मर्कूस 3:9 - जिरेल

⁹ थेरू थोक काल्‍बेई मि वाबा थोङगीन थेकी चेलातेबाला “ख्‍योकोनगी डुङ्गाज्‍यीक खोरच्‍योक। दि मिओन च्‍येपा च्‍येप खाला ङे दोन्‍दु मेङस्‍यीत सिन ङा डुङ्गादु जेला देता थुप्‍क्‍यो,” सिन सिदुक।

मर्कूस 3:9 Iomraidhean Croise

मत्ती 15:39

मि गाङेला थेरूई खाम्‍बा खाम्‍बाला ताङगीन सिन्‍नामेई येशूबा डुङ्गाला जेकीन मगादान सिरसापा गाल्‍सुङ।

मर्कूस 4:1

थेमे लोईन येशू गालील समुन्‍द्रे छेउदु गाल्‍गीन मिओनला परमेश्‍वर बात लोपाला स्‍यूसुङ। थेरू बात ङेन्‍दाला जम्‍मा ओङाते मि आउदी काल्‍बेई ओङेकी थेबेकी थे बात लेमु खाला थोस्‍यीत सिन थेचेन डुङ्गाज्‍यीकला जेकीन देत्‍सुङ। थे डुङ्गा छ्युई छेउदुराङ ओतान। थेमे ज्‍येन मिओनचेन गाङेराङ समुन्‍द्रे छेउला पाङलाराङ देत्‍सुङ।

मर्कूस 4:36

थेचेन डुङ्गे नाङदुराङ ओतान। थेमे चेलातेबाङ मि हूलदुकी ठाल्‍गीन डुङ्गाला जेसुङ। दोक खाईन थेबा फारकेनपाला ड्वाप्‍ला स्‍यूसुङ। ज्‍येन ज्‍येन डुङ्गाङ थेपा डुइन ओतान।

मर्कूस 5:2

थेबा थेपा ख्‍योल्‍गीन डुङ्गादुकी फाप्‍नामेई रो ज्‍य्‌वाच्‍येते फुगी नाङलेकी थेन्‍गीन मिज्‍यीक येशूला ठेता खित लिच्‍युङ। थेला ल्‍हन्‍डीक खोबा ओतान।

मर्कूस 5:30

थे खोरोङताङ ओताते ठाक्‍पा खित्‍च्‍येते शक्ति थेन्‍गीन गालाते दाक छ्या स्‍येकीन येशूकी ख्‍युर ग्‍युरगीन मिओनला “ख्‍योकोन नाङ सुई ङे खोलाकला दोबे?” सिन ठिसुङ।

मर्कूस 6:32

थोगी थेबा खोपरोङकामा देताप सिन थे मिओनताङ ठाल्‍गीन डुङ्गाला जेकीन थेरूई गाल्‍सुङ।

लूका 5:1

थेमे ङीमाई येशू गनेसरेत सिराते समुन्‍द्रे छेउदु देत्‍ला परमेश्‍वर बात लोप्‍कीन ओतान। थेकी साबाते बात लेमु खाला ङेन्‍दाप सिन मिबरीचेन फुलरीङ फुलरीङ खिन थे दोन्‍दुराङ ड्वा छोल्‍गीन ओतान।

लूका 5:3

थेरू मि गाङेकी थे खोरोङ बात लेमु खाला थोबा थुप्‍स्‍यीत सिन येशू थेरू ओताते डुङ्गाज्‍यीकला जेसुङ। थेचेन शिमोन डुङ्गा ओतान। थोगी येशूकी थेला “दि डुङ्गा दुरूकी फजेकपा छ्युई नाङपा खेर,” सिन सिदुक। दोक खाईन डुङ्गा टिक्‍पी फजेकपा छ्युई नाङपा खेर च्‍युत्‍कीन डुङ्गे नाङ देत्‍कीन थेकी समुन्‍द्रे छेउदु देताते मिओनला परमेश्‍वर बात लेमु खाईन थोच्‍या खाईन लाप्‍सुङ।

यूहन्‍ना 6:15

था थे मिओनगी वाला थे खोरोङला जबरजस्‍ती थेबे गेल्‍बो जोइओ सिन येशूकी छ्या स्‍येसुङ। थोक ईन्‍देकी थे दाक थेरूकी थे खोरोङकामा बोमने गाल्‍सुङ।