मर्कूस 7:7 - जिरेल

⁷ दिबेकी ङे नियमराङ ईन्‍दाच्‍योक खाला खोपरोङ बातका ज्‍येनला लोप्‍कीदुक। थोगी दिबेकी ङाला माने खिताला सिन खाबाते कामनी छ्याःङ काम लै मिक्‍किओ,’ सिन साबा ओतान।

मर्कूस 7:7 Iomraidhean Croise

मत्ती 15:9

दिबेकी ङे नियमराङ ईन्‍दाच्‍योक खाला खोपरोङ बातका ज्‍येनला लोप्‍कीदुक। थोगी दिबेकी ङाला माने खिताला सिन खाबाते कामनी छ्याःङ काम लै मिक्‍किओ,’ सिन साबा ओतान,” सिन सिदुक।

मत्ती 6:7

थेमे प्रार्थना खित्‍जीन ख्‍योकोनगी परमेश्‍वरला छ्या मेस्‍येकान्‍ते मिओनगी च्‍योक माकेत। थेबाचेन काल्‍बासाक ल्‍हा लु मोल्‍नामेईकामा खोपरोङगी साबाच्‍योक खाला तेरग्‍यो सिन ल्‍हा लु मोल्‍गीनराङ देत्‍क्‍यो।

१ कोरिन्‍थी 15:14

थेकी ख्रीष्‍टला सोम्‍बो लोक्‍पाते मेन्‍दा ईन्‍सुङ सासीनका ङ्योकोनगी लोप्‍कीन ओताते बाततेबा छ्याःङ काम लै मिक्‍किच्‍या ओङसुङ, ख्‍योकोनगी थेला विश्‍वास खाबातेङ छ्याःङ काम लै माक्‍यासुङ।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

कलस्‍सी 2:22

साच्‍या थुङच्‍या सिराते सोनामेई दाक सिन्‍ला डुइओ। दि साच्‍या थुङच्‍याताङ दि खिता मेङगो, थे खिता मेङगो सिन लोप्‍च्‍येते बात गाङे खालि मिओनगी माने खिता फाप्‍क्‍यो सिन खोपरोङगी जोबाते रीतिथितिकामा ईन।

तीतस 3:9

तर बात खाला नोमुङ डिक्‍पा मुथुप्‍च्‍येते छ्याःङ काम लै मिक्‍किच्‍येते थाङबो थाङबोमे वंशावली बातओन खित्‍च्‍येते थेमे परमेश्‍वर नियम बात खाला टेकाटेउरी खिन थोम्‍मु खित्‍च्‍येतेचेन नोमुङ माकेत। थोक्‍ते बात खाला डिक्‍च्‍येतेताङ सुइँदाला लेमु ओङच्‍येते सिराते नोमुङ छ्याःङ मेङगो।

याकूब 1:26

सुइँदेकी ङानी परमेश्‍वरगी खि साबाच्‍योक खित्‍कान्‍ते मि ईन खिदुक तर खोपरोङ खाचेन थाताला मोज्‍योदुक सासीन थोक्‍ते मिकीनी दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबाते ईन। थोक्‍ते मिकी जस्‍तोराङ लेमु काम खासीनोङ थोक खाबेकी थेला छ्याःङ फाइदा मेङगो।

याकूब 2:20

खो चुक लेम्‍बा ईन्‍दाका। येशू ख्रीष्‍टला विश्‍वास खिओ सिन खेकीकामा साला थेकी साबाच्‍योक खाईन काम माक्‍यासीन खुई थेला विश्‍वास खिओ सिन साबातेनी छ्याःङ कामराङ लै मिक्‍किओ।

छ्या स्‍ये च्‍युताते बात 22:18

था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान गाङेला ङा यूहन्‍ना दि बातला च्‍याङबो खि सिन सिओ। चुक सासीन दि किताब नाङ टिबाते दि बातओन नाङ सुइँदेकी खइँदा ल्‍हाक्‍पा बात थपे खासीन परमेश्‍वरगी थोक्‍ते मिला दि किताबला साबा ओताते आउदी मेलेबा मेलेबा रोग लै खित ज्‍युत्‍क्‍यो थेमे ज्‍यीबा लाङच्‍या दुक्‍पातेबाङ थेलाराङ ओङ ज्‍युत्‍क्‍यो।