फिलिप्‍पी 2:11 - जिरेल

¹¹ थेमे थेबा गाङेकी येशू ख्रीष्‍टराङ छ्येते ईन, थेराङ प्रभु ईन सिन सिराराङ फाप्‍क्‍यो। गाङेकी थेला थोक खाला छ्ये जोला आबा परमेश्‍वरते जय जय खिताराङ फाप्‍क्‍यो।

फिलिप्‍पी 2:11 Iomraidhean Croise

मत्ती 10:32

दि बात ङेन। च्‍यि सासीन ज्‍येनगी दोन्‍दु ङा येशूला विश्‍वास खित्‍कान्‍ते मि ईन सिन सिरकान्‍तेला स्‍वर्गने ओताते आबे दोन्‍दु ङाङ था तिरी दि ङे मि ईन सिन सिओ।

लूका 2:11

च्‍यि सासीन ख्‍योकोनला पापताङ दुक्‍पादुकी डेल्‍कान्‍तेचेन थाङबो दाऊद गेल्‍बो केबाते बेथलेहेमदु थरिङ ग्‍वाका केबा ओत। परमेश्‍वरगी तोङगो साबाते ख्रीष्‍ट थेराङ ईन, छ्येतेङ थेराङ ईन।

यूहन्‍ना 12:42

ईन्‍दाका येशूकी खाबाते अचम्‍बते कामतेबा थोङनामेई यहूदीओनते छ्ये छ्ये मि नाङ काल्‍बेईकी थेला विश्‍वास खासुङ। ईन्‍सीनोङ फरिसी पाटी मिओनगी खोपरोङला मिटिङ खित्‍च्‍येते खाम्‍बादु स्‍यूक्‍पा मेङेत्‍च्‍या खाला तेन्‍ला तोङगीता सिन ज्‍यीबेकी खोपरोङगी थेला विश्‍वास खिताला स्‍यूबाते बात सुङलाङ मालाःप्‍सुङ।

यूहन्‍ना 13:13

ख्‍योकोनगी ङाला खेराङ गुरू थेमे खेराङ मालिक ईन सिन खिदुक। ख्‍योकोनगी थोक साबाते ठीकराङ ईन। ङा ख्‍योकोनगी साबा च्‍योकराङ ईन।

यूहन्‍ना 13:14

ङे ख्‍योकोन मालिक थेमे गुरू ईन्‍गीनोङ ख्‍योकोन काम्‍बा टुकीन बिन्‍दा ओत। ख्‍योकोनगीङ खेराङ नाङ दोक खिता फाप्‍क्‍यो।

यूहन्‍ना 14:13

थेमे ख्‍योकोनगी ङे मिन लाकीन नाङ खाबाते जे कुरोङ ङा तेरग्‍यो। ङा फुज्‍युङगी दोक खानामेई आबा चुक छ्ये ईन्‍दे सिन ख्‍योकोनगी छ्या स्‍येक्‍यो।

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 17:1

दि बाततेबा साकीन सिन्‍नामेकी येशूकी नामने ताकीन “आबा, था खुई फुज्‍युङ चुक छ्ये ईन्‍दे सिन मिओनगी छ्या स्‍येच्‍येते बेला लेप्‍कीन सिन्‍सुङ। थोगी खुई थे चुक छ्ये ईन्‍दे सिन मिओनला छ्या स्‍ये छ्युत। थेमे खुई फुज्‍युङगी आबा खो चुक छ्ये ईन्‍दे सिन तेन्‍ला तेरग्‍यो।

यूहन्‍ना 20:28

थेमे थोमेकी “प्रभु, खोराङ ङे मालिक ईन, खो ङे परमेश्‍वर ईन,” सिन सिदुक।

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

यूहन्‍ना 9:22

जो जसकी येशूला परमेश्‍वरगी तोङगो साबाते ख्रीष्‍ट ईन खिदुक, थेबा सुङलाङ मिटिङ खित्‍च्‍येते खाम्‍बादु स्‍यूक्‍पा मेङेत्‍च्‍या खाला तेन्‍ला तोङगो सिन यहूदीओनते छ्ये छ्ये मिकी गोमाका साबा ओतेकी थेबाला ज्‍यीबा लाबा ओतान।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

रोमी 14:11

ङीमाई दोक ओङगो सिन परमेश्‍वर बातला प्रभु परमेश्‍वर थे खोरोङगीराङ “मि गाङे ङे दोन्‍दु वाला घुँडा चुला ङाला से खिओ। थेमे थेबा गाङेकी परमेश्‍वर खोराङ ईन सिन सिओ। दोकचेन पक्‍काराङ ओङगो,” सिन साबा ओत।

रोमी 14:9

थोरूमसाक सोम्‍बोराङ ओतातेबा ईन्‍स्‍यीत, गोमाका स्‍यिइन सिन्‍दातेबा ईन्‍स्‍यीत मि गाङेला राज्‍य खित्‍कान्‍ते प्रभु येशू ख्रीष्‍टराङ ईन। दोक खाला गाङेला राज्‍य खित्‍कान्‍ते ओङालाराङ थे स्‍यिइन च्‍याकीन सोम्‍बो लोक्‍पाते ईन।

रोमी 15:9

थेकी दोक दोक खाबेकी ज्‍येन ज्‍येन जातकी मिकीङ परमेश्‍वरगी खोपरोङला ङिङज्‍ये खित्‍च्‍याक्‍वा सिन छ्या स्‍येकीन थेला छ्ये ज्‍वा थुपाते ईन। दोक ओङगो सिन परमेश्‍वर बातला दोक दोक सिन टिबा ओतान। चुक सासीन “प्रभु परमेश्‍वर, ज्‍येन ज्‍येन जातकी मि ङोन्‍दु ङा खुई खाबाते कामगी लाईदु खोल्‍ला छ्ये जोइओ, खुईते जय जय ओङस्‍यीत सिन लु लिन्‍ग्‍यो,” सिन साबा ओत।

१ कोरिन्‍थी 12:3

ख्‍योकोनगी दि बात छ्या स्‍येबा खि। च्‍यि सासीन परमेश्‍वर आत्‍मे छ्य्‌वापेई बात खित्‍कान्‍ते मि सुङगीङ येशूला मोता सराप मिक्‍किओ। थोकराङ खाला परमेश्‍वर आत्‍मे छ्य्‌वापेई बाई सुङगीङ येशूराङ छ्ये ईन, थेराङ प्रभु ईन सिन सिरा मुथुबो।

१ कोरिन्‍थी 15:47

परमेश्‍वरगी गाङे भन्‍दा गोमा जोबाते मि आदमचेन से सबीदुकी जोबाते ईन। तर तिरी आदम सिन साबाते ख्रीष्‍टचेन स्‍वर्गनेकी वाबाते ईन।

१ कोरिन्‍थी 8:6

ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

१ यूहन्‍ना 4:15

येशूला परमेश्‍वर फुज्‍युङ ईन सिन सिरकान्‍ते मित्ताङ परमेश्‍वर ङ्योम्‍बु देत्‍क्‍यो। थेमे होथोक्‍ते मिचेन परमेश्‍वरताङ डिक्‍ला देत्‍क्‍यो।

१ यूहन्‍ना 4:2

सुइँदेकी सिरच्‍येते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन येशू ख्रीष्‍ट मि जुनी लाकीन केबाते ईन सिन सिरकान्‍ते मिकीचेन परमेश्‍वर आत्‍मेकी सिर च्‍युताते बात खाबाते ईन।

२ यूहन्‍ना 1:7

थेमे सत्‍यते बातताङ मिडिक्‍च्‍येते बात लाप्‍ला ज्‍येनला छक्‍के खित्‍कान्‍ते मिओन दि सा लुङबा खाङ ठाम्‍गीन सिन्‍दा ओत। थेबेकी येशू ख्रीष्‍ट दुरू मि जुनी लाकीन वाबाते मेन सिन सिओ। होथोक्‍ते मिचेन ज्‍येनला छक्‍के खित्‍कान्‍ते थेमे ख्रीष्‍टला विरोध खित्‍कान्‍ते मि ईन।

छ्या स्‍ये च्‍युताते बात 3:5

शैतान शक्तिला ग्‍याल्‍कान्‍ते मिला ङा होदोक खाला कार्मुते खोलाक कोन्‍ला तेरग्‍यो। थेमे नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङदुकी ङा थे मि मिन मेटे मिक्‍किओ। थोकराङ खाला ङे आबाताङ थे दूतओन दोन्‍दु ङा थेला ङाराङ मि ईन सिन सिओ।