फिलिप्‍पी 1:15 - जिरेल

¹⁵ ईन्‍दानी थेबे नाङ गाङेकी गाङेराङ डिक्‍ला ख्रीष्‍टते गा लाङच्‍येते बात लोप्‍की सिरच्‍येते सेमगी खाबाते मेन। थेबा कोईकीचेन मिओन ङे छ्य्‌वापा लै खासुङ सिन डारगी थे बात लोप्‍कीदुक। कोईकी थोक खासीनोङ ज्‍येनतेबेकीचेन लेमु सेमगीराङ दि काम खिदुक।

फिलिप्‍पी 1:15 Iomraidhean Croise

मत्ती 23:5

थेबेकीनी जे खासीनोङ खोपरोङगी खाबाते काम थोङला ज्‍येनगी खोपरोङ परमेश्‍वरला आउदी खाला माने खित्‍कान्‍ते मि दुका सिरस्‍यीत सिरच्‍ये सेमगीकामा खिओ। चुक सासीन थेबेकीचेन परमेश्‍वर नियम टिला जोदातेन्‍दे जन्‍तर च्‍योक जोला पाखुराताङ टाले लाई नाङला ठाला खोन्‍ला ख्‍याम्‍गीदुक। थोकराङ खाला खोलाकलाङ झुम्‍का रीम्‍बुतेन्‍दे ताप्‍ला खोन्‍गीदुक।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 11:20

थोक ईन्‍सीनोङ कोई कोईकीचेन एन्‍टिओखियापा गाल्‍गीन ग्रीकओनलाङ प्रभु येशू बात लाप्‍सुङ। थोक खित्‍कान्‍तेबाचेन साइप्रस लुङबाताङ साइरेनी सारगी मिओन ओतान।

शक्ति काम 5:42

थे तिरीङ थेबेकी गा लाङच्‍येते बात लोपा ताङराङ माताङसुङ। ङीमे ठाङमा परमेश्‍वर मन्‍दिरदु थेमे मि खाम्‍बा खाम्‍बाला गाल्‍ला येशू परमेश्‍वरगी तोङगो साबाते ख्रीष्‍टराङ ईन सिन दि बात मिओनला लोप्‍कीनराङ देत्‍सुङ।

शक्ति काम 8:35

थेमे फिलिपकी थे मिकी पढे खाबाते बातचेन येशूकी दुक्‍पा ङेत्‍च्‍येतेताङ स्‍यिच्‍येते बात सिराला खाबाते ईन सिन थे बातदुकीराङ येशू गा लाङच्‍येते बात गाङे लेमु खाईन थेला लाप्‍कीन बिन्‍सुङ।

शक्ति काम 8:5

थेबे नाङ फिलिपचेन सामरिये अञ्‍चलते सारज्‍यीक्‍तु गाल्‍गीन थेरू मिओनला परमेश्‍वरगी तोङगो साबाते ख्रीष्‍ट येशूराङ ईन सिन थे बातओन लोपाला स्‍यूसुङ।

शक्ति काम 9:20

येशूला विश्‍वास खिताला स्‍यूक्‍पाईताङ शावल थेरू ओताते यहूदीओनते मिटिङ खित्‍च्‍येते खाम्‍बे नाङपा गाल्‍गीन थेरू जम्‍मा ओङाते मिओनला येशू परमेश्‍वर फुज्‍युङराङ ईन सिन लोपाला स्‍यूसुङ।

रोमी 2:8

परमेश्‍वरगी छ्या स्‍ये च्‍युताते सत्‍यते बात मेङेन्‍दा खाला खोपरोङ खुशी खिन मेलेबा काम खित्‍कान्‍ते मिओनलाचेन थेकी स्‍येदाङगी चूर गाल्‍ला सजाय तेरग्‍यो।

१ कोरिन्‍थी 1:23

दोक ईन्‍सीनोङ ङ्योकोनचेन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिन मिओनला लोप्‍क्‍यो। दि बात लोप्‍जीन यहूदीओनचेन दिनी परमेश्‍वर विरोध खाबाते ईन सिन स्‍येदाङ खिदुक। थेमे ग्रीकओनचेन दि लेम्‍बे बात ईन सिन ङेनराङ मेङेन्‍दुक।

१ कोरिन्‍थी 13:3

थेमे ङाराङ सम्‍पत्तिबरी छ्याःङ मेताते मिओनला गोकीन बिन्‍सीनोङ थेमे ज्‍येनगी ङाराङला छ्ये मि ईन सिरस्‍यीत सिन ङाराङला मे लै खाईन स्‍यिसीनोङ ङे ज्‍येनला ङिङज्‍ये माक्‍यासुङ सासीन ङे थोक खाबाते ङाला छ्याःङ फाइदा मेङगो।

२ कोरिन्‍थी 1:19

च्‍यिला सासीन सिल्‍वानस, तिमोथी थेमे ङे ख्‍योकोनला छ्या स्‍येबा खाईन बिन्‍दाते परमेश्‍वर फुज्‍युङ येशू ख्रीष्‍टचेन साँचोतेङ मेन्‍दातेङ परी ङि बात खित्‍कान्‍ते मेन। थे खालि साँचोते बातकामा खित्‍कान्‍ते ईन।

२ कोरिन्‍थी 11:13

होथेबानी ख्रीष्‍टकी खटे खाबाते मि ईनराङ मेन। थेबा मिला छक्‍के खाला ठगे खित्‍कान्‍तेबा ईन। थेबानी ख्रीष्‍टकी खटे खाबाते मिकी च्‍योक खित्‍जुम खित्‍कान्‍तेबाकामा ईन।

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

२ कोरिन्‍थी 4:5

थेमे ङ्योकोन ज्‍येनगी ङेराङला आउदी लेमु मि दुका सिरस्‍यीत सिन दि बात लोप्‍च्‍येते मेन। येशू ख्रीष्‍टराङ छ्ये ईन, थेराङ गाङेते मालिक ईन सिन ङ्योकोन मिओनला लोप्‍क्‍यो। थोक ईन्‍देकी ङ्योकोनचेन थेला मान खिन ख्‍योकोन काम खित्‍कान्‍ते मि च्‍योकराङ ईन।

गलाती 2:4

ईन्‍दाका येशू ख्रीष्‍टला विश्‍वास खित्‍कान्‍ते ईन सिरकान तर थोक मेन्‍दाते कोई कोई मि ङ्योकोन बात खित्‍सादु माबा ईन्‍सीन थे खतकी चिनु जोच्‍येते बादोङ थेन्‍च्‍याराङ मेतान। येशू ख्रीष्‍टताङ जीउज्‍यीकराङ ओङगीन ङ्योकोनगी परमेश्‍वरगी ङेराङ यहूदीओनला बिन्‍दाते होथे नियम ङेन्‍दा ताङा ओताते बात छ्या स्‍येबा ओत्‍कीन ङ्योकोनगी चुक चुक खित्‍च्‍या ईन्‍दाका सिन चिवा खिताला होथेबाचेन सुङगीङ स्‍योक मासाबाला थाराङ थेरू वाबा ओतान। थेरू खइँदा बात जिन्‍दा थुप्‍सीन लोक्‍ला ङ्योकोनला होथे नियमतेबा गाङे ङेन्‍दाराङ फाप्‍क्‍यो सिराला थेबा थोक खाईन थेरू वाबा ओतान।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।