फिलिप्‍पी 1:13 - जिरेल

¹³ चुक ओङसुङा सासीन ङे खइँदा मेलेबा काम खाबेकी मेन्‍गीन ख्रीष्‍टते गा लाङच्‍येते बात लापेकीका ङाला जेलदु लुक्‍पाते दुका सिन दुरू ओताते रोमी गेल्‍बो मिल्‍टेरीओनताङ ज्‍येनोङ मि गाङेकी छ्या स्‍येसुङ।

फिलिप्‍पी 1:13 Iomraidhean Croise

शक्ति काम 26:29

थेमे पावलगी “बात जस्‍तो ईन्‍सीनोङ होत्ता ईन्‍स्‍यीत तिरीकामा ईन्‍स्‍यीत थरिङ दुरू दि बातओन थोकान्‍तेबा सरकार खो थेमे ज्‍येन दुरू ओतातेबरी गाङेराङ ङा च्‍योकराङ येशूला विश्‍वास खित्‍कान ओङस्‍यीत सिन ङा परमेश्‍वरला प्रार्थना खिओ। तर ङे च्‍योक खाला ख्‍योकोनगीचेन नेल खोन्‍दा माफाप्‍स्‍यीत,” सिन सिदुक।

शक्ति काम 26:31

डोजीन थेबेकी “दि मिला सेताराङ फाप्‍च्‍येते कि जेलला ज्‍य्‌वाबा फाप्‍च्‍येते गल्‍तीनी दिकी छ्याःङ खाबा मेताक्‍वा,” सिन खोपरोङ नाङ बात खासुङ।

शक्ति काम 28:17

थेरू लेपाते ङीमा सुम तिरी पावलगी थेरू ओताते यहूदीओन छ्ये छ्ये मिला थे खोरोङ ओत्‍सादु काताङसुङ। थेमे थेबा जम्‍मा ओङनामेकी थेकी थेबाला “आज्‍यो न्‍वावे, बात च्‍यि सासीन ङे दाक्‍पोन जातकी मि सुङलाङ छ्याःङ मेलेबा खाबा मेतान। थेमे ज्‍युज्‍यु पुर्खे पालोमेकी चले खिन वाबाते रीतिथितिङ ङ्ये च्‍युता मेतान। दोक खाला ङेते छ्याःङ गल्‍ती मेत्‍सीनोङ दाक्‍पोन यहूदीओनगीराङ ङाला यरूशलेमदु जुम्‍गीन थेरू रोमी गेल्‍बो मिओन लाःक्‍तु सोम्‍पे खासुङ।

शक्ति काम 28:20

दि बातओन खिताप सिनराङ ङे ख्‍योकोनला काताङाते ईन। था तिरी परमेश्‍वरगी स्‍याप्‍ते मिओनला सोम्‍बो लोइओ सिन साबाते ङुरूङ इस्राएली गाङेकी आश खाईन गुकीन देताते बात पक्‍काराङ ईन सिन लोप्‍कीन ख्‍याम्‍बेकीराङ ङे दि नेल खोन्‍दा फापाते ईन,” सिन बात खासुङ।

शक्ति काम 28:30

पावल लो ङिसाक थे खोरोङगी डेरा लाबाते खाम्‍बादु देत्‍सुङ। थेमे थेरू थे खोरोङला ठेता खित ओङकान्‍ते मि गाङेला थेकी लेमु खासुङ।

एफिसी 3:1

परमेश्‍वरगी ख्‍योकोनला होदोक लेमु खाबा ओतेकी ङा पावल ख्‍योकोन लाईदु परमेश्‍वरला प्रार्थना खिओ। येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ख्‍योकोन ज्‍येन ज्‍येन जातकी मिला लेमु ओङस्‍यीत सिन ङा दोक खाला दुक्‍पा भोगे खिओ।

एफिसी 4:1

बात दोक दोक ईन्‍देकी ङा ख्‍योकोनला दोक खि सिन सिओ। प्रभु येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ङा ख्‍योकोनला चुक खि सिते सासीन ओर्च्‍ये, परमेश्‍वरगी खेराङला थे खोरोङ दोन्‍दु स्‍योक सिन कातोङजीन ख्‍योकोनगी चुक चुक खिता फाप्‍क्‍यो सिन साबा ओताने थोक थोकराङ खि।

एफिसी 6:20

ङा दि गा लाङच्‍येते बात लोपाला येशू ख्रीष्‍टकी ताङाते मि ईन्‍सीनोङ दुरू जेलदु देता फापा ओत। जे ईन्‍सीनोङ ङे दि बात छ्याःङ ज्‍यीबा मिक्‍किता खाला जस्‍तो खाला लोपा फाप्‍च्‍येते ईन थोकराङ खाला लोप्‍कीन देता थुप्‍स्‍यीत सिन प्रार्थना खिनराङ देत।

फिलिप्‍पी 1:30

गा लाङच्‍येते बात ङेन्‍गीन देताला थेमे फैले खिताला थरिङोला ख्‍योकोनगीङ ङे च्‍योकराङ दुक्‍पा खिता फापा ओत। जति दुक्‍पा ओङजीनोङ ङे चुक खाईन गा लाङच्‍येते बात लोप्‍कीनराङ देता ओताने थे ख्‍योकोनगी थोङातेराङ ईन। ङा थोरूमोङ थोकराङ खिन ओताते बादोङ ख्‍योकोनगी माथोबाते मेन।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

फिलिप्‍पी 4:22

थेमे देपा ओताते परमेश्‍वर सन्‍तान गाङेते ख्‍योकोनला नमस्‍ते ओत्‍लो। थेबे नाङदुङ रोमी गेल्‍बो दरवारदु ओताते परमेश्‍वर सन्‍तानओनते ख्‍योकोनला काल्‍बेई नमस्‍ते ओत्‍लो।

२ तिमोथी 2:9

दि बात लापेकीराङ ङा दुक्‍पा भोगे खिन ओत। ङाला डाँकाला च्‍योक खाईन नेल कोन्‍गीन जेलदु समेत लुक्‍पा ओत। तर ङाला नेल कोन्‍ला जेलदु किल्‍ला ज्‍य्‌वाबाच्‍योक खाला परमेश्‍वर बात फैले मिक्‍किस्‍यीत सिनचेन जति खासीनोङ सुङगीङ छ्याःङ खिता मुथुबो।