फिलिप्पी 1:6 - जिरेल6 ख्योकोन थेकी ज्वा चाला च्योकराङ लेमु ओङस्यीत सिन परमेश्वरगी ख्योकोन नाङ खिताला स्यूबाते लेमुते काम खिनराङ देत्क्यो सिन ङाला लेमु खाला छ्या ओत। येशू ख्रीष्ट ग्युरला ओङे छोमुसाकला थेकी दि काम पूरो खिओ। Faic an caibideil |
फिलिप्पी 1:6
33 Iomraidhean Croise
थेकी दि गाङे बात सानामेकी गोमा थेला ङारकान्ते मि गाङेराङ खाराक्पा देत्सुङ। थेमे थेबेकी परमेश्वरते जय जय खिनकामा “दि चुक अचम्बे बात ईन्दाका। थानी परमेश्वरगी ङुरूङगी च्योकराङ खाला ज्येन ज्येन जातकी मिकीङ नोमुङ मिसिन्च्येते जुनी ङेत्स्यीत सिन थेबाला खोपरोङ पापी दुका सिन छ्या स्येला परमेश्वर छ्य्वापा लै खित्च्ये मौका तेराला स्यूदुक,” सिन बात खासुङ।
जे ईन्सीनोङ ङाराङगी प्रभु येशू ख्रीष्ट लाक पूरो खाईन भर परे खाबा ओतेकी ख्योकोनगी गोमा ङेन्दाते सत्यते बात ङेन्दा ताङला ज्येन बात ङेन्ग्यो सिराच्योक ङाला बान्दा मालाङदुक। खोपरोङगी खि साबाच्योक खिता फाप्क्यो साला ख्योकोनला अलमल्ल लोङकान्ते मि जोराङ ईन्सीनोङ ङीमाई थे गोःनामा परमेश्वर सजाय फाप्क्यो।
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
ङिङज्येते आज्यो न्वावे, थातासाक ख्योकोनगी ङे लाःपा कोता च्योकराङ खिन वाबा ओत। ङा ङ्योम्बु ओत्जीन खाबा च्योकराङ खाला ङ्योम्बु मेदेत्जीनोङ ङे लाःपा कोताते झन लेमु खाला ङेन्गीन देत। चुक सासीन खेराङ पापदुकी टालाते मि ईन सिराला ख्योकोनगी काम बात जे खासीनोङ परमेश्वरला मन परे मिक्किच्येते छ्याःङ खिता मेङगो सिन ज्यीबा खिन थेला मान खाला लेमुते कामताङ बातकामा खिन देत।
चुक सासीन ख्योकोनला बप्तिस्मा तेरजीन ख्योकोन छ्युई नाङ नुप्जीन ख्रीष्टताङराङ स्यिइन थेत्ताङ दिबाते ईन। थेमे छ्युदुई थेन्जीन परमेश्वरगी ख्योकोनला ख्रीष्टताङराङ सोम्बो लोक्पाते ईन। ख्रीष्टला स्यिसादुकी सोम्बो लोक्कान्ते परमेश्वरताङ छ्येज्यीक शक्ति ओत सिन थेला विश्वास खाबेकी थेकी ख्योकोनला थोक खाबाते ईन।
धन्यवाद सिरजीनराङ ख्योकोनगी येशू ख्रीष्टला विश्वास खाईन लेमु काम खिताला स्यूबाते थेमे ज्येनला ङिङज्ये खिन झन झन लेमु खाबाते बातकी लाईदु ङुरूङ आबा परमेश्वरला धन्यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्ट ग्युरला ओङगो सिन आश खाईन गुकीन देता ओतेकी जस्तो दुक्पा ओङसीनोङ ख्योकोन सेम मेसेता खाईन देता ओताते बातकी लाईदुङ ङ्योकोन थेला धन्यवाद सिओ।
होदि बाततेबा टोक मेज्येता खाला ङ्योकोन ख्योकोन लाईदु जहिलेङ ङुरूङ परमेश्वरला दोक सिन प्रार्थना खिओ। चुक सासीन थेकी ख्योकोनला थे खोरोङ दोन्दु स्योक सिन काताङाते ईन्देकी ख्योकोन चुक ओङा फाप्च्येते ईन्दे थोकराङ ओङ ज्युत्स्यीत। दोक खाला ख्योकोनगी खिता चालाते लेमुते कामताङ बात थेमे प्रभु येशूला विश्वास खाईन खिताला स्यूबाते कामतेबा गाङे परमेश्वरगी ख्योकोनला थे खोरोङ शक्ति बिन्ला पूरो खित ज्युत्स्यीत सिन प्रार्थना खिओ।
दोक दोक खित्जीन येशूकी चुक चुक खासुङा सिन टोक मेज्येता खाला थेलाराङ तेइन देता फाप्क्यो। परमेश्वरला चुक खाला विश्वास खित्च्ये सिन तेन्ला तेरकान्ते थेराङ ईन। थेकी खित्सादुराङ ङुरूङ जुनी खाङराङ परमेश्वरला विश्वास खिन देता थुप्क्यो। स्यिङगी थामला टाँए खाला सेत्च्येते बात मि ङोन्ला आउदी मेलेबा ईन्सीनोङ तिरी आउदी गा खिता ङेत्क्यो सिरच्येते बात सेमला ज्यागीन मिओनगी दुक्पा बिन्दाते गाङे खपे खिन स्यिङगी थामला टाँए खाला स्याप्लाङ थेकी छ्याःङ ङोचा माक्यासुङ। थेमे थे गाल्गीन परमेश्वर देत्च्येते सिंहासन सामे छ्य्वापा देता ओत।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
चोर दि छोमुराङ ओङगो सिन सुङलाङ छ्या मेता च्योकराङ प्रभु येशू दि छोमु ग्युरला ओङगो सिनोङ सुङगीङ सिरा मुथुबो। थे ग्युरला ओङे छोमु नामचेन नामज्योक बु साच्याज्यीक ङोरो देन्गीन तोक तोरला डुइओ। दागार, ङीमाताङ कार्मातेबाङ मेकी छिक्ला सोला डुइओ। थोकराङ खाला दि सा लुङबाताङ दुरू ओताते जतिङ जेसुकै थाला डुइओ।
Sanasan