मर्कूस 4:11 - जिरेल

¹¹ थोक सिरजीन थेकी “परमेश्‍वर राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। तर ज्‍येनला परमेश्‍वर राज्‍य बात लोप्‍जीनचेन ङा कथालाकामा लोप्‍क्‍यो, कथे अर्थचेन मालाःबो।

मर्कूस 4:11 Iomraidhean Croise

मत्ती 11:25

थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

मत्ती 13:16

तर ख्‍योकोनचेन भाग्‍यमानी ईन। ख्‍योकोनगी खेराङ मिक चुम्‍बा मेतेकी थेमे नामज्‍योक थुक्‍पु जोबा मेतेकी खित्‍सादु स्‍वर्गे राज्‍य वाबाते थोङा ओत। थेमे थे राज्‍य बादोङ खोबा ओत।

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

मर्कूस 3:23

थेबेकी थोक सिरजीन येशूकी थेबाला थे खोरोङ दोन्‍दु काताङगीन दोक सिन बात खिताला स्‍यूसुङ। थेकी च्‍यि सिका सासीन “ल्‍हन्‍डीक गेल्‍बो शैतानगीराङ चुक खाला मिदुकी ल्‍हन्‍डीकला तेन्‍ला तोङगीते? दोक खासीन थेबा चुक खाला डिक्‍पा थुप्‍कीतेरो?

मर्कूस 4:10

येशू थे मिओनताङ ठाल्‍नामेकी थेत्ताङ थे खोरोङ चेला च्‍युन्‍ङी थेमे सधैँ थेत्ताङ ख्‍याम्‍कान्‍ते ज्‍येन कोई कोई मिकामा ओतान। थेजीनराङ थेबेकी “गुरू, खो ज्‍येन ज्‍येन मिला परमेश्‍वर बात लोप्‍जीनचेन च्‍यिला कथा लाःप्‍ला लोप्‍कीते?” सिन ठिसुङ।

मर्कूस 4:2

मिओनला परमेश्‍वर बात लोप्‍जीन थेकी काल्‍बा च्‍योक कथा लाःप्‍कीन ओतान। थेकी थेबाला दोक सिन लोपाला स्‍यूसुङ।

लूका 8:10

थोक सिन ठिजीन थेकी “परमेश्‍वर राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। तर ज्‍येनला परमेश्‍वर राज्‍य बात लोप्‍जीनचेन ङा कथालाकामा लोप्‍क्‍यो। थेबेकी परमेश्‍वरगी खिन ओताते काम थोङसीनोङ च्‍यि खिता चालाते ईन्‍ताका सिन छ्याःङ छ्या मेस्‍येस्‍यीत थेमे परमेश्‍वर बात थोसीनोङ च्‍यि साबाते ईन्‍दे सिन छ्याःङ मोखोस्‍यीत सिनराङ ङा थेबाला कथालाकामा परमेश्‍वर बात लोप्‍क्‍यो, कथे अर्थचेन मालाःबो।

१ कोरिन्‍थी 4:7

ज्‍येन भन्‍दा ख्‍योकोन छ्ये ईन सिन ख्‍योकोनला सुई सिका? च्‍यि ख्‍योकोनताङ ओताते जेसुकै परमेश्‍वरगी बिन्‍दाते मेनरो? थोक ईन्‍सीनोङ ख्‍योकोन च्‍यिला सुङगीङ बिन्‍दाते मेन्‍देई थाराङ दाक्‍पोनगी ङेताते च्‍योक खाला छ्ये खिते?

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

एफिसी 1:9

थेकी गोमा सुङलाङ छ्या स्‍ये च्‍युता मेताते थे खोरोङगी गोमामेईराङ खिता चालाते येशू ख्रीष्‍ट छ्य्‌वापेकी खिओ साबाते बात च्‍यि ईन्‍दे सिन था ङुरूङला छ्या स्‍ये च्‍युत्‍सुङ।

कलस्‍सी 4:5

येशू ख्रीष्‍ट मि मेन्‍दाते मिओनताङ चुक खाला बात खिता फाप्‍कीते, थेबे दोन्‍दु च्‍यि काम खिता लेमु ईन्‍दे सिन लेमु खाला विचार खाला खि। दोक्‍ते काम खिता ङेत्‍च्‍येते समय था काल्‍बा मेत सिन छ्या स्‍येला टोले मिक्‍किता खाला दोक खिन देत।

१ थिस्‍सलोनिकी 4:12

दोक खासीन सुङगीङ ख्‍योकोनला थाराङ स्‍वा माफाबो, येशू ख्रीष्‍ट मि मेन्‍दाते मिओनगीङ ख्‍योकोनला लेमु मि ईन सिओ।

१ तिमोथी 3:7

दोस्‍यिककामा मेन, थोक्‍ते मिचेन येशू ख्रीष्‍ट मि मेन्‍दाते मिओनगीङ लेमु मि ईन सिन माने खिन वाबाते मि ओङा फाप्‍क्‍यो। थोक्‍ते मि मेन्‍सीन ज्‍येनगी थे गल्‍ती थेप्‍क्‍यो। थेमे थे तोर्बाकला थेप्‍लु खाला शैतान लाःक्‍तु फाप्‍क्‍यो।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।