मर्कूस 9:12 - जिरेल

¹² थोक सिरजीन थेकी “ईन ईन, एलिया याङराङ दुरू ओङा फाप्‍च्‍येतेराङ ईन। थेमे दुरू वाला थेकी मिओनला परमेश्‍वर छ्य्‌वापा लै खि साला ख्रीष्‍ट ओङे लाईदु जेसुकै ठीक खिओ। थेमे परमेश्‍वर ओत्‍सादुई वाबाते मि ङाला चुक चुक ओङगीते सिन परमेश्‍वर बातला च्‍यि सिन टिबा ओते सासीन ङे आउदी खाला दुक्‍पा भोगे खिता फाप्‍क्‍यो थेमे मिओनगी ङाला विरोध खाला मेलेबा खिओ सिन साबा ओत।

मर्कूस 9:12 Iomraidhean Croise

मत्ती 16:21

थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्‍क्‍यो। थेपा गाल्‍नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्‍पा तेरग्‍यो। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन थे खोरोङला च्‍यि ओङगीते, चुक ओङगीते सिन लाःपाला स्‍यूसुङ।

मत्ती 26:24

परमेश्‍वर ओत्‍सादुई वाबाते मि ङानी परमेश्‍वर बातला टिबा ओताच्‍योक खाला स्‍यापराङ फाप्‍क्‍यो। थोक ईन्‍सीनोङ ङाला धोका तेरकान्‍ते मिकी ज्‍यीबा लाङच्‍याई सजाय ङेत्‍क्‍यो। बरू थेनी केराङ माकेबा ईन्‍सीन लेमु ओङच्‍या ओतान,” सिन सिदुक।

मर्कूस 10:33

थेकी थेबाला “लो दि बात ङेन। ङुरूङ यरूशलेमने डुइन ओत। थेने लेप्‍नामेकी परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला छ्ये छ्ये पूजारीताङ धर्मे गुरूओन लाःक्‍तु सोम्‍पे खिओ। थेबेकीचेन ङाला सजाय बिन्‍ला सेता फाप्‍क्‍यो सिन लोक्‍ला ज्‍येन ज्‍येन जातकी मि लाःक्‍तु सोम्‍पे खिओ।

मर्कूस 9:13

एलिया याङराङ ओङा फाप्‍क्‍यो सिरच्‍येते बातला ङा ख्‍योकोनला च्‍यि सिते सासीन एलियानी वाकीन सिन्‍दा ओत। थेमे मिओनगी थेला खोपरोङला सिरा सेम लाबाताङ खिता सेम लाबा लाबा खासुङ। थेला दोक खाला मेलेबा खिओ सिन परमेश्‍वर बातला गोमाकाराङ टिबा ओतान,” सिन सिदुक।

मर्कूस 9:31

च्‍यिला सासीन थेकी चेलातेबाला थोरूमोङ बात लोपा फाप्‍च्‍या ओतान। दोक खाला डुइन डुइन थेकी चेलातेबाला “था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खिओ। थेमे थेबेकी ङाला सेत्‍क्‍यो। तर ङीमा सुम तिरी ङा सोम्‍बो लोइओ,” सिन सिदुक।

लूका 1:76

थेमे दि ङे फुज्‍युङलाचेन गाङे भन्‍दा छ्येते परमेश्‍वरगी थे खोरोङ बात खित्‍कान्‍ते मि ईन सिन सिओ। च्‍यिला सासीन था दिकीराङ प्रभु परमेश्‍वर ओङगो सिन मिओनला लाप्‍ला बिन्‍ला थे ओङाला जेसुकै ठीक खिओ।

लूका 23:11

थेमे हेरोदताङ थे मिल्‍टेरीओनगीङ थेला खाला थेन्‍दा जति मनपरी साकीन सिन्‍नामेई गेल्‍बो सिन खिस्‍यी खिताला आउदी लेमुते लाक्‍तु खोन्‍च्‍येते खोलाक कोन्‍गीन याङराङ पिलातस ओत्‍सापाराङ ताङसुङ।

लूका 23:39

थे दोन्‍दुराङ टाँए खाबा ओताते डाँकाज्‍यीगीङ “परमेश्‍वरगी तोङगो साबाते ख्रीष्‍ट च्‍यि खोराङ मेनरो? लो था खो स्‍यिङगी थामदुकी साला फाप्‍ला खोरोङला सोन्‍दा खि। थेमे ङ्योकोनलाङ सोन्‍दा खि,” सिन खाला थेन्‍दा जति मनपरी सासुङ।

शक्ति काम 1:6

थोक खाला ठेते बेलालाराङ ङीमाई थेबेकी थेला “प्रभु, था खुई ङुरूङ इस्राएलीओनते गोमा तोराते राज्‍य दाक्‍पोन लाःक्‍तु लाला राज्‍य खिओ मेन?” सिन ठिसुङ।

शक्ति काम 4:11

गोमाका परमेश्‍वर बातला ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ,’ सिन साबाते बातचेन येशू ख्रीष्‍ट चुक्‍ते ईन्‍दे थेमे ख्‍योकोनगी थेला चुक मेलेबा खासुङा सिराला साबा ओतान।