फिलिप्‍पी 1:1 - जिरेल

¹ दि चिट्ठी टिक्‍कान्‍ते ङा पावल थेमे तिमोथी ईन। ङ्योकोन येशू ख्रीष्‍ट काम खित्‍कान्‍ते मि ईन। ङ्योकोन दि चिट्ठी फिलिप्‍पी सारदु ओताते परमेश्‍वर सन्‍तानओनला ताकान्‍तेबे नाङ छ्येते मिओन थेमे थेबाला थोक खिताला मद्धत तेरकान्‍ते मिओनला टिगीन ओत। थेबालाकामा मेन्‍देकी दि चिट्ठी येशू ख्रीष्‍टताङ जीउज्‍यीकराङ ओङाते परमेश्‍वर सन्‍तान ख्‍योकोन गाङेला टिगीन ओत।

फिलिप्‍पी 1:1 Iomraidhean Croise

मर्कूस 13:34

थाल्‍लासाक ङे साबाते बातचेन सुइँदा खाम्‍बे धनीकी थे खोरोङ खाम्‍बा ताङला ज्‍येन लुङबाला डोजीन चुक खिते होथे बात च्‍योक्‍ते ईन। थे खोरोङ ड्वा भन्‍दा गोमा थे मिकी खाम्‍बादु काम खित्‍कान्‍तेबाला दाक्‍पोन दाक्‍पोनगी खिता फाप्‍च्‍येते काम लेमु खाला खि सिन जिम्‍मा तेरग्‍यो। थेमे खाम्‍बे चौकीदारला जागोराङ देत्‍ला लेमु खाला तोसा सिन साला ख्‍याम्‍ग्‍यो।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

शक्ति काम 1:20

थे बात भजन किताबला चुक सिन टिबा ओते सासीन ‘थे खाम्‍बादु देत्‍कान्‍ते थेते सखा सन्‍तान दर सन्‍तान सुङ मायाङला थे खाम्‍बा तोङबा सिली डोरस्‍यीत,’ सिन टिबा ओत। लोक्‍ला थे किताबलाराङ ‘थे साटोलाचेन ज्‍येनगी काम खित्‍स्‍यीत,’ सिनोङ टिबा ओत।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

शक्ति काम 9:13

थोक सिरजीन हननियेकी “प्रभु, थेकी यरूशलेमदु ओताते खुई मिओनला खेदा खाईन खाईन दुक्‍पा बिन्‍दाते बात गाङे ङे थोबा ओत।

रोमी 1:1

दि चिट्ठी येशू ख्रीष्‍ट काम खित्‍कान्‍ते ङा पावल टिगीन ओत। ङा येशू ख्रीष्‍टकी खटे खाबाते मि ईन। मिओनला थे खोरोङ गा लाङच्‍येते बात लोपाला ङाला परमेश्‍वरगी छाने खाबाते ईन।

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

१ कोरिन्‍थी 16:10

थेमे तिमोथी थेपा ओङजीन ख्‍योकोनगी थेला डोम्‍बोला च्‍योकराङ खि। च्‍यिला सासीन थेकीङ ङे च्‍योकराङ प्रभु येशूकी खि साबाते कामराङ खिन ओत।

२ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङ्योकोन दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन थेमे अखैये लुङबा खाङ ओताते परमेश्‍वर सन्‍तान ख्‍योकोन गाङेला टिगीन ओत।

गलाती 1:10

ङे दोक सिन सिनोङ थोरूमोङ च्‍यि परमेश्‍वरला मेन्‍देकी मिओनला खुशी ज्‍वाप्‍लाका ङे दि बातओन साबाते ईन्‍दासीन सिराच्‍योक लाङगीदुक? ना मिओनगी ङाराङला लेमु मि सिरस्‍यीत सिन ङे दोक साबाते ईन सिराच्‍योक लाङगीका? ङा थोक खाला मि मान छोल्‍कान्‍ते ईन्‍सीन ङा ख्रीष्‍टकी काम खित्‍कान्‍ते ईन सिन ङे चुक खाला सिरा थुप्‍च्‍या ओतानेरो?

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

एफिसी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङा दि चिट्ठी एफिसस सारदु ओताते परमेश्‍वर सन्‍तान ख्‍योकोनला टिगीन ओत। ख्‍योकोन येशू ख्रीष्‍टला विश्‍वास खित्‍कान्‍ते थेमे थेत्ताङ जीउज्‍यीकराङ ओङाते मि ईन।

एफिसी 1:15

बात दोक दोक ईन्‍देकी ख्‍योकोनगी प्रभु येशूला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिरा थोबा छुरनामेई परमेश्‍वरला प्रार्थना खित्‍जीन

एफिसी 6:24

ङुरूङ प्रभु येशू ख्रीष्‍टला ङिङज्‍ये खिन देत्‍कान गाङेला परमेश्‍वरगी दया खिनराङ देत्‍स्‍यीत।

फिलिप्‍पी 2:19

थेमे प्रभु येशूताङ प्रार्थना खित्‍जीन था ङे होत्ताराङ तिमोथीला ख्‍योकोन ओत्‍सापा तोङा थुप्‍कीतासीन सिराच्‍योक लाबा ओत। थेकी ख्‍योकोनला ठेत्‍कीन ख्‍योकोन चुक दुका सिन लोन खुलानामेई ङा पीर मिक्‍किता खाला देता ङेत्‍क्‍यो।

फिलिप्‍पी 2:5

दाक्‍पोन खुशी मिक्‍किता खाला येशू ख्रीष्‍टकी चुक सेमगी काम खाबा ओताने ख्‍योकोनगीङ होथोक सेमगीराङ काम खि।

फिलिप्‍पी 3:12

ङे छ्या स्‍येबा चालाते होथे बातबरी गाङे छ्या स्‍येकीन सिन्‍दा ओत थेमे ङाराङगी ङेत्‍च्‍येते गाङे ङेत्‍कीन सिन्‍दा ओत सिन ङा मिसिरो। थेमे परमेश्‍वरगी ज्‍वा चाला च्‍योकराङ ङाराङ लेमु ओङगीन सिन्‍दा ओत सिनोङ मिसिरो। येशू ख्रीष्‍टकी ङाला थे खोरोङ मि जोबा ओतेकी परमेश्‍वरगी तेरग्‍यो साबाते इनाम ङेत्‍च्‍ये छ्य्‌वापा ङा थुपासम्‍म स्‍येत खिन ओत।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

फिलिप्‍पी 3:8

ईन्‍दाबोङ येशू ख्रीष्‍टला ङाराङ मालिक ईन सिन छ्या स्‍येच्‍येते छेत छ्येते बात ज्‍येनतोक छ्याःङ मेन्‍दाक्‍वा। थोगी ङाराङ चुक्‍ते ईन्‍दे, चुक चुक खिन ओताने सिरच्‍येते बात छ्याःङ काम लै मिक्‍किच्‍याक्‍वा सिन छ्या स्‍येकीन ङे था थोक्‍ते बात खिता गाङे ताङाप। ङाराङते होथे गोमे बाततेबा सम्‍झे खित्‍जीन ङालानी किक्‍टो लाङच्‍येते फोर मैलो च्‍योकराङ लाकीन था थेते विचारराङ खिता ताङा ओत। ख्रीष्‍टला पूरो खाला छ्या स्‍येबा थुप्‍स्‍यीत

१ थिस्‍सलोनिकी 1:1

दि चिट्ठीचेन ङ्योकोन पावल, सिल्‍वानसताङ तिमोथी डिक्‍ला ख्‍योकोन थिस्‍सलोनिका सारदु जम्‍मा ओङकान्‍ते येशू ख्रीष्‍ट मिओनला टिगीन ओत। ख्‍योकोनचेन आबा परमेश्‍वर थेमे प्रभु येशू ख्रीष्‍टताङ जीउज्‍यीकराङ ओङाते मि ईन। आबा परमेश्‍वरताङ प्रभु येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत।

१ थिस्‍सलोनिकी 2:2

च्‍यि सासीन ख्‍योकोन ओत्‍सापा ओङा भन्‍दा गोमा फिलिप्‍पी सारदु परमेश्‍वरते गा लाङच्‍येते बात लोप्‍जीन थेरू मिओनगी ङ्योकोनला दुकीन इज्‍जत बेइज्‍जत खाबाते बात ख्‍योकोनगी छ्या मास्‍येबाते मेन। थेरू थोक खाईन दुक्‍पा बिन्‍सीनोङ परमेश्‍वरगी ङ्योकोनला आँट बिन्‍देकी ङ्योकोनगी ख्‍योकोन ओत्‍सादु वाकीन थेरूङ थे बातराङ लापाप। थेरूङ मिओनगी आउदी दुक्‍पा बिन्‍सीनोङ ङ्योकोनगी छ्याःङ ज्‍यीबा मिक्‍किता खाईन ख्‍योकोनला थे बात लापा ओतान।

२ थिस्‍सलोनिकी 1:1

दि चिट्ठीचेन ङ्योकोन पावल, सिल्‍वानसताङ तिमोथी डिक्‍ला ख्‍योकोन थिस्‍सलोनिका सारदु जम्‍मा ओङकान्‍ते येशू ख्रीष्‍ट मिओनला टिगीन ओत। ख्‍योकोनचेन ङुरूङ आबा परमेश्‍वर थेमे प्रभु येशू ख्रीष्‍टताङ जीउज्‍यीकराङ ओङाते मि ईन।

२ थिस्‍सलोनिकी 1:10

थेला विश्‍वास खित्‍कान्‍ते थे खोरोङ मिओनगीचेन गाङेकी प्रभु येशू ग्‍युरला ओङे छोमु थेकी खोपरोङला थोई लेमु खासुङा सिन थेते जय जय खिओ। ङ्योकोनगी लापाते गा लाङच्‍येते बात ङेन्‍देकी खित्‍सादु थे छोमु प्रभु येशूला थोक खित्‍कान्‍ते मिओन नाङ ख्‍योकोनोङ ओङगो।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

१ तिमोथी 3:8

थेमे येशू ख्रीष्‍ट मिओनला ताकान्‍ते छ्येते मिओन कामला मद्धत तेरकान्‍ते मिओनोङ लेमु बानी ओताते मि ओङा फाप्‍क्‍यो। थेबाचेन च्‍येला ङि खित्‍कान्‍ते थेमे छ्याङ रक्‍सीकी जिकान्‍ते मि ओङा मेङगो। थेबा सम्‍पत्ति ज्‍वाप सिन पैसे लोभला स्‍यूक्‍कान्‍तेन्‍दे ओङा मेङगो।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

तीतस 1:7

दोक खाला येशू ख्रीष्‍ट मिओनला ताकान्‍ते छ्येते मिकीचेन परमेश्‍वरगी खि साबाते काम खित्‍च्‍येते ईन्‍देकी सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थोक्‍ते मि दाक्‍पोन बातलाकामा जिद्धी मिक्‍किकानज्‍यीक, होत्ता स्‍येदाङ मिक्‍किकानज्‍यीक, छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक थेमे सम्‍पत्ति ज्‍वाप सिन पैसे लोभला मुस्‍यूक्‍कानज्‍यीक ओङा फाप्‍क्‍यो।

फिलेमोन 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। येशू ख्रीष्‍टकी खि साबाते काम खिन ओतेकी ङा जेलदु देता ओत। ङ्योकोन दि चिट्ठी ङेत्ताङ डिक्‍ला गा लाङच्‍येते बात लोप्‍कान्‍ते ङिङज्‍येते र्‍वा फिलेमोन खोल्‍ला टिगीन ओत।

हिब्रू 13:23

ज्‍येन बात च्‍यि सासीन ङुरूङ न्‍वा तिमोथी जेलदुकी थेन्‍गीन सिन्‍सुङ। था थे होत्ता ङा ओत्‍सादु वासीन ङ्योकोन ङिकाराङ ख्‍योकोन ओत्‍सापा ओङामीन।

याकूब 1:1

दि चिट्ठी टिक्‍कान्‍ते ङा याकूब ईन। ङा परमेश्‍वरताङ प्रभु येशू ख्रीष्‍ट काम खित्‍कान्‍ते मि ईन। ङा दि चिट्ठी लुङबा लुङबाला देता ओताते थर च्‍युन्‍ङी इस्राएलीओनला टिगीन ओत। ख्‍योकोनला ङेते नमस्‍ते ओत।

१ पत्रुस 2:25

गोमा ख्‍योकोन गोठाला मेत्‍कीन छरपुट्ट गालाते लुक च्‍योकराङ ओतान। थाचेन ख्‍योकोन प्रभु येशू छ्य्‌वापा लै खाबा ओत। थेचेन लेमुते लुई गोठाला ईन। थेकी ख्‍योकोनला मेलेबा खित्‍च्‍ये छ्य्‌वापेई जोए खाला लेमु खाला तेइओ।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

यहूदा 1:1

दि चिट्ठी टिक्‍कान्‍ते ङा यहूदा ईन। ङा याकूब न्‍वा ईन। ङा येशू ख्रीष्‍ट काम खित्‍कान्‍ते मि ईन। ङा दि चिट्ठी आबा परमेश्‍वरगी थे खोरोङ दोन्‍दु स्‍योक सिन काताङाते, थेकी ङिङज्‍ये खिन ओताते थेमे येशू ख्रीष्‍टकी ताकोरा खिन ओताते मि ख्‍योकोनला टिगीन ओत।

छ्या स्‍ये च्‍युताते बात 1:1

दि किताबला ओताते बातओनचेन परमेश्‍वरगी येशू ख्रीष्‍टला तेन्‍गीन बिन्‍दाते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला परमेश्‍वरगी येशू ख्रीष्‍टला तेन्‍गीन बिन्‍दा ओतान। थेमे दि बातओन लाःपाला येशू ख्रीष्‍टकी थे खोरोङ दूतज्‍यीकला थे खोरोङ काम खित्‍कान्‍ते यूहन्‍ना ओत्‍सादु ताङा ओतान।

छ्या स्‍ये च्‍युताते बात 1:20

ङे सामे लाःक्‍तु खुई थोङाते कार्मा दुईनबोताङ बत्ती पारला ज्‍य्‌वाच्‍येते सेरगी सामदान दुईनबो अर्थ ङा खोल्‍ला लाःपामीन। दि कार्मा दुईनबो अर्थचेन येशू ख्रीष्‍ट मिओनला ताकान्‍ते परमेश्‍वर दूत दुईनबो ईन। थेमे सेरगी सामदान दुईनबोचेन थे सार दुईनदु जम्‍मा ओङकान्‍ते येशू ख्रीष्‍ट मिओन ईन।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।

छ्या स्‍ये च्‍युताते बात 2:12

पर्गामम सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन खानामेकी आउदी नोम्‍बोई धार ङि खाबाते तरवार थेन्‍दा ओताते ङा सिन ओत।

छ्या स्‍ये च्‍युताते बात 2:8

स्‍मर्ना सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते, स्‍यिइन च्‍याकीन सोम्‍बो लोक्‍पा ओताते ङा सिन ओत।

छ्या स्‍ये च्‍युताते बात 22:9

थोक खित्‍जीन थेकी ङाला “खुई ङाला दोक खाला परमेश्‍वरला च्‍योक खाला से माकेत। खो थेमे परमेश्‍वर बात खित्‍कान्‍ते खुई आज्‍यो न्‍वाओन थेमे दि किताब नाङ टिबाते बात ङेन्‍कान्‍ते मि गाङे च्‍योकराङ ङाङ परमेश्‍वर काम खित्‍कान्‍तेराङ ईन। थोगी परमेश्‍वरलाकामा छ्ये जो,” सिन सिदुक।