍नामेकीनी दि झन गा खिन ख्‍योकोनला थे काम खाला सिन्‍दा खित ज्‍युताला थेपा ओङगीन ओत।

२ कोरिन्‍थी 8:24

थोगी ख्‍योकोनगी दिबाला लेमु खि। थोक खासीन ख्‍योकोनगी ज्‍येनला ङिङज्‍ये खित्‍च्‍याक्‍वा थेमे ङ्योकोनगी साबा च्‍योकराङ ख्‍योकोन लेमु काम खित्‍कान्‍ते मि दुका सिन दिबेकी छ्या स्‍येक्‍यो। दोक ओङनामेई दिबेकीकामा मेन, ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी दि बाततेबा छ्या स्‍येक्‍यो।

२ कोरिन्‍थी 8:8

ङे ख्‍योकोनगी दोकराङ खिता फाप्‍क्‍यो सिन कोतातेनी मेन। ज्‍येनतेबेकी दुक्‍पा ङेतातेबाला चुक रहर खाईन तेरा चाल्‍ला दुका सिन साला ख्‍योकोनगीङ ज्‍येनला खेकीकामा मेन पक्‍काराङ ङिङज्‍ये खित्‍च्‍या ईन्‍दाकाना मेन्‍दाका सिन छ्या स्‍येबाला ङे दोक साबाते ईन।

फिलिप्‍पी 1:12

थेमे आज्‍यो न्‍वावे, ङाला जेलदु ज्‍याक्‍पातेनी लेमुका ओङसुङ। ङाला जेलदु ज्‍याक्‍नामेई झन काल्‍बेई मिकी गा लाङच्‍येते बात थोबा ओत।

फिलिप्‍पी 1:16

लेमु सेमगी लोप्‍कानगीचेन ङे अड्डादु बयान तेरजीन थेरू मिओनला गा लाङच्‍येते बात सत्‍यते ईन सिन सिराला ङा दुरू जेलदु देता फापाते ईन सिन छ्या स्‍येबा ओतेकी ङाला मद्धत खिताला थे बात लोप्‍कीदुक।

फिलिप्‍पी 1:5

ङा च्‍यिला थेला धन्‍यवाद तेरगीते सासीन खेराङगी गा लाङच्‍येते बात ङेन्‍दा छुरनामेई दि बात ज्‍येनगीङ छ्या स्‍येबा फाप्‍क्‍यो सिन ख्‍योकोनगी ङात्ताङ डिगीन दि बात फैले खित्‍च्‍येते काम खासुङ। थोक खिता ख्‍योकोनगी थोरूमसाक ताङा मिन्‍दुक।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

फिलिप्‍पी 2:20

चुक खासीन ख्‍योकोनला लेमु ओङगीताका सिन ङात्ताङ डिक्‍ला काम खित्‍कान्‍ते मि दुरू तिमोथीकामा ओत।

१ तिमोथी 1:18

फुज्‍युङ तिमोथी, ङे खोल्‍ला कोई कोई मिओनला चुक खि सिन कोत साबा ओताने ङे साकीन ज्‍याक्‍पा च्‍योकराङ खि। थेमे परमेश्‍वरगी सिर च्‍युताते बात खित्‍कान्‍ते मिओनगी गोमा खोरोङ विषयला साबाते बाततेबा टोक माज्‍येत। होथे बाततेबा सम्‍झे खाला खुई ङे खोरोङला खि साबाते काम लडाइँ खित्‍च्‍येते च्‍योकराङ दुक्‍पा ईन्‍सीनोङ लेमु खाला खिता थुप्‍क्‍यो।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

२ तिमोथी 1:2

ङा दि चिट्ठी ङे ङिङज्‍येते फुज्‍युङ तिमोथी खोल्‍ला टिगीन ओत। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

२ तिमोथी 3:10

बात दोक दोक ईन्‍सीनोङ ङे बातचेन गाङे खोल्‍ला लेमुराङ खाला छ्या ओत। च्‍यि सासीन सत्‍यते बात लोप्‍जीन ङे च्‍यि बात चुक खाईन लापा ओताने, ङे चुक चुक खाबा ओताने थेमे ङे ङाराङ जुनी खाङ च्‍यि खिता चाला ओताने सिन खोल्‍ला छ्याराङ ओत। दोस्‍यिककामा मेन, ङे येशूला चुक खाला विश्‍वास खिन ओताने, ङा चुक खाला ज्‍येनताङ स्‍येदाङ मिक्‍किता खाला देत्‍कीन ओताने, ज्‍येनला चुक खाला ङिङज्‍ये खिन ओताने थेमे जस्‍तो दुक्‍पा ओङसीनोङ ङे चुक खाला खपे खिन ओताने सिन गाङे बात खुई छ्या स्‍येबाराङ ओत।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।