फिलिप्‍पी 1:3 - जिरेल

³ ख्‍योकोनला सम्‍झे खाला प्रार्थना खित्‍जीन जहिलेङ ङा ख्‍योकोन लाईदु ङे माने खिन ओताते परमेश्‍वरला धन्‍यवाद तेरग्‍यो।

फिलिप्‍पी 1:3 Iomraidhean Croise

रोमी 6:17

गोमा ख्‍योकोन पापकी योक्‍पो च्‍योकराङ ओता ईन्‍सीनोङ थाचेन ख्‍योकोनगी खेराङला लापाते परमेश्‍वर बात सत्‍यते दुका सिन लेमु खाईन ङेन्‍गीन थेरू खि साबा च्‍योकराङ खिताला स्‍यूसुङ। ख्‍योकोन दोक खुदुक गालाते बातकी लाईदु परमेश्‍वरला धन्‍यवाद तेरगी।

१ कोरिन्‍थी 1:4

ङा ख्‍योकोन लाईदु सधैँ परमेश्‍वरला धन्‍यवाद तेरग्‍यो। च्‍यिला सासीन येशू ख्रीष्‍टकी खित्‍सादु थेकी ख्‍योकोनला दया खाबा ओत।

१ थिस्‍सलोनिकी 3:9

ख्‍योकोनगी थोक खिनराङ ओतेकी ङ्योकोनला आउदी गा लासुङ। दि बातकी लाईदु ङ्योकोनगी ङुरूङ परमेश्‍वरला चुक सिन धन्‍यवाद तेरच्‍ये खोइ? थेलानी जतिराङ धन्‍यवाद बिन्‍सीनोङ नोमुङ मादाङो।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

२ तिमोथी 1:3

थेमे परमेश्‍वरताङ प्रार्थना खित्‍जीन ङा ङीन नुप जहिलेङ खुई लाईदुङ प्रार्थना खिन खुई लाईदु थेला धन्‍यवाद सिओ। ङा ङाराङ ज्‍युज्‍यु पुर्खेकी माने खिन वाबाते परमेश्‍वरला थेबेकी च्‍योकराङ खाला थेला जस्‍तो खाला माने खिता फाप्‍च्‍येते ईन थोकराङ खाला माने खिओ।