फिलिप्पी 1:10 - जिरेल10 थेकी थोक खानामेई ख्योकोनगी जुन बेलालाङ च्यि खिता लेमु ईन्दे सिन लेमु खाला डेला थुप्क्यो। थोक ओङनामेकी ख्रीष्ट ग्युरला ओङे छोमु ख्योकोन सेमला मेलेबा मेताते, सुङगीङ दिबेकी दि दि गल्ती खाबा ओत सिरा मुथुप्च्येतेन्दे Faic an caibideil |
फिलिप्पी 1:10
43 Iomraidhean Croise
था ख्योकोनगी परमेश्वरला माने मिक्किकान्ते दि सा लुङबे मिओनते च्योक्ते चालचलनताङ बानी बिवारा गाङे थोङ। खेराङ सेम परमेश्वरला खुदुक जोला नाङ साला ख्योकोन सेम लेमु ओताते मि ओङा फाप्क्यो। दोक ओङनामेई परमेश्वरगी खेराङला च्यि च्यि खि सिरच्या ईन्दाका सिन ख्योकोनगी लेमु खाला छ्या स्येबा थुप्क्यो। दोक खाला ख्योकोनगी परमेश्वरला मन परे खित्च्येतेताङ लेमुते काम च्यि ईन्दाका सिन डेला थुप्क्यो।
आज्यो न्वावे, था थोरूम बातज्यीक च्यि सासीन ओर्च्ये ख्योकोनगी खेराङ नाङ फाटो ओङ ज्युत्कान्ते थेमे खेराङला गोमाका लाप्कीन बिन्दाते गा लाङच्येते बातताङ मिडिक्च्येते बात लाप्ला अलमल्ल लोङकान्ते मिओन सु सु ईन्दाका सिन छ्या स्येला थेबाताङ च्याङबो खि। थोक्ते मिओनताङचेन ख्योकोनगी साङराङ माकेत।
थेमे दि बात ङ्योकोन छ्याःङ ज्यीबा मिक्किता खाला सिरा थुप्क्यो। च्यि सासीन ज्येनगी दोन्दु ईन्स्यीत, ख्योकोन दोन्दु ईन्स्यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्योबा खाईन परमेश्वरगी खि साबा च्योकराङ खाईन लेमुते कामताङ साँचोते बातकामा खाबा ओत। ङेराङ स्येतताङ बुद्धिकी खित्सादु ङ्योकोनगी थोक खिता थुपाते मेन। परमेश्वर दयेकी खित्सादुराङ थोक खिता थुपाते ईन।
थेमे आज्यो न्वावे, गा लाङच्येते बात लोप्जीन ङेङ यहूदीओनगी जीउला ज्वा फाप्च्येते खतकी चिनु ज्वापराङ फाप्क्यो सिन थोरूमसाक लोप्कीन ओता ईन्सीन थरिङसाकराङ यहूदीओनगी च्यिला ङाला खेदा खाला खाला दुक्पा तेरगीका ओना? ङेङ थेबेकी साबा च्योकराङ खित्च्येते ईन्दा ईन्सीन येशू ख्रीष्ट स्यिङगी थामला टाँए खाईन स्याप्की खित्सादुकामा परमेश्वरगी मिला दोषी मेन सिओ सिन ङे लोप्कीन ओताते बातकीते थेबा सुङगीङ दोक खाला विरोध खित्च्याराङ मेतान।
थेमे सेमला ढुक्क लोङकान्ते परमेश्वरगी ख्योकोनगी मेलेबाते कामताङ बात सिराते छ्याःङ मिक्किस्यीत सिन ख्योकोन सेम खुदुक जोइन देत्स्यीत थेमे ख्योकोन आत्मा, सेम थेमे जीउ जेसुकैला लेमु खाला तेइनराङ देत्स्यीत। दोक खाला था ङुरूङ प्रभु येशू ख्रीष्ट ग्युरला ओङे छोमु ख्योकोन छ्याःङ दोष मेताते मि ओङस्यीत सिन ङ्योकोन प्रार्थना खिओ।
ङिङज्येते फिजावे, सुइँदेकी ङाला दि बात परमेश्वर आत्मेकी सिर च्युताते ईन सिन सिरजीनमेईराङ थोक्ते मि गाङे बात पत्ते माकेत। बरू थेबेकी साबाते बात परमेश्वर आत्मेकी सिर च्युताते ईन्दाकाना मेन्दाका सिन लेमु खाला छ्या स्येबा खि। च्यिला सासीन परमेश्वर बात खित्कान्ते मि ईन सिन मेन्दे बात लोप्कान्ते मिओन सा लुङबा खाङ ठाम्गीन सिन्दा ओत।
च्यि सासीन ख्योकोनगी खिन ओताते गाङे काम ङाला छ्या ओत। ख्योकोनगी स्याप स्याप खाईन काम खाबाते थेमे दुक्पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्कान्ते मिओनला ख्योकोनगी मन परे माक्याबातेङ ङाला छ्या ओत। खोपरोङ येशू ख्रीष्टकी खटे खाबाते मि ईन सिन सिरकान्तेबाला ख्योकोनगी थेबा पक्काराङ थोक्ते मि ईन्दाकाना मेन्दाका सिन विचार खाईन ताकीन थेबा थोक्ते मि मेन सिन छ्या स्येला दुक। थेबानी खोपरोङगी ईन साबा च्योक्ते मि ईनराङ मेन।
Sanasan