मर्कूस 7:3 - जिरेल

³ फरिसी पाटी मिओनचेन खोपरोङ ज्‍युज्‍यु पुर्खे पालोमेई चले खिन वाबाते रीतिथितिला साबा च्‍योकराङ खाला लाक्‍पा टुलाकामा साप सेइन ओतान। थेबेकीकामा मेन, काल्‍बा च्‍योक्‍ते यहूदी गाङेकी दि रीतिथिति माने खिन ओतान।

मर्कूस 7:3 Iomraidhean Croise

मर्कूस 7:13

खेराङगी जोबाते रीतिथिति माने खित्‍सादु ख्‍योकोनगी होदोक खाईन परमेश्‍वर नियम ङेन्‍दा ताङला दुक। आबा आमाला मान खि सिन साबातेकामा मेन, ज्‍येनोङ परमेश्‍वर नियम काल्‍बेई ख्‍योकोनगी ङेन्‍दा ताङला दुक,” सिन सिदुक।

मर्कूस 7:5

येशू चेलाओनगी रीतिथितिला खि साबा च्‍योकराङ खाईन लाक्‍पा मुठुता खाईन साप सा थोङगीन होथे फरिसी पाटी मिओनताङ धर्मे गुरूओनगी येशूला “खुई चेलाओन लाक्‍पा ठुत्‍जीन च्‍यिला ज्‍युज्‍यु पुर्खे पालोमेई चले खिन वाबाते रीतिथितिला खि साबा च्‍योकराङ खाला लाक्‍पा मुठुता खाला साप सेइका?” सिन सासुङ।

लूका 11:38

थेकी लाक्‍पा ठुत्‍जीन फरिसी पाटी मिओनगी खिता च्‍योकराङ खाईन चोके मिक्‍किता खाईन साप साप्‍ला देत्‍सुङ। थेकी थोक खाबा थोङजीन थे फरिसी पाटी मिला अचम्‍ब लासुङ।

यूहन्‍ना 2:6

थेरू फाम खाल रेरेजो छ्यु डोच्‍येते दो कोरगीन जोबाते गरी ठुक ओतान। साप सा भन्‍दा गोमा चोके खिताला लाक्‍पा काम्‍बा ठुत्‍च्‍येते छ्यु ज्‍य्‌वाबाला यहूदीओनगी दोक्‍ते गरी ज्‍य्‌वाकीन ओतान।

गलाती 1:14

दाक्‍पोन ज्‍युज्‍यु पुर्खे पालोमेकी चले खिन वाबाते रीतिथिति माने खिताराङ फाप्‍क्‍यो सिन ङे थेबा माने खिताला कम्‍ती दुक्‍पानी माक्‍या। ङेराङ जातकी बाला दौंतरी नाङ ङा छेत थोक लेमु खाला यहूदी धर्म माने खित्‍कान्‍ते मि ज्‍येन सुङ मेतान।

कलस्‍सी 2:8

ख्‍योकोन च्‍याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्‍च्‍येते बातनी छ्याःङ काम लै मिक्‍किच्‍येते ईनराङ मेन्‍दे बात ईन। थोक्‍ते बातनी दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति बातकामा ईन। थोक्‍ते बात ख्रीष्‍ट सु ईन्‍दे, चुक्‍ते ईन्‍दे सिरच्‍येते बातताङ बान्‍दा मिडिगो।

१ पत्रुस 1:18

मोल च्‍याल्‍गीनकामा खेराङ ज्‍युज्‍यु पुर्खे पालोमेकी चले खिन वाबाते छ्याःङ काम लै मिक्‍किच्‍येते रीतिथिति छ्य्‌वापेकी खेराङला टालाते ईन सिन ख्‍योकोनला छ्याराङ ओत। थोक खिताला च्‍यालाते मोल सेरताङ चाँदी मेतान। सेर चाँदीनी ङीमाई छ्याःङ काम लै मिक्‍किच्‍या डुइओ।