फिलिप्‍पी 1:29 - जिरेल

²⁹ परमेश्‍वरगी ख्‍योकोनला थे खोरोङ दयेकी ख्रीष्‍टला विश्‍वास खित्‍च्‍येते मौकाकामा बिन्‍दा मेत, थेला विश्‍वास खित्‍जीन दुक्‍पा भोगे खिता ङेत्‍च्‍येते मौकाङ बिन्‍दा ओत।

फिलिप्‍पी 1:29 Iomraidhean Croise

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

शक्ति काम 13:39

येशूला विश्‍वास खित्‍कान गाङेला परमेश्‍वरगी थेबे पापबरी माफ बिन्‍ला थेबाला दोषी मेन सिन सिओ। मोशेकी टिबाते परमेश्‍वर नियम तालाचेन परमेश्‍वरगी ख्‍योकोनला दोक खाला दोषी मेन सिरा थुप्‍च्‍या मेतान।

शक्ति काम 14:22

थेपा ग्‍युरला डोजीन थेबेकी गोमा खोपरोङ गालाते होथे सार सारला ओताते येशू चेलाओनला “जस्‍तोराङ ओङसीनोङ प्रभु येशूला विश्‍वास खिन देता मातोङ। परमेश्‍वर राज्‍यने ड्वाप्‍ला ङुरूङगी दुरू याङ याङ दुक्‍पा ङेत्‍क्‍यो सिरच्‍येते बात टोक माज्‍येत,” सिन आँट तेरगीन गाल्‍सुङ।

शक्ति काम 14:27

थेपा लेप्‍नामेकी येशू ख्रीष्‍ट मि गाङेला जम्‍मा खाईन थेबा ङिबोकी परमेश्‍वरगी खोपरोङला चुक चुक खित च्‍युत्‍सुङा थेमे ज्‍येन ज्‍येन जातकी मिलाङ थेकी चुक खाईन येशूला विश्‍वास खित्‍च्‍येते मौका बिन्‍सुङा सिन गाङे बात लाःप्‍सुङ।

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

रोमी 5:3

दोस्‍यिककामा मेन, ङुरूङनी पीरताङ दुक्‍पे बेलालाङ गा खिओ। च्‍यिला सासीन दुक्‍पा ङेत्‍लाराङ ङुरूङ दुक्‍पा खपे खिता थुप्‍च्‍या डुइओ।

एफिसी 2:8

ख्‍योकोनगी थेला विश्‍वास खानामेई थे खोरोङ दयेकीकामा परमेश्‍वरगी ख्‍योकोनला पापकी सजायदुकी टालाते ईन। ख्‍योकोनगी खइँदा लेमु काम खाबेकी खित्‍सादु मेन्‍गीन थे खोरोङगी दोक खिता चालेकीकामा थेकी ख्‍योकोनला पापकी सजायदुकी टालाते ईन।

कलस्‍सी 2:12

चुक सासीन ख्‍योकोनला बप्‍तिस्‍मा तेरजीन ख्‍योकोन छ्युई नाङ नुप्‍जीन ख्रीष्‍टताङराङ स्‍यिइन थेत्ताङ दिबाते ईन। थेमे छ्युदुई थेन्‍जीन परमेश्‍वरगी ख्‍योकोनला ख्रीष्‍टताङराङ सोम्‍बो लोक्‍पाते ईन। ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरताङ छ्येज्‍यीक शक्ति ओत सिन थेला विश्‍वास खाबेकी थेकी ख्‍योकोनला थोक खाबाते ईन।

याकूब 1:2

आज्‍यो न्‍वावे, ख्‍योकोनला थरी थरी दुक्‍पा ओङजीन थोकनी लेमु ओङालाका ओङाते ईन सिन गा खि।

१ पत्रुस 4:13

दोक्‍ते दुक्‍पा भोगे खिता फाप्‍जीन ख्‍योकोन गाका खि। च्‍यिला सासीन दोक ओङजीन ख्‍योकोनगी ख्रीष्‍टकी चुक दुक्‍पा भोगे खाबा ओता ईन्‍दाका सिन टिक्‍पी टिक्‍पी छ्या स्‍येक्‍यो। थेमे ख्रीष्‍ट था छ्येज्‍यीक शक्ति ङेत्‍ला दुरू ग्‍युरला ओङे छोमु ख्‍योकोनोङ आउदी खाला गा खिता ङेत्‍क्‍यो।