फिलिप्‍पी 1:30 - जिरेल

³⁰ गा लाङच्‍येते बात ङेन्‍गीन देताला थेमे फैले खिताला थरिङोला ख्‍योकोनगीङ ङे च्‍योकराङ दुक्‍पा खिता फापा ओत। जति दुक्‍पा ओङजीनोङ ङे चुक खाईन गा लाङच्‍येते बात लोप्‍कीनराङ देता ओताने थे ख्‍योकोनगी थोङातेराङ ईन। ङा थोरूमोङ थोकराङ खिन ओताते बादोङ ख्‍योकोनगी माथोबाते मेन।

फिलिप्‍पी 1:30 Iomraidhean Croise

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

फिलिप्‍पी 1:13

चुक ओङसुङा सासीन ङे खइँदा मेलेबा काम खाबेकी मेन्‍गीन ख्रीष्‍टते गा लाङच्‍येते बात लापेकीका ङाला जेलदु लुक्‍पाते दुका सिन दुरू ओताते रोमी गेल्‍बो मिल्‍टेरीओनताङ ज्‍येनोङ मि गाङेकी छ्या स्‍येसुङ।

कलस्‍सी 1:29

मिओन थोक खाला देता थुप्‍स्‍यीत सिनराङ ङा दुक्‍पा खाला खाला दि बाततेबा ज्‍येनला लोप्‍क्‍यो। ङाराङगी थुपासम्‍म स्‍याप स्‍याप खाईन काम खासीनोङ ङाला थोक खिताला छ्येज्‍यीक शक्ति तेरकान्‍तेचेन ख्रीष्‍टराङ ईन।

कलस्‍सी 2:1

ङा ख्‍योकोन लाईदु दोक खाला स्‍याप स्‍याप खाला काम खिन ओताते बात ख्‍योकोनगी छ्या स्‍येबा फाप्‍क्‍यो। ईन्‍दाका ख्‍योकोन लाईदुकामा मेन, लाओडिसिये सारदु ओताते थेमे थातासाक नोमुङ माठेताते ज्‍येनोङ येशू ख्रीष्‍ट मि गाङे लाईदु ङा दोक खाला दुक्‍पा खिन ओत।

१ थिस्‍सलोनिकी 2:2

च्‍यि सासीन ख्‍योकोन ओत्‍सापा ओङा भन्‍दा गोमा फिलिप्‍पी सारदु परमेश्‍वरते गा लाङच्‍येते बात लोप्‍जीन थेरू मिओनगी ङ्योकोनला दुकीन इज्‍जत बेइज्‍जत खाबाते बात ख्‍योकोनगी छ्या मास्‍येबाते मेन। थेरू थोक खाईन दुक्‍पा बिन्‍सीनोङ परमेश्‍वरगी ङ्योकोनला आँट बिन्‍देकी ङ्योकोनगी ख्‍योकोन ओत्‍सादु वाकीन थेरूङ थे बातराङ लापाप। थेरूङ मिओनगी आउदी दुक्‍पा बिन्‍सीनोङ ङ्योकोनगी छ्याःङ ज्‍यीबा मिक्‍किता खाईन ख्‍योकोनला थे बात लापा ओतान।

१ तिमोथी 6:12

येशू ख्रीष्‍टला विश्‍वास खाईन ङेन्‍दाते बात ङेन्‍दा मोतोङा खाला जति दुक्‍पा ओङसीनोङ थे बातला साबा च्‍योकराङ खि। नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी खोल्‍ला थे खोरोङ दोन्‍दु स्‍योक सिन काताङाते ईन मेन? थेजीन खुई मि काल्‍बेई ङोन्‍दु ङा प्रभु येशू ख्रीष्‍टला विश्‍वास खिओ सिनोङ साबा ओत। था थे नोमुङ मिसिन्‍च्‍येते जुनी खुई खोरोङ लाःक्‍तुकी स्‍योर माज्‍युत।

२ तिमोथी 4:7

दुक्‍पा किम्‍मु जस्‍तो ओङजीनोङ ङे ङाराङ काम लेमु खाईन खाबा ओत, बत्ते खित्‍कान्‍ते मि ख्‍योला फाप्‍सासाक लेपाच्‍योक खाईन ङेङ ङाराङगी खिता फाप्‍च्‍येते काम गाङे खाईन सिन्‍दा खाबा ओत। थेमे येशू ख्रीष्‍टला विश्‍वास खाईन ङेन्‍दाते बात ङे जुनी खाङ ङेन्‍गीनराङ देताप।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

हिब्रू 12:4

स्‍यिसीनोङ ङा दोक पाप खितराङ मिक्‍किओ सिन पाप खित्‍च्‍ये छ्य्‌वापेई ठाला छोल्‍जीन थोरूमसाक ख्‍योकोन पापीओन लाःक्‍तु फाप्‍कीन स्‍यापराङचेन फापा मेत।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।