मर्कूस 7:6 - जिरेल

⁶ थोक सिरजीन थेकी “च्‍यि यशैयेकी थाङबो साबाते बात ख्‍योकोनगी खिन ओताते कामताङ मिडिक्‍तुकरो? ख्‍योकोन चुक्‍तेन्‍दे ईन्‍दाका। यशैयेकीचेन परमेश्‍वरगी साबाते बात दोक सिन टिबा ओतान। चुक सासीन ‘दि मिओनगी ङाला खेकीकामा परमेश्‍वर सिन माने खिदुक। ङाला माने खित्‍जुमकामा खाला दिबेकी छ्याःङ वास्‍ता मिक्‍किदुक।

मर्कूस 7:6 Iomraidhean Croise

यूहन्‍ना 15:24

ङे थातासाक सुङगीङ खिता माथुपाते कामतेबा थेबे ङोन्‍लाराङ खाईन तेन्‍दाप। ङे थोक खाबाते छ्याःङ थोङा मेत्‍सीनचेन थेबेकी पाप खाबाते ईन सिन सिरा ओङच्‍या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक।

यूहन्‍ना 5:42

ख्‍योकोन चुक्‍ते मि ईन्‍दे सिन ङाला लेमु खाला छ्या ओत। ख्‍योकोन परमेश्‍वरला ङिङज्‍ये खित्‍कान्‍ते मि मेन।

शक्ति काम 28:25

थोक ओङगीन थेबे नाङ बात माडिक्‍सुङ। थेमे थेरूई थेबा लाकीन ड्वाप्‍ला स्‍यूसुङ। थेबा गाल मागाल्‍लाराङ थोरूमोङ बात खिन पावलगी थेबाला “थाङबो ख्‍योकोन ज्‍युज्‍यु पुर्खाला परमेश्‍वर आत्‍मेकी परमेश्‍वर बात खित्‍कान्‍ते यशैयाला सिर च्‍युताते बात ख्‍योकोनलाङ डिगीदुक। परमेश्‍वरगी साबाते बात थेला दोक सिन सिर च्‍युता ओतान।

२ तिमोथी 3:5

थेबा परमेश्‍वरला माने खित्‍कान्‍ते मि ईन सिरा च्‍योकराङ खाला ख्‍याम्‍ग्‍यो। तर लेमु खाईन तासीन थेबेकी परमेश्‍वरला खोपरोङ सेमदु काम खित माच्‍युत्‍ला थेला मन परे खित्‍च्‍येते सिराते कामज्‍यीगोङ मिक्‍किओ। थोक्‍ते मिओनताङ साङ माकेत।

तीतस 1:16

खोपरोङ होथोक्‍ते मि ईन्‍सीनोङ थेबेकीचेन परमेश्‍वर सु ईन्‍दे, चुक्‍ते ईन्‍दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्‍वरला माने खित्‍कान्‍ते मि मेन सिन दाक छ्या स्‍येक्‍यो। थेबाला थोङजीन परमेश्‍वरला गा मालाङो, थेबेकी परमेश्‍वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।