फिलिप्‍पी 1:14 - जिरेल

¹⁴ ङाला जेलदु लुक्‍नामेई प्रभु ख्रीष्‍टला विश्‍वास खित्‍कान्‍ते ज्‍येन आज्‍यो न्‍वा काल्‍बेईकी ज्‍यीबा खाला देता मेङच्‍याक्‍वा सिन आँट ङेता ओत। आँट ङेत्‍कीन था थेबेकी परमेश्‍वर बात ज्‍यीबाराङ मिक्‍किता खाला लोप्‍कीदुक।

फिलिप्‍पी 1:14 Iomraidhean Croise

मर्कूस 3:3

थेमे येशूकी थे लाक्‍पा काम्‍बाते मिला “खो खोक लाला च्‍याला दुरू स्‍योक्‍ते,” सिन काताङसुङ।

लूका 1:74

चुक सासीन शत्रुओनताङ ज्‍यीबा मिक्‍किता खाला थे खोरोङला माने खिन देता थुप्‍स्‍यीत सिन परमेश्‍वरगी ङुरूङला थेबे लाःक्‍तुई डेल्‍ग्‍यो।

२ कोरिन्‍थी 3:12

बात दोक दोक ईन्‍देकी ङ्योकोन ङेराङगी लोप्‍च्‍येते बात छ्याःङ ज्‍यीबा मिक्‍किता खाला खिओ।

२ कोरिन्‍थी 7:4

ख्‍योकोनताङ ङा ङाराङ सेमगी बादोङ खिता थुप्‍क्‍यो। ख्‍योकोन लेमु काम खित्‍कान्‍ते मि ईन सिन सम्‍झे खित्‍जीन ङाला गा लाङगीदुक। ङेराङगी जस्‍तो दुक्‍पा ङेत्‍सीनोङ ङानी गाकी फिरगीन देत्‍क्‍यो।

एफिसी 3:13

दोक ईन्‍देकी ओर्च्‍ये, ख्‍योकोन लाईदु काम खित्‍जीन ङे जेलदु देत्‍कीन दुक्‍पा भोगे खिता फापा ओत्‍सीनोङ ख्‍योकोन सेम मासेत। ङे दोक खाईन दुक्‍पा भोगे खाबातेनी ख्‍योकोनला लेमु ओङालाराङ ईन।

फिलिप्‍पी 1:20

था याङराङ अड्डादु बयान लिन्‍जीन ङाला सेत्‍सीनोङ सोम्‍बोराङ ताङसीनोङ थातासाक खाबा च्‍योकराङ खाला हत्तेरिका ङे च्‍यिला थोक खाताका सिराच्‍योक लाङच्‍येते कामताङ बात छ्याःङ मिक्‍किओ सिन टुङ्गो खाबा ओत। दोक खाला ङाराङला जस्‍तो ओङसीनोङ सुङताङ ज्‍यीबा मिक्‍किता खाला ख्रीष्‍टते जय जय ओङच्‍येते कामकामा खिता थुप्‍स्‍यीत सिन ङे आश खाबा ओत।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

फिलिप्‍पी 4:1

बात दोक दोक ईन्‍देकी ङिङज्‍येते आज्‍यो न्‍वावे, ख्‍योकोन प्रभु येशूताङ जीउज्‍यीकराङ ओङाते मि ईन्‍देकी जस्‍तो ओङसीनोङ थेला विश्‍वास खिन देत। ख्‍योकोन मायेकी ङाला था ख्‍योकोनला याङराङ नामराङ ठेदोङा सिराच्‍योक लाकीन सिन्‍सुङ। ख्‍योकोनगी लेमु खाबा थोङगीन ङाला आउदी गा लाबा ओत। ङा खुशी ओत।

कलस्‍सी 4:4

ङे ङाराङगी खिता फापा च्‍योकराङ खाला होथे बात मिओनगी लेमु खाला खोच्‍या खाला लोपा थुप्‍स्‍यीत सिनोङ प्रार्थना खि।

कलस्‍सी 4:7

ज्‍येन बात च्‍यि सासीन ङिङज्‍येते न्‍वा टाइकिकसकी थेपा लेप्‍नामेई ख्‍योकोनला ङे बात गाङे लाःप्‍क्‍यो। दिकी खिता फापा च्‍योकराङ खाला प्रभु येशू काम खिन ओत। दिङ ङा च्‍योकराङ प्रभु येशू काम खित्‍कान्‍ते मि ईन।

१ थिस्‍सलोनिकी 2:2

च्‍यि सासीन ख्‍योकोन ओत्‍सापा ओङा भन्‍दा गोमा फिलिप्‍पी सारदु परमेश्‍वरते गा लाङच्‍येते बात लोप्‍जीन थेरू मिओनगी ङ्योकोनला दुकीन इज्‍जत बेइज्‍जत खाबाते बात ख्‍योकोनगी छ्या मास्‍येबाते मेन। थेरू थोक खाईन दुक्‍पा बिन्‍सीनोङ परमेश्‍वरगी ङ्योकोनला आँट बिन्‍देकी ङ्योकोनगी ख्‍योकोन ओत्‍सादु वाकीन थेरूङ थे बातराङ लापाप। थेरूङ मिओनगी आउदी दुक्‍पा बिन्‍सीनोङ ङ्योकोनगी छ्याःङ ज्‍यीबा मिक्‍किता खाईन ख्‍योकोनला थे बात लापा ओतान।

२ तिमोथी 2:9

दि बात लापेकीराङ ङा दुक्‍पा भोगे खिन ओत। ङाला डाँकाला च्‍योक खाईन नेल कोन्‍गीन जेलदु समेत लुक्‍पा ओत। तर ङाला नेल कोन्‍ला जेलदु किल्‍ला ज्‍य्‌वाबाच्‍योक खाला परमेश्‍वर बात फैले मिक्‍किस्‍यीत सिनचेन जति खासीनोङ सुङगीङ छ्याःङ खिता मुथुबो।