मर्कूस 6:2 - जिरेल

² थेमे सन्‍चारी छोमु थेकी थेरू मिटिङ खित्‍च्‍येते खाम्‍बादु लोपाला स्‍यूसुङ। थेकी लापाते बाततेबा थोनामेई थे युल्‍बाओन छक्‍क परे खिनकामा “आबिई, दिकी दि बाततेबा खापेकी लाप्‍ताका? दोक छ्ये छ्ये बात दिकी चुक खाईन छ्या स्‍येताका? थेमे थोक अचम्‍बते कामओन दिकी चुक खाईन खाताका?

मर्कूस 6:2 Iomraidhean Croise

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मत्ती 7:28

येशूकी दि बाततेबा लाप्‍कीन सिन्‍नामेकी थेरू ओताते मि गाङे छक्‍क परे खासुङ।

मर्कूस 1:39

थेमे थे गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला गा लाङच्‍येते बात लोप्‍कीन ख्‍याम्‍सुङ। दोक खिन ख्‍याम्‍जीन ल्‍हन्‍डीक खोबाते मिओनदुकी ल्‍हन्‍डीकओन तेन्‍गीन ताङसुङ।

मर्कूस 10:1

थेमे येशूबा थेरूकी यर्दन चाङबो फारकेनपा यहूदिये अञ्‍चलपा गाल्‍सुङ। थेरूङ ङोला ङ्वा मुथुप्‍च्‍या मि थे ओत्‍सादु ख्‍योल्‍सुङ। थेमे सधैँ च्‍योकराङ खाईन थेकी थेबाला परमेश्‍वर बात लोपाला स्‍यूसुङ।

लूका 2:47

थेरू थेकी थे धर्मे गुरूओनगी साबाते बात आउदी लेमु खाईन खोबाते थेमे थेबेकी ठिबाते बातओनोङ आउदी लेमु खाईन लाःपाते थोङजीन थेरू ओताते मिबरी दि चुक अचम्‍बज्‍यीक फिजा ईन्‍दाका सिन छक्‍क परे खासुङ।

लूका 4:15

थेमे थेकी युल युलला गाल्‍गीन थेङला ओताते यहूदीओनते मिटिङ खित्‍च्‍येते खाम्‍बे नाङला गा लाङच्‍येते बात लोपाला स्‍यूसुङ। थे बात थोकान्‍ते मिओनगी “ओहो, दिकी चुक लेमु खाला लोप्‍कीका,” सिन थेला आउदी खाईन मान खिताला स्‍यूसुङ।

यूहन्‍ना 6:42

थोगी थेबा “आबिई, च्‍यि दि यूसुफ फुज्‍युङ येशू मेनरो? दि आबा आमाबा सु ईन्‍दे सिन ङुरूङला लेमुराङ खाला छ्या ओत। थेमे दिकी च्‍यिला ‘ङाचेन स्‍वर्गनेकी वाबाते ईन,’ सिन सिका?” सिन बात खिताला स्‍यूसुङ।

यूहन्‍ना 7:15

थेकी थोक लेमु खाईन थे बात लापा थोकीन यहूदीओनते छ्ये छ्ये मि छक्‍क परे खिन “आबिई, धर्मे गुरूओनगी च्‍योक खाईन परमेश्‍वर बात नोमुङ पढे माक्‍याबाते ईन्‍सीनोङ दिकी दि बाततेबा चुक खाईन छ्या स्‍येताका?” सिन बात खिताला स्‍यूसुङ।