फिलिप्‍पी 1:8 - जिरेल

⁸ येशू ख्रीष्‍टकी ङुरूङला खिता च्‍योकराङ ङाङ ख्‍योकोनला आउदी ङिङज्‍ये खिओ। ङाला ख्‍योकोनला नामराङ ठेदोङा सिराच्‍योक लाबा ओत। दि बात ङे खेकीकामा साबाते मेन सिन परमेश्‍वरला छ्या ओत।

फिलिप्‍पी 1:8 Iomraidhean Croise

लूका 1:78

परमेश्‍वर साँच्‍चीराङ आउदी दया खित्‍कान्‍ते ईन। था थेकी मुन्‍दाकदुकी डेल्‍कान्‍तेला स्‍वर्गनेकी ङुरूङ ओत्‍सामा तोङगो। थे देमा वानामेईचेन ङीमा स्‍यारा च्‍योकराङ ओङगो।

रोमी 1:9

ङे ख्‍योकोनला थोई सम्‍झे खाला जहिलेङ ख्‍योकोन लाईदु प्रार्थना खिका सिरच्‍येते बात परमेश्‍वरलाराङ छ्या ओत। थे फुज्‍युङते गा लाङच्‍येते बात ङाराङ स्‍येतकी थुपासम्‍म ज्‍येनला लाप्‍ला ङा परमेश्‍वरला माने खिओ।

रोमी 9:1

थेमे येशू ख्रीष्‍टताङ जीउज्‍यीकराङ ओङाते मि ईन्‍देकी ङा ईन्‍दाते बातकामा खिओ। ङे खिन ओताते दि बात ढाँर खाबाते मेन सिन ङाराङ सेमगी नाङ ओताते परमेश्‍वर आत्‍मेकीङ ङाला छ्या स्‍ये च्‍युता ओत।

२ कोरिन्‍थी 13:9

थेमे ङेराङ छ्याःङ खिता मुथुप्‍कान्‍ते च्‍योक थोङसीनोङ ख्‍योकोन लेमु खित्‍कान ओङसीन ङ्योकोनला गा लाङगो। परमेश्‍वरगी ज्‍वा चाला च्‍योकराङ ख्‍योकोन लेमु मि ओङस्‍यीत सिनोङ ङ्योकोन प्रार्थना खिओ।

२ कोरिन्‍थी 6:12

दोक ईन्‍सीनोङ ङ्योकोनगी ख्‍योकोनला ङिङज्‍ये खाबाते मेन सिन ख्‍योकोनगी चुक खाला सिरा थुप्‍कीका? बरू ख्‍योकोनगीका ङ्योकोनला ङिङज्‍ये माक्‍याबाते ईन।

२ कोरिन्‍थी 7:15

था दिकी च्‍यि खिताना, चुक सिताना सिन ज्‍यीबा खिन ख्‍योकोनगी थेला डोम्‍बोला च्‍योक खाईन लेमु खाबाते थेमे थेकी साबाते ख्‍योकोन गाङेकी ङेन्‍दाते बाततेबा सम्‍झे खित्‍जीन थेला ख्‍योकोनते झन झन ङिङज्‍ये लाङगीदुक्‍लो।

गलाती 1:20

ङे दि गाङे ईन्‍दाते बातकामा टिगीन ओत सिन परमेश्‍वरलाराङ छ्या ओत।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 4:19

ङे ङिङज्‍येते फिजावे, सुत्‍केरी बेथा ग्‍यापाते फेम्‍मे मिला च्‍योकराङ ङाला आउदी दुक्‍पा ओङा ओत। च्‍यिला सासीन ख्रीष्‍टकीकामा ख्‍योकोनला थे खोरोङ च्‍योकराङ लेमु ज्‍वा थुप्‍क्‍यो सिन ख्‍योकोन थेला सेमदुकीराङ भर परे खित्‍कान मागालथुप ङा रकस्‍यिकोङ ढुक्‍क खाईन देता थुपा मेत।

फिलिप्‍पी 2:1

ख्रीष्‍टताङ जीउज्‍यीकराङ ओङनामेई थेकी ख्‍योकोनला आँट तेरगीन देत्‍क्‍यो। थेमे परमेश्‍वरगी ख्‍योकोनला ङिङज्‍ये खित्‍च्‍येते ईन्‍देकी ख्‍योकोन सेम ढुक्‍क खाला देता थुप्‍क्‍यो। थोकराङ खाला परमेश्‍वर आत्‍मेकी खित्‍सादु ख्‍योकोन थेत्ताङ ङ्योम्‍बुराङ डिक्‍ला देता थुप्‍क्‍यो। थेमे ख्‍योकोनगी खेराङ नाङ पीर फापा ओतातेबाला पीर माकेत सिन सिरच्‍येते थेमे दुक्‍पा ङेता ओतातेबाला ताच्‍येते खिओ। ख्‍योकोन नाङ बात दोकराङ मेन ओना?

फिलिप्‍पी 2:26

दि ख्‍योकोनबरीला आउदी खाला सम्‍झे खिन था ख्‍योकोनला याङराङ नामराङ ठेदोङा सिराच्‍योक खाईन देता ओतान। थे लाक्‍तुङ ख्‍योकोनगी दि खोरोङ नाबाते बात थोदुक्‍लो सिन छ्या स्‍येनामेई था ख्‍योकोन आउदी खाला पीर खिता च्‍यिन्‍दा सिन दि आउदी खाईन सुर्ता खाबा ओतान।

फिलिप्‍पी 4:1

बात दोक दोक ईन्‍देकी ङिङज्‍येते आज्‍यो न्‍वावे, ख्‍योकोन प्रभु येशूताङ जीउज्‍यीकराङ ओङाते मि ईन्‍देकी जस्‍तो ओङसीनोङ थेला विश्‍वास खिन देत। ख्‍योकोन मायेकी ङाला था ख्‍योकोनला याङराङ नामराङ ठेदोङा सिराच्‍योक लाकीन सिन्‍सुङ। ख्‍योकोनगी लेमु खाबा थोङगीन ङाला आउदी गा लाबा ओत। ङा खुशी ओत।

कलस्‍सी 2:1

ङा ख्‍योकोन लाईदु दोक खाला स्‍याप स्‍याप खाला काम खिन ओताते बात ख्‍योकोनगी छ्या स्‍येबा फाप्‍क्‍यो। ईन्‍दाका ख्‍योकोन लाईदुकामा मेन, लाओडिसिये सारदु ओताते थेमे थातासाक नोमुङ माठेताते ज्‍येनोङ येशू ख्रीष्‍ट मि गाङे लाईदु ङा दोक खाला दुक्‍पा खिन ओत।

कलस्‍सी 3:12

परमेश्‍वरगी ख्‍योकोनला थे खोरोङ सन्‍तान सिन छाने खाईन ख्‍योकोन सेम खुदुक जोबा ओत, थेकी ख्‍योकोनला आउदी खाला ङिङज्‍ये खिओ। ख्‍योकोन बात दोक ईन्‍देकी ख्‍योकोनगी चुक चुक खिता फाप्‍कीते सासीन पीर फापा ओतातेबाला पीर माकेत सिन सिरा फाप्‍क्‍यो, ज्‍येनगी दुक्‍पाला ता फाप्‍क्‍यो, ङा ङाराङ ईन सिराच्‍योक खिता मेङगो, गाङेताङ खा छ्येत लेमु खिता फाप्‍क्‍यो, होत्ताराङ स्‍येदाङ खिता मेङगो,

१ थिस्‍सलोनिकी 2:5

ख्‍योकोनताङ ओत्‍जीनोङ ङ्योकोनगी खोलु सिराते बान्‍दा माक्‍या। थोकराङ खाईन सेमदुचेन ख्‍योकोनगी खइँदा तेरगीता सिन लोभ खाईनोङ थे बात मालाप। दि बात ख्‍योकोनला सिरा माफाप्‍तासीन। ङ्योकोनगी साबाते बात ढाँर खाबाते मेन सिन परमेश्‍वरला छ्या ओत।

१ थिस्‍सलोनिकी 2:8

ङ्योकोनला ख्‍योकोनते आउदी ङिङज्‍ये लाबा ओतान। थोगी ख्‍योकोनला परमेश्‍वरते गा लाङच्‍येते बात लाप्‍ला तेरालाकामा मेन, ख्‍योकोनला लेमु ओङे लाईदु स्‍या फाप्‍सीनोङ ङ्योकोन नाइँ सिरच्‍या मेतान।

२ तिमोथी 1:4

ङुरूङ ठाल्‍जीन खो चुक आउदी खाईन ङुबा ओताने सिन ङाला ठेम्‍बा लाङगीदुक। थे बात सम्‍झे खित्‍जीन ङाला खोल्‍ला ठेता आउदी सेम लाङगीदुक। खोल्‍ला लोक्‍ला ठेता ङेत्‍सीन ङाला आउदी गा लाङच्‍या ओतान।

फिलेमोन 1:12

था ङा दिला खो ओत्‍सापा ग्‍युरला तोङगीन ओत। ङाराङला भन्‍दाङ दिला ङाला काल्‍बेई ङिङज्‍ये लाङगीदुक।

फिलेमोन 1:20

खो प्रभु येशू ख्रीष्‍टला विश्‍वास खित्‍कान्‍ते ईन्‍देकी ओर्च्‍ये ङे छ्येत ताला खुई ओनेसिमसला ङे साबा च्‍योकराङ खि। ख्रीष्‍टताङ जीउज्‍यीकराङ ओङाते मिकी खिता फापाच्‍योक खाईन भाइ खुई थोक खासीन ङाला ढुक्‍क ओङगो।

१ यूहन्‍ना 3:17

दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?