फिलिप्पी 2:1 - जिरेल1 ख्रीष्टताङ जीउज्यीकराङ ओङनामेई थेकी ख्योकोनला आँट तेरगीन देत्क्यो। थेमे परमेश्वरगी ख्योकोनला ङिङज्ये खित्च्येते ईन्देकी ख्योकोन सेम ढुक्क खाला देता थुप्क्यो। थोकराङ खाला परमेश्वर आत्मेकी खित्सादु ख्योकोन थेत्ताङ ङ्योम्बुराङ डिक्ला देता थुप्क्यो। थेमे ख्योकोनगी खेराङ नाङ पीर फापा ओतातेबाला पीर माकेत सिन सिरच्येते थेमे दुक्पा ङेता ओतातेबाला ताच्येते खिओ। ख्योकोन नाङ बात दोकराङ मेन ओना? Faic an caibideil |
फिलिप्पी 2:1
42 Iomraidhean Croise
थेमे परमेश्वरला ङ्योकोन धन्यवाद तेरग्यो। ख्रीष्टताङ जीउज्यीकराङ ओङा ओतेकी ङेराङ जहाँदु गाल्सीनोङ परमेश्वरगी सधैँ ङ्योकोनला ख्रीष्ट च्योकराङ शत्रुला ग्याल्कान्ते ईन सिन तेन्ला तेरगीदुक। थेमे धूप पारनामेकी थे बास्ना फैले खाबा च्योकराङ खाला ङ्योकोन छ्य्वापेकी ख्रीष्ट सु ईन्दे, थेकी च्यि खिते सिरच्येते बात गाङेपा फैले खित ज्युत्कीदुक।
परमेश्वर आत्मेकी खित ज्युता चालाच्योक खित्कान्ते मिलाचेन थेकी फलफूल गोन ज्युताच्योक खाला लेमु कामताङ बात खित ज्युत्क्यो। थोगी थोक्ते मिकीचेन ज्येनला ङिङज्ये खिओ, थे गा खिन देत्क्यो थेमे सेमदु ढुक्क खाला देत्क्यो। थोक्ते मि होत्ताराङ स्येदाङ मिक्किओ, थेकी ज्येनला दया खिओ थेमे लेमु खिओ, थेकी खिओ साबा च्योकराङ खिओ,
ङुरूङका परमेश्वरगी छाने खाबाते जीउला खतकी चिनु जोबा ओताते मि च्योक्ते ईन। च्यिला सासीन परमेश्वरला चुक खाला माने खिता फाप्च्येते ईन्दे परमेश्वर आत्मे छ्य्वापेकी ङुरूङ थेला थोकराङ खाला माने खिओ। परमेश्वरला माने खिताला ङुरूङचेन दाक्पोन जीउला खतकी चिनु जोबा ओत थेमे ज्येन ज्येनोङ धर्म कर्म खाबा ओत सिन छ्ये मिक्किओ। बरू येशू ख्रीष्टताङ जीउज्यीकराङ ओङा ओतेकी गा खिओ।
ख्योकोन थेमे होथेबा ज्येन गाङेकी आँट ङेत्ला दोक्पोईकी ज्येनज्यीकला ङिङज्ये खिन गाङेराङ सेमज्यीकराङ खाला डिक्ला देत्स्यीत थेमे परमेश्वरगी गोमा सुङलाङ छ्या स्ये च्युता मेताते बात च्यि ईन्दाका सिन ख्योकोन गाङेकी लेमु खाला छ्या स्येला पूरो खाला खोबा थुप्स्यीत सिनराङ ङा दोक दुक्पा खाला खाला काम खिन ओत। होथे बात लेमु खाला छ्या स्येच्या साबातेचेन ख्रीष्टला छ्या स्येच्येतेराङ ईन।
परमेश्वरगी ख्योकोनला थे खोरोङ सन्तान सिन छाने खाईन ख्योकोन सेम खुदुक जोबा ओत, थेकी ख्योकोनला आउदी खाला ङिङज्ये खिओ। ख्योकोन बात दोक ईन्देकी ख्योकोनगी चुक चुक खिता फाप्कीते सासीन पीर फापा ओतातेबाला पीर माकेत सिन सिरा फाप्क्यो, ज्येनगी दुक्पाला ता फाप्क्यो, ङा ङाराङ ईन सिराच्योक खिता मेङगो, गाङेताङ खा छ्येत लेमु खिता फाप्क्यो, होत्ताराङ स्येदाङ खिता मेङगो,
परमेश्वरगी पालोई खाबाते बात बान्दा फरक परे मिक्किओ सिन छ्या स्येबाला बात ङि ओत। बातज्यीकचेन परमेश्वरगी मिओनला ङा दोक दोक खिओ सिन जमान खाबा ओतान। थेमे ज्येनतेचेन खाबाते जमान पक्काराङ पूरो खिओ सिन ना क्याला ओतान। दि बात ङि नोमुङ खुदुक ड्वा मुथुबो। परमेश्वरगी नोमुङ ढाँर मिक्किओ। दोक ईन्देकी थेकी खिओ साबाच्योक पक्काराङ खिओ सिन दाक्पोनगी आश खाईन देताते बातला ङुरूङ छ्याःङ शंका मिक्किता खाला देता थुप्क्यो।
थे खोरोङगी गोमामेई खिता चाला च्योकराङ खाईन आबा परमेश्वरगी ख्योकोनला थे खोरोङ मि सिन छाने खाबा ओत। ख्योकोनगी येशू ख्रीष्टकी खि साबा साबा ङेन्स्यीत सिन परमेश्वर आत्मेकी ख्योकोन सेम खुदुक जोबा ओत। थेमे येशू ख्रीष्ट स्यिजीन थे जीउदुकी थेन्दाते ठागी खित्सादु ख्योकोन पाप माफ ओङा ओत। आबा परमेश्वरताङ प्रभु येशू ख्रीष्टकी ख्योकोनला झन झन दया खाला लेमु खिनराङ देत्स्यीत।
Sanasan