फिलिप्‍पी 1:11 - जिरेल

¹¹ थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

फिलिप्‍पी 1:11 Iomraidhean Croise

मत्ती 5:16

बात दोक ईन्‍देकी ख्‍योकोनगी लेमु काम खि। ख्‍योकोनगी खाबाते लेमुते काम थोङला परमेश्‍वरगी खित्‍सादुराङ ख्‍योकोनगी थोक खाबाते ईन सिन छ्या स्‍येला मिओनगी स्‍वर्गने देत्‍कान्‍ते ख्‍योकोन आबा परमेश्‍वरला मान खिओ।

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 15:2

थेकी अंगूर मोगोन्‍च्‍येते हाँगा गाङे ठेला क्‍युरग्‍यो। थेमे लेमु खाला गोन्‍च्‍येते हाँगातेबाचेन झन लेमु खाला गोन्‍स्‍यीत सिन कलमी खाला तेरग्‍यो।

यूहन्‍ना 15:8

अंगूर काल्‍बेई गोन्‍दाच्‍योक खाला ख्‍योकोनगी लेमु लेमु कामकामा खानामेई ङे आबाताङ चुक छ्येज्‍यीक शक्ति ओता ईन्‍दाका सिन मिओनगी छ्या स्‍येक्‍यो। दोस्‍यिककामा मेन, ख्‍योकोनगी थोक लेमु खाबा थोङजीन ख्‍योकोन ङे चेला दुका सिन गाङेकी छ्या स्‍येक्‍यो।

रोमी 15:28

था यरूशलेमपा गाल्‍ला थेबाला तेरा फाप्‍च्‍येते पैसा थेबे लाःक्‍तु बिन्‍गीन सिन्‍नामेईचेन ङा ख्‍योकोन ओत्‍सापा खाला स्‍पेनपा डुइओ।

रोमी 6:22

तर परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबाते ङेन्‍ला थेला मन परे खित्‍च्‍येते कामताङ बात खिता थुप्‍क्‍यो। दोक खाईन परमेश्‍वरगी खि साबाच्‍योक खिन गाल्‍नामेई ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

१ कोरिन्‍थी 10:31

बात दोक दोक ईन्‍देकी ख्‍योकोनगी साजीन ईन्‍स्‍यीत, थुङजीन ईन्‍स्‍यीत जे खित्‍जीनोङ खालि परमेश्‍वरला छ्ये जोच्‍येते कामकामा खि।

२ कोरिन्‍थी 9:10

थेमे परमेश्‍वरगीराङ बालीनाली लै खिताला सोन बिन्‍ला मिओनला साच्‍या थुङच्‍येते तेरच्‍येते ईन। दोक खाला थेकी गोच्‍येते जति बिन्‍ला ख्‍योकोनते जे कुरोङ फेल ज्‍युत्‍क्‍यो। थोक ओङनामेई ख्‍योकोनगी झन झन ज्‍येनला मद्धत बिन्‍ला लेमु खिता थुप्‍क्‍यो।

एफिसी 1:12

थे खोरोङ आउदी अचम्‍ब खाला काम खित्‍कान्‍ते ईन सिन थेते जय जय खिता थुप्‍स्‍यीत सिन ज्‍येनगी भन्‍दा गोमामेई ख्रीष्‍टला विश्‍वास खित्‍कान्‍ते ङ्योकोनला थेकी होथोक खाईन छाने खासुङ।

एफिसी 1:14

ङुरूङगी परमेश्‍वर आत्‍मा ङेता ओतेकी परमेश्‍वरगी तिरी ङुरूङला तेरग्‍यो सिन साबा ओताते जति गाङे ङेत्‍क्‍यो सिन ङुरूङगी छ्या स्‍येक्‍यो। थेकी थे खोरोङ मि गाङेला पूरो खाला पापदुकी टाल्‍ला थे खोरोङताङ देत ज्‍युत्‍जीन थेकी ङुरूङला तेरग्‍यो सिन साबा ओताते जति गाङे ङुरूङगी ङेत्‍क्‍यो। थेकी खाबाते होदि गाङे काम ताला थे चुक अचम्‍ब खाला काम खित्‍कान्‍ते ईन्‍दे सिन ङुरूङगी थेते जय जय खिता थुप्‍स्‍यीत सिन परमेश्‍वरगी होदि गाङे काम खाबाते ईन।

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

एफिसी 5:9

चुक सासीन नाम्‍दाकला देत्‍कान्‍ते मिकीचेन लेमुते कामताङ बात खिओ, परमेश्‍वरगी खि साबा साबाच्‍योक खिओ थेमे साँचोते बातकामा खिओ।

फिलिप्‍पी 4:17

दि बात खित्‍जीन ङाराङला पैसा बिन्‍दाते बातलाकामा मेन, ख्‍योकोनगी ङाला दोक खाबेकी परमेश्‍वरगी ख्‍योकोनला आशी बिन्‍ला लेमु खिओ सिन ङाला झन गा लाबा ओत।

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

कलस्‍सी 1:6

ख्‍योकोनला दि बात लाप्‍कीन बिन्‍दा ओत। सा लुङबा खाङराङ दि बात फैले खिन डुइन ओत। थेमे दि बात ङेन्‍गीन झन झन मि काल्‍बेईकी लेमु काम खिन दुक। गा लाङच्‍येते बात थोबा छोमुमेई थेमे परमेश्‍वरगी दया खिओ सिन लेमु खाईन छ्या स्‍येनामेई ज्‍येन ज्‍येनगी च्‍योकराङ खाईन ख्‍योकोनगीङ लेमु काम खिताला स्‍यूबाते ईन।

२ थिस्‍सलोनिकी 1:12

परमेश्‍वरगी ख्‍योकोनला ङ्योकोनगी प्रार्थना खाबा च्‍योकराङ खानामेई ख्‍योकोनगी खित्‍सादु ङुरूङ प्रभु येशूकी छ्येज्‍यीक मान ङेत्‍क्‍यो थेमे थेकी ख्‍योकोनलाङ मान तेरग्‍यो। दोक दोक ओङच्‍येतेचेन गाङे ङुरूङ परमेश्‍वरताङ प्रभु येशू ख्रीष्‍ट दयेकी खित्‍सादुराङ ईन।

तीतस 3:14

दोक खाला सुङगीङ दाक्‍पोनला छ्याःङ काम लै मिक्‍किच्‍येते मि मिसिरस्‍यीत सिन येशू ख्रीष्‍ट मिओनगीचेन सुइँदाला खाँचो परे खाबे बेलाला खइँदा तेरा फाप्‍सीन थोक खिता फाप्‍च्‍याक्‍वा सिन गाङेकी लोप्‍स्‍यीत।

हिब्रू 12:11

परमेश्‍वरगी ताला लुजीन दुक्‍पा ओङला ङुरूङला बान्‍दा गा मालाङो। थेकी ताला लुगीन लुगीन दाक्‍पोन पाको गाल्‍नामेकीचेन ङुरूङ थेकी साबा साबा च्‍योकराङ खित्‍कान थेमे ज्‍येनताङ डिक्‍ला थुन्‍ला देता थुप्‍कान ओङगो।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 2:5

परमेश्‍वरगी जुनी बिन्‍दाते ख्‍योकोनोङ दो च्‍योक्‍तेराङ ईन। दोक्‍ते दोई छ्य्‌वापेई परमेश्‍वरगी थे खोरोङ आत्‍मा देत्‍च्‍येते मन्‍दिर जोच्‍येते ईन्‍देकी ख्‍योकोनगी थेला मेङगो मिसिरा खाला थोक खित छ्युत। दोक ओङनामेई ख्‍योकोनगी परमेश्‍वरला मन परे खित्‍च्‍येतेबा चढे खित्‍कान्‍ते पूजारी ओङला थेला मन परे खित्‍च्‍येते काम खिता थुप्‍क्‍यो। दोकचेन ख्‍योकोनगी येशू ख्रीष्‍टकी खाबाते कामगी खित्‍सादु खिता थुप्‍क्‍यो।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।

१ पत्रुस 4:14

ख्रीष्‍टकी मि ईन्‍देकी ज्‍येनगी मनपरी सासीन ख्‍योकोननी भाग्‍यमानीका ईन। थेबेकी थोक खित्‍जीन ख्‍योकोनगी छ्येज्‍यीक शक्ति ओताते परमेश्‍वर आत्‍मा खेराङताङ ओत सिन झन लेमु खाला छ्या स्‍येक्‍यो।