फिलिप्‍पी 1:18 - जिरेल

¹⁸ थेबेकी थोक खाबाते बातला ङाला छ्याःङ चासो मेत। जसकी जस्‍तो सेमगी लाप्‍सीनोङ ख्रीष्‍टते गा लाङच्‍येते बात मि काल्‍बेईकी छ्या स्‍येकीन दुक। ङाला चासो लाङच्‍येते बात होदिराङ ईन। थोक ओङा थोङनामेई ङालानी आउदी गाका लाबा ओत। ङा थोरूमोङ गा खिन देत्‍क्‍यो।

फिलिप्‍पी 1:18 Iomraidhean Croise

मत्ती 23:13

धर्मे गुरूओनताङ फरिसी पाटी मिवे, ख्‍योकोन चुक्‍तेन्‍दे ईन्‍दाका। था ख्‍योकोनला आउदी मेलेबा ओङगो। च्‍यिला सासीन चुक खाला स्‍वर्गे राज्‍यने स्‍यूक्‍पा थुप्‍कीते सिन ख्‍योकोनगी मिओनला लोपराङ मोलोप्‍तुक। थोक ईन्‍देकी मिओन थेने स्‍यूक्‍पाराङ मुथुप्‍तुक। दोक खाला खेराङनी थेने स्‍यूक्‍पा माङेत्‍सुङ माङेत्‍सुङ थेने स्‍यूक्‍पा सेम खित्‍कान्‍तेबालाङ ख्‍योकोनगी स्‍यूकराङ मुज्‍युत्‍तुक।

मर्कूस 12:40

परमेश्‍वरला आउदी खाला माने खित्‍कान्‍ते ईन सिन तेन्‍दाला थेबाचेन काल्‍बासाक प्रार्थना खिन देत्‍कीदुक। लेमु खाईन तासीन नाङ नाङलाचेन थेबेकी ख्‍योबो स्‍यिइन सिन्‍दाते फेम्‍मे मिओन सम्‍पत्ति ठगे खाईन सोकीन सिन्‍दा ओङगो। था तिरी थेबेकी आउदी छ्येज्‍यीक सजाय ङेत्‍क्‍यो,” सिन सिदुक।

लूका 9:45

थेकी थोक सिरजीन च्‍यि साबाते ईन्‍ताका सिन चेलातेबेकी छ्याःङ माखोसुङ। च्‍यिला सासीन परमेश्‍वरगीराङ थेबाला थे बात खो माच्‍युत्‍सुङ। थेबेकीङ ज्‍यीबेकी खित्‍सादु गुरू खुई दि च्‍यि साबाते ईन्‍दे सिन थेला माठिसुङ।

लूका 9:50

थोक सिरजीन येशूकी थेला “थोक्‍ते मिला ख्‍योकोनगी थोक माकेत सिन मासेर। च्‍यिला सासीन ख्‍योकोनला मेलेबा मिक्‍किकान्‍ते मिचेन ख्‍योकोनताङ डिक्‍कान्‍तेराङ ईन,” सिन सिदुक।

रोमी 3:9

थेमे था ङुरूङ चुक सिरच्‍ये ओना? च्‍यि ङुरूङ यहूदीओन ज्‍येन ज्‍येन जातकी मि भन्‍दा लेमु मि ईन सिरच्‍या? चुक खाला दोक सिरच्‍येरो? च्‍यिला सासीन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत गाङेराङ मेलेबा कामताङ पाप खित्‍कान्‍ते ईन सिन ङुरूङगी लेमु खाईन छ्या स्‍येसुङ मेन?

रोमी 6:15

परमेश्‍वर नियम अधीनला मेन, परमेश्‍वरगी दया खाबेकी थे अधीनलाका ओतेकी था ङुरूङगी थे नियम मेङेन्‍दा खाला जे खासीनोङ ओङगीतासीन सिनोङ ङुरूङगी सिरा मेङगो। पाप सिराते ङुरूङगी खिताराङ मेङगो।

१ कोरिन्‍थी 10:19

ङे दोक सिरजीन ल्‍हाला पूजा खित्‍च्‍येते छ्येते बात ईन, ल्‍हे मूर्तिङ छ्ये ईन सिन साबाते मेन याङ।

१ कोरिन्‍थी 14:15

ङा चुक खिते सासीन ङाराङ आत्‍माला परमेश्‍वर आत्‍मेकी कोता ओता च्‍योकराङ खाला ङाराङ आत्‍मेकीङ प्रार्थना खिओ। ङाराङगी दोक दोक सिन ओत सिरच्‍येते छ्या स्‍येलाङ प्रार्थना खिओ। थोकराङ खाला ङाराङ आत्‍माला परमेश्‍वर आत्‍मेकी कोता ओता च्‍योकराङ खाला ङा ङाराङ आत्‍मेकी लु लिन्‍ग्‍यो थेमे ङाराङगी दोक दोक सिन ओत सिरच्‍येते छ्या स्‍येलाङ लु लिन्‍ग्‍यो।

१ कोरिन्‍थी 15:11

थोगी ङे ईन्‍सीनोङ थेमे ङा च्‍योकराङ येशू ख्रीष्‍टकी खटे खाबाते ज्‍येनगी ईन्‍सीनोङ ङ्योकोन गाङेकी ङे ख्‍योकोनला गाङे भन्‍दा छ्येते ईन सिन लापाते होदि बातज्‍यीकराङ लोप्‍क्‍यो। ख्‍योकोनगी ङेन्‍दाते बादोङ होदिराङ ईन।

फिलिप्‍पी 1:19

च्‍यिला सासीन ख्‍योकोनगी ङे लाईदु परमेश्‍वरला खिन ओताते प्रार्थना थेमे येशू ख्रीष्‍ट आत्‍मेकी ङाला मद्धत बिन्‍देकी था ङेते दि मुद्धा जे ओङसीनोङ ङाला लेमुराङ ओङगो।