मर्कूस 5:7 - जिरेल

⁷ ल्‍हन्‍डीक खानापेई थेकी कस्‍स्‍ये खाला छेरा खिनकामा “ए येशू, खो गाङे भन्‍दा छ्येते परमेश्‍वर फुज्‍युङ ईन सिन ङाला छ्या ओत। खो ङाला दुक्‍पा तेराला दुरू च्‍यिला वाबे? ङाला दुक्‍पा मातेर ओर्च्‍ये। दोक मिक्‍किओ सिन हजूर खो परमेश्‍वर साक्षी ज्‍याक्‍ला ना क्‍योल,” सिन सिदुक।

मर्कूस 5:7 Iomraidhean Croise

मत्ती 16:16

थेबे नाङ शिमोन पत्रुसकी “गुरू, खो सोम्‍बोते परमेश्‍वर फुज्‍युङ ईन। खो थेकी तोङगो साबाते ख्रीष्‍ट ईन,” सिन सिदुक।

मत्ती 26:63

थेकी थोक सिरजीनोङ थे खाराक्‍पाराङ देत्‍सुङ। लोईनराङ थेकी “लो खो सोम्‍बोते परमेश्‍वर दोन्‍दु ना क्‍याल्‍ला दि बात सि। च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो परमेश्‍वर फुज्‍युङ ईन्‍दासीन, मेन?” सिन ठिसुङ।

मत्ती 4:3

थे थोक खाईन त्‍वाबेकी स्‍याप खाबा ओते बेलालाराङ पाप खित ज्‍युता छोल्‍कान्‍ते शैतानगी वाकीन थेला ल्‍वा छोल्‍गीन “खो परमेश्‍वर फुज्‍युङ ईन, मेन ओना? लो परमेश्‍वर फुज्‍युङ ईन सासीन खो उदि दोओनला साप डोर छ्युत,” सिन सिदुक।

मत्ती 8:29

थेला ठेतासात्तु थेबेकी ल्‍हन्‍डीक खानापेई “हजूर, खो परमेश्‍वर फुज्‍युङ ईन सिन ङ्योकोनला छ्या ओत। च्‍यि परमेश्‍वरगी सजाय तेरच्‍येते दिन मालेपालाराङ खो दुरू ङ्योकोनला सजाय तेराला वाबाप, ना चुक?” सिन छेरा खासुङ।

मर्कूस 1:24

“ए नासरतपे येशू, खुई सेमला पाप सिराते छ्याःङ मेत, खोल्‍ला परमेश्‍वरगी ताङाते ईन सिन ङाला छ्या ओत। खो ङ्योकोनला दुक्‍पा तेराला च्‍यिला वाबे? ङ्योकोनला था नरककुण्‍डमा तोङच्‍या ईनज्‍योक मेन?” सिन सासुङ।

मर्कूस 14:61

थेकी थोक सिरजीन येशू छ्याःङ मिसिरा खाईन खाराक्‍पाराङ देत्‍सुङ। लोईनराङ थेकी “च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो प्रभु परमेश्‍वर फुज्‍युङ ईन्‍दासीन मेन?” सिन ठिसुङ।

मर्कूस 3:11

थे मि हूलगी नाङ ओताते ल्‍हन्‍डीक खोबाते मिओनगी येशूला थोङनामेई गुर्बु खाला से खिन “हजूर, खो परमेश्‍वर फुज्‍युङ ईन,” सिन छेरा खिन ओतान।

मर्कूस 5:6

येशू थेपा ओङगीन ओता थेकी आदो थारीलेईराङ थोङा ओतान। थेमे छ्य्‌वाकीन वाकीन गुर्बु खाला थेला से खिन

मर्कूस 5:8

येशूकी “थे मिदुकी थेन्‍ला ग्‍युक,” सिन कोतेकीराङ थे ल्‍हन्‍डीककी थोक खाईन बिन्‍ती खाबा ओतान।

लूका 1:32

थे आउदी छ्येज्‍यीक मि ओङगो। थेला गाङे भन्‍दा छ्येते परमेश्‍वरगी थे खोरोङ फुज्‍युङ ईन सिओ। प्रभु परमेश्‍वरगी थेला थे खोरोङ ज्‍युज्‍यु दाऊद गेल्‍बो राज्‍य बिन्‍ला च्‍याला छ्येज्‍यीक गेल्‍बो जोइओ।

लूका 4:34

“ए नासरतपे येशू, खुई सेमला पाप सिराते छ्याःङ मेत, खोल्‍ला परमेश्‍वरगी ताङाते ईन सिन ङाला छ्या ओत। खो ङ्योकोनला दुक्‍पा तेराला दुरू च्‍यिला वाबे? ङ्योकोनला था नरककुण्‍डमा तोङच्‍या ईनज्‍योक मेन?” सिन सासुङ।

लूका 6:35

ख्‍योकोनगीचेन खेराङ शत्रुओनलाङ ङिङज्‍ये खि, थेबाला लेमु खि। सुइँदाला खइँदा किन्‍जीन किम्‍बाराङ लिन्‍दाप सिन मातेर। ङे खि साबा च्‍योकराङ खासीन गाङे भन्‍दा छ्येते परमेश्‍वरगी ख्‍योकोनला तिरी छ्येज्‍यीक मान तेरग्‍यो। थेमे ख्‍योकोनला थे फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी बैगुनीताङ मेलेबा काम खित्‍कान्‍ते मिओनलाङ ङिङज्‍ये खिओ।

लूका 8:28

येशूला ठेत्‍नामेकी थे मिकी गुर्बु खाला से खिन ल्‍हन्‍डीक खानापेई कस्‍स्‍ये खाला छेरा खिनकामा “ए येशू, खो गाङे भन्‍दा छ्येते परमेश्‍वर फुज्‍युङ ईन सिन ङाला छ्या ओत। खो ङाला दुक्‍पा तेराला दुरू च्‍यिला वाबे? ङाला दुक्‍पा मातेर ओर्च्‍ये,” सिन सिदुक।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

शक्ति काम 16:17

पावलबा ङ्योकोनला ठेत्‍जीन ङ्योकोन तिङ ङ्योगीन थे फेम्‍मे फिजेकी छेरा खिन “दिबा गाङे भन्‍दा छ्येते परमेश्‍वर काम खित्‍कान्‍ते मिओन ईन। मि चुक खाला पापकी सजायदुकी थारगीते सिरच्‍येते बात दिबेकी लोप्‍क्‍यो,” सिन सासुङ।

शक्ति काम 19:13

थेमे थे बेले नाङपाराङ थेङला गाङेपा युला ल्‍हन्‍डीक तेन्‍ला तोङकान्‍ते यहूदीओनोङ ओतान। थेबेकीङ प्रभु येशू मिन लाला ल्‍हन्‍डीक खोबाते मिओन नाङदुकी ल्‍हन्‍डीक तेन्‍गीन तोङा चाल्‍सुङ। थोक खित्‍जीन थेबेकी “पावलगी लोप्‍च्‍येते येशू मिन लाला ङ्योकोन खोल्‍ला दि मिला ताङला ग्‍युक सिन कोत्‍क्‍यो,” सिन ओतान।

शक्ति काम 8:36

थेबा ङिबो थोक खाला लामला डुइन डुइनला छ्यु ओत्‍सादु ख्‍योल्‍सुङ। थेमे थे मिकी “लो तो, दुरू छ्यु ओताक्‍वा। ङाला छ्युला लुक्‍ला बप्‍तिस्‍मा नाङ, ना दोक खिताला थोरूमोङ ङे खइँदा खिता फाप्‍कीते?” सिन सिरजीन

रोमी 16:20

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वरगी था होत्ताराङ शैतानला नोमुङ लाङा मुथुप्‍च्‍या खाला ख्‍योकोन तिङबे ओक्‍तु ज्‍य्‌वाक्‍यो। प्रभु येशूकी ख्‍योकोनला दया खिनराङ देत्‍स्‍यीत।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

हिब्रू 7:1

मल्‍कीसेदेकचेन शालेम सारगी गेल्‍बो थेमे गाङे भन्‍दा छ्येते परमेश्‍वर पूजारी ओतान। बाजिई अब्राहाम गेल्‍बो स्‍यीला ग्‍याल्‍ला लडाइँलेई ग्‍युरला ओङजीन थेला ठेत्‍कीन थेकी अब्राहामला आशी बिन्‍दा ओतान।

याकूब 2:19

परमेश्‍वर दोक्‍पोईकामा ओत सिन खुई साबाते बात पक्‍काराङ ईन। परमेश्‍वर दोक्‍पोईकामा ओत सिरच्‍येते बातनी ल्‍हन्‍डीक स्‍यिन्‍डीपकीङ ईन सिन सिओ। थेमे परमेश्‍वर ज्‍यीबेकी थेबाङ थुरथुर दारग्‍यो।

२ पत्रुस 2:4

दि बात ङुरूङला छ्याराङ ओत। च्‍यि सासीन परमेश्‍वरगी पाप खित्‍कान्‍ते परमेश्‍वर दूतओनला समेदोङ थाराङ मोतोङा खाईन सजाय बिन्‍गीन नरककुण्‍डमा गाङे भन्‍दा मुन्‍दाकते ठाउँनामा लुक्‍पा ओत। परमेश्‍वरगी मि गाङे न्‍याय खित्‍च्‍येते दिन मालेपथुप थेबाला ठाठाबाराङ थे मुन्‍दाकते ठाउँदुराङ किल्‍ला ज्‍य्‌वाक्‍यो।

१ यूहन्‍ना 3:8

पाप खिनराङ देत्‍कान्‍ते मिचेन शैतानताङ डिक्‍कान्‍ते ईन। शैतानगीनी च्‍याक दि जुग शुरू ओङजीनमेईराङ पापकामा खिन ओत। शैतानगी खित्‍च्‍येते काम गाङे ङ्ये च्‍युत्‍ला खतम ज्‍वाप्‍लाराङ परमेश्‍वर फुज्‍युङ दुरू वाबाते ईन।

यहूदा 1:6

थेमे परमेश्‍वरगी मान बिन्‍गीन ज्‍याक्‍पाते ठाउँदु मेदेता खाला दाक्‍पोन खुशीला ख्‍याम्‍कान्‍ते थे खोरोङ दूतओनलाङ थेकी नोमुङ ठोला मुथुप्‍च्‍या खाईन साङलोकी ठाकीन मि गाङे न्‍याय खित्‍च्‍येते दिन मालेपथुप नरककुण्‍डमा गाङे भन्‍दा मुन्‍दाकते ठाउँनामा लुगीन ज्‍याक्‍पा ओत।

छ्या स्‍ये च्‍युताते बात 12:12

थोगी था स्‍वर्गदु ओतातेबरी गाङेराङ आउदी खाला गा खि। तर सा लुङबाताङ समुन्‍द्रदु ओताते जति गाङेलाचेन ज्‍यीबा लाङच्‍ये बात ईन। च्‍यिला सासीन थे खोरोङगी जेसुकै खिता ङेत्‍च्‍येते समय था टिक्‍पीस्‍यिककामा ओत सिन छ्या स्‍येकीन शैतान आउदी खोक्‍पो खाईन स्‍येदाङ खाईन ख्‍योकोन ओत्‍सामा गाला ओत,” सिन ओतान।