मर्कूस 7:9 - जिरेल

⁹ थोरूमोङ बात खिन थेकी “खेराङ रीतिथिति माने खिताला ख्‍योकोनगी च्‍याङबो खाईन परमेश्‍वरगी खि साबाते नियमओन ङेन्‍दा ताङला दुक।

मर्कूस 7:9 Iomraidhean Croise

मर्कूस 7:13

खेराङगी जोबाते रीतिथिति माने खित्‍सादु ख्‍योकोनगी होदोक खाईन परमेश्‍वर नियम ङेन्‍दा ताङला दुक। आबा आमाला मान खि सिन साबातेकामा मेन, ज्‍येनोङ परमेश्‍वर नियम काल्‍बेई ख्‍योकोनगी ङेन्‍दा ताङला दुक,” सिन सिदुक।

मर्कूस 7:3

फरिसी पाटी मिओनचेन खोपरोङ ज्‍युज्‍यु पुर्खे पालोमेई चले खिन वाबाते रीतिथितिला साबा च्‍योकराङ खाला लाक्‍पा टुलाकामा साप सेइन ओतान। थेबेकीकामा मेन, काल्‍बा च्‍योक्‍ते यहूदी गाङेकी दि रीतिथिति माने खिन ओतान।

मर्कूस 7:5

येशू चेलाओनगी रीतिथितिला खि साबा च्‍योकराङ खाईन लाक्‍पा मुठुता खाईन साप सा थोङगीन होथे फरिसी पाटी मिओनताङ धर्मे गुरूओनगी येशूला “खुई चेलाओन लाक्‍पा ठुत्‍जीन च्‍यिला ज्‍युज्‍यु पुर्खे पालोमेई चले खिन वाबाते रीतिथितिला खि साबा च्‍योकराङ खाला लाक्‍पा मुठुता खाला साप सेइका?” सिन सासुङ।

रोमी 3:31

येशू ख्रीष्‍टला विश्‍वास खित्‍कान्‍तेलाकामा परमेश्‍वरगी दोषी मेन सिओ सिरजीन ङुरूङगी परमेश्‍वर नियम था छ्याःङ काम लै मिक्‍किओ सिन साबाते मेन। ङुरूङनी परमेश्‍वर नियमला साबाते बात साबा च्‍योकराङ ओङा ओत सिनका सिओ।

२ कोरिन्‍थी 11:4

च्‍यिला सासीन सुइँदेकी वाकीन ङ्योकोनगी लापाते च्‍योक्‍ते मेन्‍देकी ज्‍येनज्‍यीकराङ येशू बात लाप्‍सीनोङ ख्‍योकोनगी थे आउदी लेमु खाला ङेन्‍च्‍याक्‍वा। थेमे थेबेकी खेराङला ङेता फाप्‍क्‍यो साबाते आत्‍मा ख्‍योकोन ङेता छोल्‍च्‍याक्‍वा। थे आत्‍माचेन ख्‍योकोनगी ङेता ओताते परमेश्‍वर आत्‍मा मेन। थोकराङ खाला ङ्योकोनगी ख्‍योकोनला लाप्‍कीन बिन्‍दा ओताते च्‍योक्‍ते मेन्‍देकी खुदुकज्‍यीकराङ गा लाङच्‍येते बात लाप्‍सीन ख्‍योकोनगी होथोक्‍ते बातराङ ङेन्‍च्‍याक्‍वा।

गलाती 1:14

दाक्‍पोन ज्‍युज्‍यु पुर्खे पालोमेकी चले खिन वाबाते रीतिथिति माने खिताराङ फाप्‍क्‍यो सिन ङे थेबा माने खिताला कम्‍ती दुक्‍पानी माक्‍या। ङेराङ जातकी बाला दौंतरी नाङ ङा छेत थोक लेमु खाला यहूदी धर्म माने खित्‍कान्‍ते मि ज्‍येन सुङ मेतान।

गलाती 2:21

परमेश्‍वरगी ख्रीष्‍टकी छ्य्‌वापेकी मिओनला दया खाबाते काम ङा छ्याःङ काम लै मिक्‍किओ सिराच्‍योक मिक्‍किओ। परमेश्‍वर नियमला खि साबाते ङेन्‍देकी परमेश्‍वरगी ङाला दोषी मेन सिरच्‍येते ईन्‍दा ईन्‍सीन ख्रीष्‍ट बिनसित्तिला स्‍यापच्‍योक ओङच्‍या ओतान,” सिन साबाप।

२ थिस्‍सलोनिकी 2:4

परमेश्‍वर छ्येते शत्रुचेन होथे मिराङ ओङगो। था थेकी वाला चुक खिते सासीन गाङे भन्‍दा छ्येते थे खोरोङराङ ईन्‍दाच्‍योक खाला परमेश्‍वरला थेमे मिओनगी ल्‍हा लु सिन माने खिन वाबाते सुङलाङ थेमे छ्याःङलाङ माने खिता मेङगो सिन सिओ। दोस्‍यिककामा मेन, परमेश्‍वर मन्‍दिर नाङ स्‍यूला थेकी गाङेला थे खोरोङराङ परमेश्‍वर ईन साला थेरूराङ देत्‍क्‍यो।