मर्कूस 8:18 - जिरेल

¹⁸ ख्‍योकोनते मिक ओत्‍लाङ च्‍यिला छ्याःङ मोथोङका? थेमे नामज्‍योक ओत्‍लाङ च्‍यि ख्‍योकोनगी छ्याःङ मोथोदुक? ङे खाबाते काम गाङे ख्‍योकोनगी टोक ज्‍येत्‍सुङाना च्‍यिन्‍दे?

मर्कूस 8:18 Iomraidhean Croise

मर्कूस 4:12

ङे दोक खित्‍च्‍येतेचेन ‘थेबेकी परमेश्‍वरगी खिन ओताते काम जति थोङसीनोङ च्‍यि खिता चालाते ईन्‍ताका सिन छ्याःङ छ्या मेस्‍येस्‍यीत थेमे परमेश्‍वर बात जति थोसीनोङ च्‍यि साबाते ईन्‍दे सिन छ्याःङ मोखोस्‍यीत सिन ईन। थेबेकी बात खोबा ईन्‍सीन थेमे ङेन्‍दा ईन्‍सीन थेबा परमेश्‍वर छ्य्‌वापा लै खित्‍च्‍या ओतान थेमे थेकी थेबाला पापदुकी टाल्‍ला माफ तेरच्‍या ओतान,’ ” सिन सिदुक।

यूहन्‍ना 12:40

चुक सासीन “प्रभु परमेश्‍वरगी थेबे मिक छ्याःङ मोथोङच्‍या जोला दुक। थेमे थेबे सेमोङ छ्याःङ छ्या मेस्‍येच्‍या जोकीन बिन्‍ला दुक। थोक ईन्‍देकीराङ थेबा परमेश्‍वरगी खाबाते काम थोङसीनोङ छ्याःङ खोबा मुथुप्‍च्‍या गाल्‍ला दुक थेमे परमेश्‍वर बात थोसीनोङ छ्याःङ छ्या मेस्‍येच्‍या गाल्‍ला दुक,” साकीन “थोगीराङ थेबा ङे छ्य्‌वापा लै मिक्‍किदुक। थोक खाबा ईन्‍सीन ङा थेबाला थेबे पापदुकी टाल्‍ला लेमु खित्‍च्‍या ओतान,” सिन प्रभु परमेश्‍वरगी साबाते बादोङ साबा ओतान।

रोमी 11:8

थेबा थोक डुइओ सिन परमेश्‍वर बातला “परमेश्‍वरगीराङ थेबाला छ्याःङ खोबा मुथुप्‍च्‍या जोसुङ। थोक ओङेकी मिक ओत्‍सीनोङ थेबेकी परमेश्‍वरगी खाबाते काम छ्याःङ थोङराङ मोथोङदुक। थेमे नामज्‍योक ओत्‍सीनोङ थेकी खाबाते बात छ्याःङ थोराङ मोथोदुक। थोरूमसाकोङ थेबा होथोकराङ गाल्‍गीन देत्‍ला दुक,” सिन टिबा ओतान।

२ थिस्‍सलोनिकी 2:5

ख्‍योकोनताङ ङ्योम्‍बु ओत्‍जीन दि बाततेबा ङे ख्‍योकोनला गाङे साबा ओतान। ख्‍योकोनगी टोक ज्‍येत्‍सुङरो?

२ पत्रुस 1:12

ईन्‍दाका दि बातओन ख्‍योकोनला लेमुराङ खाला छ्या ओत। थेमे दि सत्‍यते बात ईन सिन ख्‍योकोनगी छ्याःङ शंका मिक्‍किता खाला ङेन्‍गीनोङ दुक। ईन्‍सीनोङ ङाला दि बातओन ख्‍योकोनला याङ याङ दोरे खाला सिरा सेम लाङगीदुक।