मर्कूस 4:12 - जिरेल

¹² ङे दोक खित्‍च्‍येतेचेन ‘थेबेकी परमेश्‍वरगी खिन ओताते काम जति थोङसीनोङ च्‍यि खिता चालाते ईन्‍ताका सिन छ्याःङ छ्या मेस्‍येस्‍यीत थेमे परमेश्‍वर बात जति थोसीनोङ च्‍यि साबाते ईन्‍दे सिन छ्याःङ मोखोस्‍यीत सिन ईन। थेबेकी बात खोबा ईन्‍सीन थेमे ङेन्‍दा ईन्‍सीन थेबा परमेश्‍वर छ्य्‌वापा लै खित्‍च्‍या ओतान थेमे थेकी थेबाला पापदुकी टाल्‍ला माफ तेरच्‍या ओतान,’ ” सिन सिदुक।

मर्कूस 4:12 Iomraidhean Croise

मर्कूस 8:18

ख्‍योकोनते मिक ओत्‍लाङ च्‍यिला छ्याःङ मोथोङका? थेमे नामज्‍योक ओत्‍लाङ च्‍यि ख्‍योकोनगी छ्याःङ मोथोदुक? ङे खाबाते काम गाङे ख्‍योकोनगी टोक ज्‍येत्‍सुङाना च्‍यिन्‍दे?

लूका 8:10

थोक सिन ठिजीन थेकी “परमेश्‍वर राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। तर ज्‍येनला परमेश्‍वर राज्‍य बात लोप्‍जीनचेन ङा कथालाकामा लोप्‍क्‍यो। थेबेकी परमेश्‍वरगी खिन ओताते काम थोङसीनोङ च्‍यि खिता चालाते ईन्‍ताका सिन छ्याःङ छ्या मेस्‍येस्‍यीत थेमे परमेश्‍वर बात थोसीनोङ च्‍यि साबाते ईन्‍दे सिन छ्याःङ मोखोस्‍यीत सिनराङ ङा थेबाला कथालाकामा परमेश्‍वर बात लोप्‍क्‍यो, कथे अर्थचेन मालाःबो।

शक्ति काम 3:19

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

२ तिमोथी 2:25

थेकीचेन थे खोरोङगी लोप्‍च्‍येते बातताङ मिडिक्‍च्‍येते बात खित्‍कान्‍ते मिओनताङ खा छ्येत लेमुकीराङ थेबेकी चुक्‍ते बात लोपा फाप्‍च्‍येते ईन्‍दे सिन लाप्‍ला तेरा फाप्‍क्‍यो। परमेश्‍वरगी थेबाला खोपरोङगी चुक मेलेबा खाबा ओता ईन्‍दाका सिन छ्या स्‍येच्‍येते मौका तेरगीतासीन सिन थेमे थेबेकी सत्‍यते बात च्‍यि ईन्‍दाका सिन लेमु खाला छ्या स्‍येकीतासीन सिन थेबाला होदोक खाला लाप्‍ला तेरा फाप्‍क्‍यो।

हिब्रू 6:6

परमेश्‍वर छ्य्‌वापेई पूरो खाईन ठाल्‍गीन गाल्‍सीन थोक्‍तेबेकी ङानी पापी दुका सिन छ्या स्‍येला लोक्‍ला परमेश्‍वर छ्य्‌वापा ग्‍युरला ओङाप सिन नोमुङ चिते माक्‍यासीनोङ ओङगो। थोक्‍ते मिओनगीनी ज्‍येनगी ङोन्‍दु परमेश्‍वर फुज्‍युङला बेइज्‍जत खाईन लोईन स्‍यिङगी थामला टाँए खाईन सेता छेतराङ ईन।