फिलिप्पी 1:5 - जिरेल5 ङा च्यिला थेला धन्यवाद तेरगीते सासीन खेराङगी गा लाङच्येते बात ङेन्दा छुरनामेई दि बात ज्येनगीङ छ्या स्येबा फाप्क्यो सिन ख्योकोनगी ङात्ताङ डिगीन दि बात फैले खित्च्येते काम खासुङ। थोक खिता ख्योकोनगी थोरूमसाक ताङा मिन्दुक। Faic an caibideil |
फिलिप्पी 1:5
23 Iomraidhean Croise
तर परमेश्वरगी लेमुते जैतुन दोङबो हाँगे नाङ जैतुन मोगोन्च्येते हाँगाओनचेन दुम्गीन क्युरसुङ। थेमे दुम्गीन क्युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्कान्ते इस्राएलीओनला ताङगीन थेबे साटोला परमेश्वरगी ख्योकोन ज्येन ज्येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्येते जेसुकै चाप्रेनमेकी ङेता च्योकराङ खाईन परमेश्वरगी थेबे ज्युज्यु पुर्खाला बिन्दाते आशी ख्योकोनलाङ तेरगीन ओत।
थे बातचेन दिराङ ईन। च्यि सासीन येशू ख्रीष्टकी खाबाते कामगी खित्सादु थाचेन परमेश्वरगी ज्येन ज्येन जातकी मिलाङ थे खोरोङगी छाने खाबाते इस्राएलीओनला तेरच्येते जति गाङे तेरच्या ओङा ओत, थेबालाङ ज्येन गाङेताङ डिक्पा खाईन जीउज्यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्या ओङा ओत। दि बाततेबा थेबाला लोप्च्येते गा लाङच्येते बातला साबा ओत।
था जे ओङसीनोङ ख्रीष्टते गा लाङच्येते बात ङेन्कान्ते मिओनगी चुक चुक खिता फाप्च्येते ईन्दे ख्योकोनगी होथोकराङ खि। च्यि सासीन ख्योकोन गाङेराङ सेमज्यीकराङ खाला डिक्ला देत। ज्येनगी जे सासीनोङ जति दुक्पा बिन्सीनोङ ख्योकोन गाङेराङ डिक्ला खेराङगी ङेन्दाते गा लाङच्येते बात ङेन्गीनराङ देत। ङा थेपा वासीन ख्योकोनगी थोक खिन ओताते ङाराङगीराङ थोङगो, मासुङ सासीनोङ ख्योकोनगी थोक खिन दुक्लो सिन ङे थोबा ङेत्स्यीत।
ख्योकोन विषयला खाबाते दि बात ङे थाराङ खाबाते मेन। ङा ङीन नुप ख्योकोनला सम्झे खिनराङ देत्क्यो। ङा दुरू जेलदु देता ओत्सीनोङ थेमे ङाराङगी लोप्च्येते बात सत्यते ईन सिन बेला बेलाला अड्डादु बयान तेरा फाप्सीनोङ परमेश्वर दयेकी खित्सादुराङ ङे दोक दोक खिता थुपा ओत। ङाला दया खित्कान्ते परमेश्वरगी ख्योकोन गाङेलाङ ङाला च्योकराङ खाला दया खिन ओत।
ङिङज्येते आज्यो न्वावे, थातासाक ख्योकोनगी ङे लाःपा कोता च्योकराङ खिन वाबा ओत। ङा ङ्योम्बु ओत्जीन खाबा च्योकराङ खाला ङ्योम्बु मेदेत्जीनोङ ङे लाःपा कोताते झन लेमु खाला ङेन्गीन देत। चुक सासीन खेराङ पापदुकी टालाते मि ईन सिराला ख्योकोनगी काम बात जे खासीनोङ परमेश्वरला मन परे मिक्किच्येते छ्याःङ खिता मेङगो सिन ज्यीबा खिन थेला मान खाला लेमुते कामताङ बातकामा खिन देत।
ङात्ताङ डिक्ला ङे च्योकराङ खाला काम खित्कान्ते ङे र्वा खुई थे फेम्मे मि ङिबोला डिक्पा खाला बिन। गा लाङच्येते बात फैले खिताला ङात्ताङ थोङला दुक्पा खाला खाला काम खित्कान्ते मि नाङ क्लेमेण्टताङ ज्येनतेबाकामा मेन, होथे फेम्मे मि ङिबोङ ईन। थेबा गाङे मिन नोमुङ मिसिन्च्येते जुनी ङेत्कान्ते मिओन मिन टिबाते किताबला टिबा ओत।
दि चिट्ठी टिक्कान्ते ङा शिमोन पत्रुस ईन। ङा येशू ख्रीष्ट काम खित्कान्ते थेकी खटे खाबाते मि ईन। ङा दि चिट्ठी जे खित्जीनोङ ठीक खाला खित्कान्ते ङुरूङला पापदुकी डेल्कान्ते येशू ख्रीष्टकी खित्सादु ङेराङ च्योकराङ पक्का खाला थेला विश्वास खिता ङेताते मिओनला टिगीन ओत। येशू ख्रीष्टराङ ङुरूङ परमेश्वर ईन।
Sanasan