फिलिप्‍पी 2:14 - जिरेल

¹⁴ जे खिता फाप्‍सीनोङ ख्‍योकोनगी गनगन मिक्‍किता खाला खि, ङे दोक खिता माफाप्‍सीनोङ ओङच्‍या ओतान सिराच्‍योक खाला छ्याःङ माकेत।

फिलिप्‍पी 2:14 Iomraidhean Croise

मत्ती 20:11

खोपरोङगीङ ज्‍येनतेबेकी छेतकामा ङेत्‍नामेई थोक खाबाते मायाङसुङ सिन गनगन खिन थे स्‍यीङगी धनी ओत्‍सादु गाल्‍गीन थेबेकी

मर्कूस 14:5

दि च्‍वाबा ईन्‍सीन चाँदी डबल सय सुम भन्‍दाङ ल्‍हाक्‍पा पैसा ङेत्‍च्‍या ओतान। थेमे थे पैसा दुक्‍पा ङेताते मिओनला गोकीन बिन्‍दा ईन्‍सीन लेमु ओङच्‍या ओतान,” सिन थे फेम्‍मे मिला आउदी खाईन ङारसुङ।

मर्कूस 9:14

येशूताङ थे चेला सुमबो ज्‍येन चेलातेबा ओत्‍सामा लेप्‍जीन थेरू थेबे फेरो खाङ आउदी काल्‍बेई मि जम्‍मा ओङा ओताते थोङसुङ। थेबे नाङ कोई कोई धर्मे गुरूङ ओतान। थेबाचेन येशू चेलाओनताङ टेकाटेउरी खिन ओतान।

लूका 5:30

येशूताङ थे चेलाओन थोक खाला लेवी खाम्‍बादु साप सेइन ओता थोङगीन कोई कोई फरिसी पाटी मिताङ थे पाटी नाङ धर्मे गुरूओनगी येशू चेलाओनला “ए ख्‍योकोन गुरूताङ खेतबरी च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइते?” सिन सिराला स्‍यूसुङ।

शक्ति काम 15:2

थेबेकी ज्‍येन ज्‍येन जातकी मिकीङ खतकी चिनु ज्‍वापराङ फाप्‍क्‍यो सिरजीन पावलताङ बारनाबासकीचेन पापदुकी ठालाला थेबेकी थे चिनु ज्‍वाराङ माफाबो सिन थेबाताङ आदोराङ टेकाटेउरी खासुङ। थोक खाईन जति बात खासीनोङ थेबे नाङ बात माडिक्‍पेकी थेरू येशू ख्रीष्‍ट मिओनगी “लो था ङुरूङगी दोक खिइ। च्‍यि सासीन पावलताङ बारनाबास थेमे ङुरूङ नाङदुई कोई कोईला यरूशलेमपा तोङगी। थेबेकी थेपा गाल्‍ला येशू ख्रीष्‍टकी खटे खाबाते मिओन थेमे थेरू येशू ख्रीष्‍ट मिओनला ताकान्‍तेबाला ठेत्‍ला दि बात खित्‍स्‍यीत। थेमे थेबेकी चुक खि सिका थोकराङ खिताप,” सिन सल्‍लाह खासुङ।

शक्ति काम 15:39

दि बातलाराङ थेबा ङिबोते आदोराङ ठाकठाक ठोकठोक स्‍योरसुङ। थेमे थेबा ङिबो ङ्योम्‍बु मोन्‍डोओ सिन ठाल्‍सुङ। बारनाबास मर्कूसला टीकीन पानीजहाजला जेकीन साइप्रसपा गाल्‍सुङ।

शक्ति काम 15:7

काल्‍बासाक छलफल खानामेकी थेरू पत्रुसकी गाङे दोन्‍दु लाकीन “आज्‍यो न्‍वावे, ङे ज्‍येन ज्‍येन जातकी मिला गा लाङच्‍येते बात लोप्‍स्‍यीत थेमे थे बात थोला थेबेकी येशूला विश्‍वास खित्‍स्‍यीत सिनराङ परमेश्‍वरगी गोमा ङाला ख्‍योकोन नाङदुकी छाने खाबा ओतान। दि बातनी ख्‍योकोनला छ्याराङ ओत।

शक्ति काम 6:1

येशू चेला ओङाते मिओन आउदी खाला फेल्‍गीन डुइन ओतान। थेबे नाङ हिब्रू बात खित्‍कान्‍ते यहूदीओनताङ ग्रीक बात खित्‍कान्‍ते यहूदी खाईन हूल ङि ओतान। थोक खाला फेल्‍गीन ड्वाप्‍ला स्‍यूनामेकी थेबा हूल ङिकी नाङ टिक्‍पी ठाकठाक ठोकठोक स्‍योरसुङ। च्‍यिला सासीन ङीमे ठाङमा साप गोत्‍जीन खोपरोङ हूलगीते ख्‍योबो स्‍याप्‍ते फेम्‍मे मिओनला लेमु खाईन मातासुङ सिन ग्रीक बात खित्‍कान्‍तेबा हिब्रू बात खित्‍कान्‍ते ज्‍येन यहूदीओनताङ स्‍येदाङ खासुङ।

रोमी 12:18

ज्‍येनगी जस्‍तो खासीनोङ थुपासम्‍म ख्‍योकोनचेन थेबाताङ डिक्‍ला थुन्‍लाराङ देत।

रोमी 14:1

थेमे ज्‍येनोङ बात च्‍यि सासीन ख्‍योकोन नाङ कोई कोई येशू ख्रीष्‍टला विश्‍वास खाईन पाको गाला मेताते मिओनोङ ओत। थेबाचेन ङे दोक खासीन पा फोइता सिन ज्‍यीबा खिओ। ईन्‍सीनोङ ख्‍योकोन थेबाताङोङ साङ खि। ख्‍योकोन च्‍यिला दोक खाला ज्‍यीबा खिते सिन थेबाताङ टेकाटेउरीचेन माकेत।

रोमी 16:17

आज्‍यो न्‍वावे, था थोरूम बातज्‍यीक च्‍यि सासीन ओर्च्‍ये ख्‍योकोनगी खेराङ नाङ फाटो ओङ ज्‍युत्‍कान्‍ते थेमे खेराङला गोमाका लाप्‍कीन बिन्‍दाते गा लाङच्‍येते बातताङ मिडिक्‍च्‍येते बात लाप्‍ला अलमल्‍ल लोङकान्‍ते मिओन सु सु ईन्‍दाका सिन छ्या स्‍येला थेबाताङ च्‍याङबो खि। थोक्‍ते मिओनताङचेन ख्‍योकोनगी साङराङ माकेत।

१ कोरिन्‍थी 10:10

लोक्‍ला ख्‍योकोनगी थेबा लाला लालेकी खाबाच्‍योक परमेश्‍वरगी दि काम लेमु माक्‍यासुङ, दोक मायाङसुङ सिन गनगन खिता मेङगो। थेबेकी थोक खाबेकी परमेश्‍वरगी नाश जोकान्‍ते दूत ताङगीन थेबाला सेत च्‍युता ओतान।

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

गलाती 5:15

दोक्‍पोईकी ज्‍येनज्‍यीकला ङिङज्‍ये खिता साटोला ख्‍योकोन किताङ फाक्‍पा ठेताच्‍योक खिन देत्‍सीन च्‍याङबो खि याङ। ख्‍योकोन खेराङ खेराङराङ स्‍यिरीङ खिता फाबोङ।

गलाती 5:26

ङुरूङगी दाक्‍पोन नाङ ङा ङाराङ ईन सिराच्‍योक खिता मेङगो। दोक खासीन दाक्‍पोन नाङ मिडिक्‍च्‍येतेताङ आरिस्‍ये खित्‍च्‍येते बातकामा ओङगो।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

१ थिस्‍सलोनिकी 5:13

थेबेकी थोक दुक्‍पा खाला काम खित्‍च्‍येते ईन्‍देकी थेबाला ङिङज्‍ये खिन आउदी खाला मान खि। ख्‍योकोन गाङेराङ डिक्‍ला थुन्‍ला देत।

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

हिब्रू 12:14

थुपासम्‍म ख्‍योकोन ज्‍येन गाङेताङ डिक्‍ला थुन्‍ला देत। सेम खुदुक गालाते मिओनगी खिता फापा च्‍योकराङ परमेश्‍वरला मन परे खित्‍च्‍येते कामताङ बातकामा खि। दोक मिक्‍किकान्‍ते सुङगीङ प्रभु परमेश्‍वरला थोङा मेङेदो।

याकूब 1:20

स्‍येदाङ खित्‍कान्‍ते मिकी परमेश्‍वरगी खि साबाच्‍योक खाला लेमु काम खिता मुथुबो।

याकूब 3:14

तर ख्‍योकोनगी ज्‍येनला आउदी खाला डार खित्‍च्‍येते थेमे दाक्‍पोनकामा छ्ये ओङा छोल्‍च्‍येते खासुङ सासीन खेराङ आउदी बुद्धि ओताते मि ईन सिन छ्ये माकेत। खेराङताङ बुद्धि ओत सिन ख्‍योकोनगी साँचोते बात खाबाते मेन।

याकूब 5:9

थेमे आज्‍यो न्‍वावे, परमेश्‍वरगी खेराङला दोषी ईन सिन मिसिरस्‍यीत सिन खुई दि लेमु माक्‍यासुङ, थे लेमु माक्‍यासुङ सिन दोक्‍पोईकी ज्‍येनज्‍यीक बात माकेत। मि गाङे न्‍याय खित्‍कान्‍ते परमेश्‍वर खेराङ दोन्‍दुराङ ओत सिरच्‍येते बात टोक माज्‍येत।

१ पत्रुस 3:11

मेलेबा काम खिता ताङला लेमु काम खिता फाप्‍क्‍यो। थेमे चुक खाला गाङेताङ डिक्‍ला थुन्‍ला देता थुप्‍कीका थे छ्य्‌वापाराङ स्‍येत खिता फाप्‍क्‍यो।

१ पत्रुस 4:9

थेमे खाम्‍बादु ओङकानला ङिङमार मिक्‍किता खाला लेमु खि।

यहूदा 1:16

ख्‍योकोन नाङ स्‍यूबाते होथे मिओन नोमुङ खुशी मेङा खाला दि काम लेमु मायाङसुङ, थे थोक ओङसुङ सिन जुन बातलाङ खालि गनगनकामा खिन देत्‍क्‍यो। थेबे सेम मेलेबा ओतेकी खोपरोङला जे खिता सेम लाङगीदुक थेराङ खिओ। थेबेकी खोपरोङ जे बादोङ छ्या स्‍येकान ईन सिराच्‍योक खाला बात खिओ। थेमे खोपरोङ फाइदा ताला खो आउदी लेमु मि ईन, दोक दोक खित्‍कान्‍ते ईन सिन मिला तेक्‍ला बात खिओ।