फिलेमोन 1:2 - जिरेल

² खोल्‍लाकामा मेन, ङ्योकोन नुमु अप्‍फिया, ङेराङ च्‍योकराङ दुक्‍पा खाला येशू ख्रीष्‍टकी खि साबाते काम खित्‍कान्‍ते अर्खिप्‍पस थेमे खुई खाम्‍बादु जम्‍मा ओङकान्‍ते येशू ख्रीष्‍ट मिओनला ङ्योकोन दि चिट्ठी टिगीन ओत।

फिलेमोन 1:2 Iomraidhean Croise

रोमी 16:1

था ङा ख्‍योकोनताङ ङुरूङ नुमु फोबी बात खितामीन। फोबीचेन किंक्रियादु जम्‍मा ओङकान्‍ते येशू ख्रीष्‍ट मिओन नाङ काम खित्‍कान्‍ते लेमु मि ईन।

रोमी 16:5

थेबे खाम्‍बादु जम्‍मा ओङकान्‍ते येशू ख्रीष्‍ट मिओनलाङ ङेते नमस्‍ते ओत सि। थेमे ङे ङिङज्‍येते र्‍वा इपेनितसलाङ नमस्‍ते ओत सि। एशिये लुङबादु येशू ख्रीष्‍टला विश्‍वास खित्‍कान्‍ते मिओन नाङ गाङे भन्‍दा गोमा थेला विश्‍वास खित्‍कान्‍ते मि थेराङ ईन।

१ कोरिन्‍थी 16:19

एशिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनगी ख्‍योकोनला नमस्‍ते ओत्‍लो। अक्‍वीलाताङ प्रिस्‍का थेमे थेबे खाम्‍बादु जम्‍मा ओङकान्‍ते येशू ख्रीष्‍ट मिओनतेङ प्रभु येशू छ्य्‌वापेई ख्‍योकोनला काल्‍बेई नमस्‍ते ओत्‍लो।

फिलिप्‍पी 2:25

थेमे ङाला ङाराङ न्‍वा इपाफ्रोडिटसला ख्‍योकोन ओत्‍सापा ग्‍युरला तोङा लेमु ईन सिराच्‍योक लाबेकी ङे दिला थेपा ताङा ओत। दि ङात्ताङ डिक्‍ला गा लाङच्‍येते बात लोप्‍कान्‍ते थेमे ङाराङ च्‍योकराङ दुक्‍पा खाला ज्‍येनला दि बात लोप्‍च्‍येते काम खित्‍कान्‍ते मि ईन। ङाला मद्धत खित्‍स्‍यीत सिन ख्‍योकोनगी दिला ङा ओत्‍सापा ताङा ओतान।

कलस्‍सी 4:15

लाओडिसियादु ओताते आज्‍यो न्‍वाओनलाङ ङेते नमस्‍ते ओत्‍लो सि। थोकराङ खाला निम्‍फसला थेमे थे खाम्‍बादु जम्‍मा ओङकान्‍ते येशू ख्रीष्‍ट मिओनलाङ नमस्‍ते ओत्‍लो सि।

कलस्‍सी 4:17

थेमे अर्खिप्‍पसला च्‍यि सिसे सासीन प्रभु येशूकी थे खोरोङला जिम्‍मा बिन्‍दाते काम मासिनथुप खिनराङ देत सि।