मर्कूस 8:12 - जिरेल

¹² थोक सिरजीन येशूला मेलेबा लासुङ। थेमे हुईरा खिन थेकी “ख्‍योकोन था समय मिओन च्‍यिला खालि अचम्‍बते काम खाला तेन खिते? ख्‍योकोनगी साबाच्‍योक ङा खितराङ मिक्‍किओ। ङात्ताङ परमेश्‍वर शक्ति ओत सिराला ङा ख्‍योकोनला कामज्‍यीगोङ खाला मेतेनो,” सिन सिदुक।

मर्कूस 8:12 Iomraidhean Croise

मत्ती 12:38

थेरूई कोई कोई धर्मे गुरूताङ फरिसी पाटी मिओनगी येशूला “गुरू, लो खोत्ताङ परमेश्‍वर शक्ति ओत सासीन ङ्योकोनला खइँदा अचम्‍बते कामज्‍यीक खाला तेन्‍ते,” सिन सिदुक।

मत्ती 16:4

ख्‍योकोन था समय मिओननी परमेश्‍वरला माने खिता ताङगीन मेलेबा मेलेबा काम खित्‍कान ईन्‍देकी ङाला खालि खइँदा अचम्‍बते काम खाला तेन खिदुक। ङा ख्‍योकोनगी साबाच्‍योक खितराङ मिक्‍किओ। था ख्‍योकोनगी परमेश्‍वर बात खित्‍कान्‍ते योनाला ओङाते च्‍योक्‍ते कामज्‍यीककामा थोङा ङेत्‍क्‍यो,” सिन सिदुक। थोक साकीन च्‍याकीन थे थेरूई दाक ख्‍याम्‍सुङ।

मर्कूस 3:5

थेबा थोक खाईन छ्याःङ मिसिरा खाईन देता थोङजीन थेला स्‍येदाङ लासुङ। थेमे थेबाला रकस्‍यिक ताकीन देत्‍सुङ। थेला सेमला दुक्‍पाङ लासुङ। च्‍यिला सासीन दया माया सिराते थेबे सेमला छ्याःङ मेतान, परमेश्‍वर बात ङेन्‍च्‍ये सेमोङ मेतान। थेमे थेकी थे लाक्‍पा काम्‍बाते मिला “खुईते लाक्‍पा स्‍योङते,” सिन सिदुक। थे मिकीङ लाक्‍पा स्‍योङजीन लेमु खाला चले खिता थुप्‍च्‍या गाल्‍सुङ।

मर्कूस 6:6

थेत्ताङ परमेश्‍वर शक्ति ओत सिन थे खोरोङ युल्‍बाओनगी पत्ते माक्‍याबा थोङजीन थेला आउदी अचम्‍ब लासुङ। थोगी थे थे ठाउँ ताङगीन थे फेरो नाङला ओताते ज्‍येन ज्‍येन युलला लोप गाल्‍सुङ।

मर्कूस 7:34

थेमे नामने ताकीन हुईरा खाईन “इफ्‍फाता,” सिन सिदुक। इफ्‍फाता साबाते फेत्‍स्‍यीत साबाते ईन।

मर्कूस 8:13

थेमे थेबाताङ ठाल्‍गीन येशू याङराङ डुङ्गाला जेकीन समुन्‍द्रे फारकेनपा गाल्‍सुङ।

मर्कूस 9:19

थोक सिरजीन येशूकी थेला “ख्‍योकोन था समय मिओन परमेश्‍वरला विश्‍वास खितराङ मिक्‍किकान्‍ते ईन। परमेश्‍वरताङ छ्येज्‍यीक शक्ति ओत सिरच्‍येते बात था ख्‍योकोनगी नामचेन खोच्‍ये? थेमे था थोईसाक ङा दोक्‍ते काम खिन ख्‍योकोनताङ देत्‍च्‍ये? थे फिजाला दुरू खोरच्‍योक,” सिन सिदुक।

लूका 19:41

थेमे यरूशलेम खादु लेप्‍कीन थे सारला लेमु खाईन थोङनामेई येशूकी थे सारगी मिओन लाईदु पीर खाईन मिकच्‍युक ताङसुङ।