मर्कूस 3:2 - जिरेल

² थेरू वाबाते कोई कोई मिचेन येशूकी चुक खिका, च्‍यि खिका सिन च्‍याङबो खाला तेइनराङ ओतान। थेबाचेन सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात दिला छ्याराङ ओत, था दिकी थे लाक्‍पा काम्‍बाते मिला ठाक्‍पा खासीन थेकी नियम ङ्ये च्‍युत्‍सुङ सिन थे गल्‍ती तेन्‍दाप सिन विचार खाईन देता ओतान।

मर्कूस 3:2 Iomraidhean Croise

मत्ती 12:10

थेरू लाक्‍पाज्‍यीक काम्‍गीन थे लाक्‍पा चलेराङ खिता मुथुप्‍च्‍या गालाते मिज्‍यीगोङ ओतान। सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात येशूकी माङेन्‍सीन थेकी गल्‍ती खासुङ सिराप सिन फरिसी पाटी मिओनगी थेला “थरिङ सुइँदा मिला ठाक्‍पा खाला तेरा परमेश्‍वर नियमताङ डिगीताना मिडिक्‍ते?” सिन सासुङ।

मर्कूस 3:3

थेमे येशूकी थे लाक्‍पा काम्‍बाते मिला “खो खोक लाला च्‍याला दुरू स्‍योक्‍ते,” सिन काताङसुङ।

लूका 14:1

ङीमाई सन्‍चारी छोमु फरिसी पाटी छ्येते मिज्‍यीगी येशूला थे खोरोङ खाम्‍बादु साप साप्‍ला काताङा ओतेकी येशू थे खाँपा गाल्‍सुङ। था दिकी च्‍यि च्‍यि खित्‍च्‍या ईन्‍दाका सिन थेरू ओताते मिओन थेला तेइन देता ओतान।

लूका 20:20

थेमे थे बेलामेईराङ धर्मे गुरूओनताङ छ्ये छ्ये पूजारीकी येशूकी खइँदा गल्‍ती बात खिता सिन मौका तेइनराङ देत्‍सुङ। थेकी थोक्‍ते खइँदा बात सासीन रोमी गेल्‍बो हाकिम ओत्‍सादु खेरला सजाय तेर ज्‍युत्‍च्‍ये सेम ओतान। थोगी थेबेकी कोई कोई मिला येशू ओत्‍सादु ताङसुङ। गाल्‍गीन थेबेकीचेन खोपरोङ आउदी खाला परमेश्‍वर नियम ङेन्‍कान्‍ते मि ईन्‍दाच्‍योक खाईन बात खिताला स्‍यूसुङ।

लूका 6:7

थेमे थेरू वाबा ओताते धर्मे गुरूओनताङ फरिसी पाटी मिओनचेन येशूते खइँदा दोष तेन्‍दा थुप्‍कीता सिन थेकी चुक खिका, च्‍यि खिका सिन च्‍याङबो खाला तेइनराङ ओतान। थेबाचेन सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात दिला छ्याराङ ओत। था दिकी थे लाक्‍पा काम्‍बाते मिला ठाक्‍पा खासीन थेकी नियम ङ्ये च्‍युत्‍सुङ सिन गल्‍ती तेन्‍दाप सिन विचार खाईन देता ओतान।

यूहन्‍ना 8:6

थेकी खाबाते बातला खइँदा गल्‍ती तेन्‍ला थेकी गल्‍ती खासुङ सिराप सिन थेबेकी थोक साबा ओतान। थेबेकी थोक सानामेई येशूचेन खुङ खुगीन लाक्‍पे जुकी साला टिक्‍पाला स्‍यूसुङ।

यूहन्‍ना 9:16

थेमे फरिसी पाटी मि नाङ कोई कोईकी “थे मिला परमेश्‍वरगी ताङाते मेन। सन्‍चारी छोमु काम खिता मेङगो सिरच्‍येते परमेश्‍वर नियम थेकी मेङेन्‍दुक,” सिन सिदुक। लोक्‍ला ज्‍येनतेबेकीचेन “थे पापी ईन्‍दा ईन्‍सीन चुक खाला दोक अचम्‍बते कामओन खिता थुप्‍कीते?” सिन सासुङ। थोक खाईन थेबे नाङ बात माडिक्‍सुङ।