मर्कूस 9:4 - जिरेल

⁴ थेमे परमेश्‍वर बात खित्‍कान्‍ते मोशाताङ एलिया थेरू वाकीन येशूताङ बात खिन ओतातेङ थेबेकी थोङसुङ।

मर्कूस 9:4 Iomraidhean Croise

मत्ती 11:13

यूहन्‍ना ओङा भन्‍दा गोमामेकी थे ओङ ओङसाकराङ मोशाताङ ज्‍येनोङ परमेश्‍वर बात खित्‍कान्‍ते मि गाङेकी स्‍वर्गे राज्‍य ओङगो सिन साबा ओतान।

मर्कूस 9:3

थेकी खोन्‍दाते खोलाकोङ मिगी ताराङ मुथुप्‍च्‍या आउदी कार्मु गाल्‍सुङ। थोक कार्मु डोच्‍या खालानी खापाङ सुङगीङ खोलाकराङ ठुता मुथुबो।

मर्कूस 9:5

थोक थोङजीन पत्रुसकी “ओहो गुरू, ङुरूङला दुरूराङ देता लेमु दुका। ङ्योकोन गुरू खोल्‍ला, मोशाला थेमे एलियाला देते लाईदु पली रेरे ज्‍वामीन,” सिन सिदुक।

लूका 24:27

थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

लूका 9:19

थोक सिरजीन चेलातेबेकी “गुरू खोल्‍ला लालेकी बप्‍तिस्‍मा तेरकान्‍ते यूहन्‍ना सोम्‍बो लोगीन वाबाते दुका खिदुक। कोईकी थाङबो परमेश्‍वर बात खित्‍कान्‍ते एलिया दुका खिदुक। थेमे कोईकीचेन परमेश्‍वर बात खित्‍कान्‍तेबे नाङ दोक्‍पोई लोक्‍ला वाबाते ईन सिन बात खिदुक,” सिन सिदुक।

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।