फिलिप्‍पी 1:12 - जिरेल

¹² थेमे आज्‍यो न्‍वावे, ङाला जेलदु ज्‍याक्‍पातेनी लेमुका ओङसुङ। ङाला जेलदु ज्‍याक्‍नामेई झन काल्‍बेई मिकी गा लाङच्‍येते बात थोबा ओत।

फिलिप्‍पी 1:12 Iomraidhean Croise

लूका 21:13

थेजीन ख्‍योकोनगी थेबाला खेराङ च्‍यिला ङाला विश्‍वास खिते सिन लाःपा ङेत्‍क्‍यो।

शक्ति काम 8:4

यरूशलेमदुई छरपुट्ट गाल्‍गीन गालाते मिओनगी खोपरोङ गाल्‍सा गाल्‍साला मि गाङेला गा लाङच्‍येते बात लोपाला स्‍यूसुङ।

रोमी 8:28

थेमे दि बादोङ ङुरूङला लेमुराङ खाला छ्या ओत। च्‍यि सासीन परमेश्‍वरला ङिङज्‍ये खित्‍कान्‍ते मिओनलाचेन दुक्‍पा किम्‍मु जेराङ ओङसीनोङ परमेश्‍वरगी लेमुराङ ओङ ज्‍युत्‍क्‍यो। थेबे लाईदु थे खोरोङगी खिओ साबाते काम खिताप सिन परमेश्‍वरगी थेबाला थे खोरोङ दोन्‍दु स्‍योक सिन काताङाते ईन।

रोमी 8:37

तर दाक्‍पोनला जे ओङसीनोङ येशू ख्रीष्‍टकी ङुरूङला ङिङज्‍ये खाबा ओतेकी सुङगीङ थेमे दोक्‍ते दुक्‍पा छ्याःङगीङ ङुरूङला ग्‍याला मुथुबो सिन ङुरूङ सेम मेसेता खाला ढुक्‍कराङ खाला देत्‍क्‍यो।

फिलिप्‍पी 1:5

ङा च्‍यिला थेला धन्‍यवाद तेरगीते सासीन खेराङगी गा लाङच्‍येते बात ङेन्‍दा छुरनामेई दि बात ज्‍येनगीङ छ्या स्‍येबा फाप्‍क्‍यो सिन ख्‍योकोनगी ङात्ताङ डिगीन दि बात फैले खित्‍च्‍येते काम खासुङ। थोक खिता ख्‍योकोनगी थोरूमसाक ताङा मिन्‍दुक।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

फिलिप्‍पी 2:22

तिमोथी थे खोरोङगी खिता फाप्‍च्‍येते काम चुक लेमु खाला खित्‍कान्‍ते मि ईन्‍दे सिन ङे ख्‍योकोनला सिरा माफाप्‍तासीन। फुज्‍युङतेकी आबातेताङ डिगीन काम खाबा च्‍योकराङ खाईन दिकी ङात्ताङ डिगीन ज्‍येनला गा लाङच्‍येते बात लापा ओत।

फिलिप्‍पी 4:15

गोमा म्‍यासिडोनिये लुङबादु गा लाङच्‍येते बात लाप्‍ला थेरूई डोजीन ख्‍योकोन फिलिप्‍पीदु जम्‍मा ओङकान्‍ते येशू ख्रीष्‍ट मिओन लाःकनापेकीकामा ङे पैसा लाबा ओतान। ज्‍येन ज्‍येन ठाउँकी येशू ख्रीष्‍ट मिओन लाःकनापेईचेन ङे पैसाज्‍यीगोङ लाबा मेतान। गा लाङच्‍येते बात लाप्‍कीन बिन्‍नामेई ख्‍योकोनगी ङे कामगी लाईदु सिन दुकीन बिन्‍दाते पैसाचेन ङे लाबा ओतान। दि बात ख्‍योकोनगी पक्‍काराङ टोक ज्‍येता मेतासीन।

फिलिप्‍पी 4:3

ङात्ताङ डिक्‍ला ङे च्‍योकराङ खाला काम खित्‍कान्‍ते ङे र्‍वा खुई थे फेम्‍मे मि ङिबोला डिक्‍पा खाला बिन। गा लाङच्‍येते बात फैले खिताला ङात्ताङ थोङला दुक्‍पा खाला खाला काम खित्‍कान्‍ते मि नाङ क्‍लेमेण्‍टताङ ज्‍येनतेबाकामा मेन, होथे फेम्‍मे मि ङिबोङ ईन। थेबा गाङे मिन नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताबला टिबा ओत।

१ तिमोथी 2:8

थेमे ङा च्‍यि सिते सासीन येशू ख्रीष्‍ट मिओन जम्‍मा ओङजीन गाङेपा ख्‍योओ मिओनगी प्रार्थना खिता फाप्‍क्‍यो। प्रार्थना खिताला लाक्‍पा लोङजीन थेबा मेलेबा काम खिता ताङगीन सिन्‍दाते मि ओङा फाप्‍क्‍यो। थेबेकी सुङताङ स्‍येदाङ खुरा मेङगो। थेमे थेबा थोम्‍मु जीङगा खिता छोल्‍कान्‍ते मि ओङा मेङगो।

२ तिमोथी 2:9

दि बात लापेकीराङ ङा दुक्‍पा भोगे खिन ओत। ङाला डाँकाला च्‍योक खाईन नेल कोन्‍गीन जेलदु समेत लुक्‍पा ओत। तर ङाला नेल कोन्‍ला जेलदु किल्‍ला ज्‍य्‌वाबाच्‍योक खाला परमेश्‍वर बात फैले मिक्‍किस्‍यीत सिनचेन जति खासीनोङ सुङगीङ छ्याःङ खिता मुथुबो।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।