मर्कूस 3:8 - जिरेल

⁸ ज्‍येन ज्‍येन ठाउँनापेकीङ आउदी काल्‍बेई मि थे ओत्‍सादु वाबा ओतान। थेबाचेन कोई यहूदिये अञ्‍चलपेकी, कोई यरूशलेम सारनापेकी थेमे कोई इदुमिआ सिरसे नाङपेकी वाबा ओतान। थोकराङ खाईन कोईचेन यर्दन चाङबो फारकेनपा ओताते ठाउँकी नाङपेकी थेमे सीदोनताङ टायर सिराते सारगी नाङपेकी वाबा ओतान। येशूकी खाबाते अचम्‍बते कामओन बात थोकीन थे मिओन थोक खाईन थेला ठेताला वाबा ओतान।

मर्कूस 3:8 Iomraidhean Croise

मत्ती 11:21

चुक सासीन “खोराजीनताङ बेथसेदादु मिवे, ख्‍योकोनला था आउदी मेलेबा ओङगो। ङे ख्‍योकोन नाङ खाबाते अचम्‍बते कामतेबा टायरताङ सीदोन सारगी मि नाङ खाबा ईन्‍सीन थेबेकी खोपरोङ पापी दुका सिन छ्या स्‍येला भाङ्‌रे खोलाक खोन्‍ला खोपरोङ गोःला थाला कोन्‍ला खित्‍च्‍या ओतान। दोक खाला थेबा परमेश्‍वर छ्य्‌वापा लै खित्‍च्‍या ओतान।

मत्ती 4:25

थोक ओङनामेकीनी गालील अञ्‍चल नाङलेते, डेकापोलिस सिराते सार च्‍युताम्‍बे नाङलेते, यरूशलेम सारगीते, यहूदिये अञ्‍चलताङ यर्दन चाङबो फारकेन नाङपेते ङोला ङ्वा मुथुप्‍च्‍या मि थे तिङ ङ्याकीन ख्‍याम्‍बाला स्‍यूसुङ।

मर्कूस 7:24

थेरूई येशू टायरताङ सीदोन सिरसे नाङपा गाल्‍सुङ। थेपा लेप्‍नामेई थे मिज्‍यीक खाम्‍बादु स्‍यूसुङ। थे खोरोङ थेरू लेप्‍सुङ सिन मिओनगी छ्या मेस्‍येस्‍यीत सिरच्‍येते थे सेम ओतान। ईन्‍सीनोङ थे लेपाते बात मिओनगी दाक छ्या स्‍येसुङ।

मर्कूस 7:31

थेमे येशू टायरदुकी ख्‍याम्‍गीन सीदोन सारनापा खाईन गालील समुन्‍द्रे छेउदु फाप्‍च्‍येते डेकापोलिस सिराते सार च्‍युताम्‍बे नाङपा गाल्‍सुङ।

लूका 6:17

थेमे येशू थे खोरोङगी छाने खाबाते मेरा च्‍युन्‍ङीताङ बोमनेकी फाप्‍कीन दिङमाज्‍यीक्‍तु लेप्‍सुङ। थेत्ताङ ख्‍याम्‍कान्‍ते ज्‍येन चेलातेबाङ काल्‍बेई थे दिङमादु ओतान। थोकराङ खाईन ज्‍येन ज्‍येन ठाउँलेकी वाबाते मिङ आउदी काल्‍बेई ओतान। थेबाचेन यहूदिये अञ्‍चलपेकी, यरूशलेम सारनापेकी थेमे समुन्‍द्रे छेउकी नाङला ओताते सीदोनताङ टायर सिराते सारगी नाङपेकी वाबा ओतान।