फिलिप्‍पी 1:26 - जिरेल

²⁶ थोक खाईन ख्‍योकोनताङ ठेत्‍नामेई येशू ख्रीष्‍टकी ङाला चुक लेमु खासुङा सिन आउदी गा खिन ख्‍योकोनगी थेते जय जय खिओ।

फिलिप्‍पी 1:26 Iomraidhean Croise

यूहन्‍ना 16:22

ख्‍योकोनलाङ होदोकराङ ओङगो। चुक सासीन था ख्‍योकोनला आउदी पीर लाङगो। ईन्‍सीनोङ याङराङ ङा ख्‍योकोनला ठेता खिओ। थेमे थेजीन ख्‍योकोनला आउदी गा लाङगो। सुइँदेकी ख्‍योकोनला दोक खाला गा माकेत सासीनोङ ख्‍योकोन खाराक्‍पा देताराङ मुथुबो।

यूहन्‍ना 16:24

थातासाक ख्‍योकोनगी ङे मिन लाकीन आबाताङ छ्याःङ नाङ खाबा मेत। था ख्‍योकोनगी आबाला नाङ खि। ख्‍योकोनगी नाङ खाबाते ङेत्‍नामेकी छ्याःङ पीर मिक्‍किता खाला ख्‍योकोन आउदी खाला गा खिओ।

२ कोरिन्‍थी 5:12

ङे दोक साबाते ङेराङ आउदी लेमु मि ईन सिराला मेन्‍देकी ङ्योकोन मेलेबा मि ईन सिरकानला ङ्योकोन थोक्‍ते मि मेन सिन ख्‍योकोनगी छ्याःङ ज्‍यीबा मिक्‍किता खाला सिरा थुप्‍स्‍यीत सिनकामा ईन। ङ्योकोनला थोक सिरकान्‍ते मिओन ज्‍येनगी ताजीन आउदी लेमु मि दुका सिराच्‍योक थोङसीनोङ थेबे सेम लेमु मेत।

२ कोरिन्‍थी 7:14

तीतस थेपा ओङा भन्‍दा गोमा ङे थेला ख्‍योकोन लेमु मि ईन, ख्‍योकोनगी थेला आउदी लेमु खिओ सिन साबा ओतान। थे थेपा ओङजीन ख्‍योकोनगी थेला आउदी लेमु खाबेकी ख्‍योकोन लेमु मिराङ दुका सिन थेकी छ्या स्‍येसुङ। थोगी ङे थे दोन्‍दु छ्याःङ ङोचा खिता माफाप्‍सुङ। ख्‍योकोनताङ ङ्योकोनगी मेन्‍दाते सिराते बातज्‍यीगोङ माक्‍या। थोकराङ खाईन ङे तीतसला ख्‍योकोन चुक्‍ते मि ईन्‍दे सिन साबाते बादोङ ढाँर खाबाते मेन्‍दाक्‍वा सिन थेकी छ्या स्‍येसुङ।

२ कोरिन्‍थी 7:4

ख्‍योकोनताङ ङा ङाराङ सेमगी बादोङ खिता थुप्‍क्‍यो। ख्‍योकोन लेमु काम खित्‍कान्‍ते मि ईन सिन सम्‍झे खित्‍जीन ङाला गा लाङगीदुक। ङेराङगी जस्‍तो दुक्‍पा ङेत्‍सीनोङ ङानी गाकी फिरगीन देत्‍क्‍यो।

२ कोरिन्‍थी 7:6

थोक ईन्‍सीनोङ न्‍वा तीतस दुरू वानामेईचेन पीरताङ दुक्‍पाला मिओनला आँट तेरकान्‍ते परमेश्‍वरगी ङ्योकोनला सेम ढुक्‍क लाङसुङ।

गलाती 6:4

मि सुङगीङ फलानेकी भन्‍दानी ङेका लेमु खाबाते ईन सिराच्‍योक खाला छ्ये खिता मेङगो। बरू दाक्‍पोनगी खिता फापा च्‍योकराङ खाताकाना माक्‍याताका सिन विचार खाला ता फाप्‍क्‍यो। दोक खाला ताजीन दाक्‍पोनगी खिता फापा च्‍योकराङ खाबा ओताते मिकीचेन गा खिता ङेत्‍क्‍यो।

फिलिप्‍पी 3:1

थेमे ज्‍येन बात च्‍यि सासीन आज्‍यो न्‍वावे, ख्‍योकोन प्रभु ख्रीष्‍टताङ जीउज्‍यीकराङ ओङा ओताते मि ईन्‍देकी गा खि। ङा ख्‍योकोनला ङे गोमामेई याङ याङ सिन वाबाते बातराङ टिगीन ओत। बातज्‍यीकराङ याङ याङ टिक्‍पा फाप्‍सीनोङ ङाला छ्याःङ दिक्‍क लाबा मेत। ङे टिबाते बात पढे खाला ख्‍योकोनगी चुक खिता फाप्‍च्‍या ईन्‍दाका सिन लेमु खाला छ्या स्‍येक्‍यो।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

फिलिप्‍पी 4:10

थेमे ज्‍येन बात च्‍यि सासीन काल्‍बेई तिरी ईन्‍सीनोङ ख्‍योकोनगी ङाला सिन लोईन पैसा बिन्‍गीन ताङदुक। थे ङेत्‍नामेई गा खिन ङे प्रभु येशूला छ्ये जोबाप। ईन्‍दाका ख्‍योकोनगी ङाला मद्धत तेरा माचालाते मेन, ईन्‍सीनोङ थोक खित्‍च्‍येते मौका ङेता मेतान।

फिलिप्‍पी 4:4

थेमे प्रभु येशूताङ जीउज्‍यीकराङ ओङाते मि ईन्‍देकी दुक्‍पा किम्‍मु जस्‍तो ओङजीनोङ ख्‍योकोन जहिलेङ गा खि। ख्‍योकोन गा खि सिन ङा याङराङ सिओ।