मर्कूस 7:5 - जिरेल

⁵ येशू चेलाओनगी रीतिथितिला खि साबा च्‍योकराङ खाईन लाक्‍पा मुठुता खाईन साप सा थोङगीन होथे फरिसी पाटी मिओनताङ धर्मे गुरूओनगी येशूला “खुई चेलाओन लाक्‍पा ठुत्‍जीन च्‍यिला ज्‍युज्‍यु पुर्खे पालोमेई चले खिन वाबाते रीतिथितिला खि साबा च्‍योकराङ खाला लाक्‍पा मुठुता खाला साप सेइका?” सिन सासुङ।

मर्कूस 7:5 Iomraidhean Croise

मत्ती 15:2

“खुई चेलाओन च्‍यिला ज्‍युज्‍यु पुर्खे पालोमेई चले खिन वाबाते रीतिथिति माने मिक्‍किका? साप सा बेलाला लाक्‍पा ठुत्‍जीन थेबा च्‍यिला थे रीतिथितिला खि साबा च्‍योकराङ खाला लाक्‍पा मुठुता खाला साप सेइका?” सिन सिराला स्‍यूसुङ।

मर्कूस 7:13

खेराङगी जोबाते रीतिथिति माने खित्‍सादु ख्‍योकोनगी होदोक खाईन परमेश्‍वर नियम ङेन्‍दा ताङला दुक। आबा आमाला मान खि सिन साबातेकामा मेन, ज्‍येनोङ परमेश्‍वर नियम काल्‍बेई ख्‍योकोनगी ङेन्‍दा ताङला दुक,” सिन सिदुक।

मर्कूस 7:8

यशैयेकी टिबा ओता च्‍योकराङ खाईन ख्‍योकोनगी परमेश्‍वर नियम ङेन्‍दा ताङगीन मिकी जोबाते रीतिथितिका माने खिदुक,” सिन सिदुक।

मर्कूस 7:9

थोरूमोङ बात खिन थेकी “खेराङ रीतिथिति माने खिताला ख्‍योकोनगी च्‍याङबो खाईन परमेश्‍वरगी खि साबाते नियमओन ङेन्‍दा ताङला दुक।

शक्ति काम 21:21

खुई लुङबा लुङबाला ज्‍येन ज्‍येन जातकी मि नाङ देत्‍कान्‍ते यहूदीओनला मोशेकी टिबाते परमेश्‍वर नियम ङेन्‍दा ताङला ख्‍योओ फिजाओनला ज्‍वा फाप्‍च्‍येते खतकी चिनु ज्‍वा माफाबोत्‍लो थेमे ङुरूङ यहूदीओनगी माने खित्‍च्‍येते रीतिथितिङ छ्याःङ माने खिता माफाबोत्‍लो सिन लोप्‍कीदुक्‍लो सिन थोकीन थेबा खोत्ताङ स्‍येदाङ खाला दुक।

शक्ति काम 21:24

था थेबेते कोबोल खाईन देताते दिन सिन्‍गीन चोके खित्‍च्‍येते बेला लेप्‍नामेई खोङ थेबाताङराङ चोके खि। थेबाला चोके खित्‍जीन गोच्‍येते खर्चङ खुईराङ च्‍याल्‍ला बिन। थेमे थेबेकी खोपरोङ टा ठेक्‍पा थुप्‍क्‍यो। खो खोरोङगीङ थाल्‍ला ङ्योकोनगी साबा च्‍योकराङ खाबा थोङनामेई खुई मोशेकी टिबाते परमेश्‍वर नियम ङेन्‍दा ताङसीन ओङगोत्‍लो सिन लोप्‍कीदुक्‍लो सिन गोमा थोबाते बात साँचो मेन्‍दाक्‍वा बरू खोङ थे नियमराङ ङेन्‍च्‍याक्‍वा सिन गाङेकी छ्या स्‍येक्‍यो।

रोमी 4:12

अब्राहामचेन खतकी चिनु जोकान्‍ते यहूदीओनतेङ ज्‍युज्‍युराङ ईन। ईन्‍सीनोङ खतकी चिनु जोकान्‍तेबा गाङेराङ अब्राहाम सन्‍तानचेन मेन। ङुरूङ यहूदीओन ज्‍युज्‍यु अब्राहामगी खतकी चिनु माजोबालाराङ विश्‍वास खाबाच्‍योक खाला परमेश्‍वरला विश्‍वास खित्‍कान्‍ते मिओनकामा अब्राहाम सन्‍तान ईन।

गलाती 1:14

दाक्‍पोन ज्‍युज्‍यु पुर्खे पालोमेकी चले खिन वाबाते रीतिथिति माने खिताराङ फाप्‍क्‍यो सिन ङे थेबा माने खिताला कम्‍ती दुक्‍पानी माक्‍या। ङेराङ जातकी बाला दौंतरी नाङ ङा छेत थोक लेमु खाला यहूदी धर्म माने खित्‍कान्‍ते मि ज्‍येन सुङ मेतान।

२ थिस्‍सलोनिकी 3:11

ख्‍योकोन नाङ कोई कोई अल्‍छीकी दाक्‍पोन काम खिता ताङला ज्‍येन मि काम खित्‍साला गाल्‍ला बरालस्‍यिङ लोङगीदुक्‍लो सिरा थोकीदुक।

२ थिस्‍सलोनिकी 3:6

थेमे आज्‍यो न्‍वावे, प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी ङ्योकोन ख्‍योकोनला च्‍यि खि सिते सासीन खेराङ नाङ ङ्योकोनगी लापाते बात माङेन्‍ला दाक्‍पोन लाःक खिता ताङला अल्‍छी खाला देत्‍कान्‍ते मिओनताङ ङ्योम्‍बुराङ रूला मादेत।