फिलिप्‍पी 1:9 - जिरेल

⁹ ङा ख्‍योकोन लाईदु दोक सिन प्रार्थना खिओ। चुक सासीन ख्‍योकोनगी खेराङ नाङ झन लेमु खाला ङिङज्‍ये खिताला थोरूम चुक खिता फाप्‍कीते, च्‍यि खिता लेमु ईन्‍दे सिन परमेश्‍वरगी ख्‍योकोनला लेमु खाला छ्या स्‍ये ज्‍युत्‍स्‍यीत।

फिलिप्‍पी 1:9 Iomraidhean Croise

१ कोरिन्‍थी 14:20

आज्‍यो न्‍वावे, था ख्‍योकोनगी लेमुताङ मेलेबा डेला मुथुप्‍कान्‍ते फिजा च्‍योक माकेत बरू छारगीन लेमु खाईन बुद्धि स्‍यूबाते मिकी च्‍योक खाला काम खि। मेलेबाते कामचेन छ्याःङ खिता मास्‍येबाते बालकते फिजा च्‍योक ओङला देत।

२ कोरिन्‍थी 8:7

ज्‍येनला तासीन जे कुरोङ ख्‍योकोनगी लेमु खिन दुक। च्‍यि सासीन ख्‍योकोन प्रभु येशूला लेमु खाला विश्‍वास खित्‍कान्‍ते मि ईन, ज्‍येनला परमेश्‍वर बात लेमु खाला लोप्‍च्‍येते सीपताङ शक्ति ङेताते मि थेमे परमेश्‍वरगी छ्या स्‍ये ज्‍युत्‍च्‍येते बात लेमु खाला छ्या स्‍येकान्‍ते मि ख्‍योकोन नाङ काल्‍बेई ओत। ख्‍योकोन लेमु खित्‍च्‍ये छ्य्‌वापा स्‍येत खित्‍कान्‍ते थेमे ङ्योकोनला आउदी खाला ङिङज्‍ये खित्‍कान्‍ते मिङ ईन। ख्‍योकोन दोक्‍ते मि ईन्‍देकी था ज्‍येनला मद्धत तेराला सिन पैसा जम्‍मा खित्‍च्‍येते दि लेमुते कामोङ ज्‍येनगी भन्‍दा लेमु खाईन खासीन लेमु ओङच्‍या ओतान।

एफिसी 5:17

थोगी छ्याःङ मोखोकान्‍ते मि च्‍योक मिक्‍किता खाला प्रभु ख्रीष्‍टकी च्‍यि खि सिरच्‍या ईन्‍दाका सिन ख्‍योकोनगी छ्या स्‍येबा खि।

कलस्‍सी 1:9

ख्‍योकोन बात थोबा छोमुमेई ङ्योकोनगी ख्‍योकोन लाईदु परमेश्‍वरला प्रार्थना खिता ताङा मेत। परमेश्‍वरगी ख्‍योकोनला थे खोरोङ आत्‍मे छ्य्‌वापेई बुद्धि बिन्‍ला खोबा फाप्‍च्‍येते बात गाङे लेमु खाला खो च्‍युत्‍ला थे खोरोङगी च्‍यि च्‍यि खि सिते सिन ख्‍योकोनगी लेमु खाला छ्या स्‍येस्‍यीत सिन ङ्योकोन प्रार्थना खिओ।

कलस्‍सी 3:10

खेराङ बानी खुदुक गाल्‍गीन लेमु कामताङ बात खिताला स्‍यूबा ओत। परमेश्‍वरगीराङ ख्‍योकोन बानी दोक लेमु जोबाते ईन। थे खोरोङ चुक्‍ते ईन्‍दाका सिन झन लेमु खाला छ्या स्‍येस्‍यीत थेमे थे खोरोङ च्‍योकराङ लेमु डुइन डोरस्‍यीत सिन परमेश्‍वरगी ख्‍योकोन बानी झन झन लेमु जोइन ओत।

१ थिस्‍सलोनिकी 3:12

थेमे ङ्योकोनगी ख्‍योकोनला झन झन ङिङज्‍ये खिताच्‍योक खाला ख्‍योकोनगीङ दाक्‍पोन नाङ थेमे ज्‍येन मि गाङेला झन झन ङिङज्‍ये खिताला प्रभु येशूकी शक्ति तेरस्‍यीत।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

फिलेमोन 1:6

प्रभु येशूला खुई दोक लेमु खाला विश्‍वास खिन ओतेकी थेमे परमेश्‍वरगी ङुरूङला आशी बिन्‍गीन लेमु खाबाते बात गाङे खुई लेमु खाईन छ्या स्‍येबा ओतेकी परमेश्‍वर सन्‍तान गाङेकी ख्रीष्‍टला झन छ्ये जोरस्‍यीत सिन खुई थोरूमसाक खिन ओता च्‍योकराङ खिन देता थुप्‍स्‍यीत सिन ङा प्रार्थना खिओ।

हिब्रू 5:14

दोक मेन्‍देकी पाको गाल्‍गीन ज्‍येनलाङ लोपा थुप्‍कान्‍ते मिओनगीचेन परमेश्‍वर बात लेमु खाला खोबा थुप्‍क्‍यो। थेबाचेन छारगीन दाक्‍पोनगी मुरला साच्‍येते साप साकान्‍ते मि च्‍योक्‍ते ईन। होदोक्‍ते मिओनगीचेन च्‍यि खिता लेमु ईन्‍दे, च्‍यि मेलेबा ईन्‍दे सिन खोपरोङगीराङ छ्या स्‍येला दोक्‍ते बात जहिलेङ डेला थुप्‍क्‍यो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।