मर्कूस 4:34 - जिरेल

³⁴ कथा मिसिरा खालाचेन थेकी बातज्‍यीगोङ लोप्‍कीन मेतान। चेलातेबाताङकामा ओत्‍जीनचेन थेकी चेलातेबाला कथे अर्थ लाःप्‍ला तेरगीन ओतान।

मर्कूस 4:34 Iomraidhean Croise

मत्ती 13:34

दोक खाईन थेकी थेरू जम्‍मा ओङाते मिओनला स्‍वर्गे राज्‍य बात कथालाकामा लाप्‍सुङ। कथा मिसिरा खाईनचेन थेकी बातज्‍यीगोङ मालाप्‍सुङ।

मर्कूस 4:10

येशू थे मिओनताङ ठाल्‍नामेकी थेत्ताङ थे खोरोङ चेला च्‍युन्‍ङी थेमे सधैँ थेत्ताङ ख्‍याम्‍कान्‍ते ज्‍येन कोई कोई मिकामा ओतान। थेजीनराङ थेबेकी “गुरू, खो ज्‍येन ज्‍येन मिला परमेश्‍वर बात लोप्‍जीनचेन च्‍यिला कथा लाःप्‍ला लोप्‍कीते?” सिन ठिसुङ।

मर्कूस 4:33

चुक्‍ते कथा लाःप्‍जीन मिओनगी लेमु खाला खोकीका होथोक थोक्‍ते कथा काल्‍बेई लाःप्‍ला येशूकी परमेश्‍वर बात लोप्‍कीन ओतान।

लूका 24:27

थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

यूहन्‍ना 10:6

येशूकी खाबाते दि लुकताङ लुगी गोठाले बात च्‍यि साबाते ईन्‍दे सिन थेबेकी छ्याःङ माखोसुङ।

यूहन्‍ना 16:25

थरिङसाक ङे ख्‍योकोनला दि गाङे बात सजिलो खाला खोबा मुथुप्‍च्‍या खाईन लापा ओत। दोक ईन्‍सीनोङ था समयज्‍यीक ओङगो। थेजीन ङा ख्‍योकोनला दोक खाला मेन्‍देकी आबे बात ङा ख्‍योकोनगी सजिलो खाला खोबा थुप्‍च्‍या खाला लाःप्‍क्‍यो।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।