मर्कूस 3:16 - जिरेल

¹⁶ थोक खाईन छाने खाबाते मेन्‍दा च्‍युन्‍ङी नाङ दोक्‍पोई शिमोन ओतान। थेला येशूकी पत्रुस सिन मिन ज्‍याक्‍पा ओतान।

मर्कूस 3:16 Iomraidhean Croise

मर्कूस 1:16

ङीमाई येशू गालील समुन्‍द्रे छेउकी नाङपा ख्‍याम्‍गीन ओतान। ख्‍याम्‍गीन डोजीन थेकी थेरू ङ्या सेत्‍कान्‍ते मेन्‍दा ङि मिला थोङसुङ। थेबाचेन शिमोनताङ थे आज्‍यो अन्‍द्रियास ओतान। थेबा पुन ङिबो ङ्या सेताला जाल देगीन ओतान।

मर्कूस 3:15

तिरी परमेश्‍वर बात लोप डोजीन थेकी थेबाला ल्‍हन्‍डीक खोबाते मिओनदुकी ल्‍हन्‍डीक तेन्‍ला तोङच्‍येते शक्ति बिन्‍दा ओतान।

मर्कूस 3:17

थोकराङ खाईन थेबे नाङ जब्‍दी फुज्‍युङ याकूबताङ यूहन्‍नाङ ओतान। थेबा पुन ङिबोलाचेन येशूकी बोअनर्गेश सिन मिन्‍तोक ताबा ओतान। बोअनर्गेश साबाते नाम गुरूङ खाबा च्‍योकराङ थर्के खित्‍च्‍या खाला बात खित्‍कान्‍ते मिओन साबाते ईन।

लूका 6:13

ङारो च्‍योक्‍ते नाम लानामेकी थेकी थे खोरोङ चेलातेबा जतिला काताङगीन च्‍याकीन थेबे नाङदुई मेरा च्‍युन्‍ङीला छाने खासुङ। थेमे थेकी थेबाला “ख्‍योकोनबरीचेन ङे खटे खाबाते मि ईन,” सिन सिदुक।

यूहन्‍ना 1:42

थेमे थेकी न्‍वातेलाङ येशू ओत्‍सादु टीकीन खेरसुङ। थेबा थेपा लेप्‍नामेई येशूकी शिमोनताङ बात खिन “खोचेन योआनेस फुज्‍युङ शिमोन ईन। थरिङमेई खुई मिन केफास ईन,” सिन सिदुक। केफास साबाते पत्रुस साबाते ईन। पत्रुस अर्थचेन दो ईन।

शक्ति काम 1:13

थेपा ख्‍योल्‍नामेकी थेबा खोपरोङ देत्‍च्‍येते खाम्‍बादु स्‍यूकीन ताले लाकने गाल्‍सुङ। थेबाचेन पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयस फुज्‍युङ याकूब, देशभक्त सिराते पाटी मि शिमोन थेमे याकूब सिराते मि फुज्‍युङ यहूदा ओतान।

१ कोरिन्‍थी 1:12

चुक सासीन ख्‍योकोन कोईकी “ङा पावलगी साबाते ङेन्‍कान्‍ते ईन,” खिदुक्‍लो, कोईकी “ङा अपोल्‍लोसकी साबाते ङेन्‍कान्‍ते ईन,” खिदुक्‍लो। लोक्‍ला कोईकी “ङा पत्रुसकी साबाते ङेन्‍कान्‍ते ईन,” खिदुक्‍लो सासीन ज्‍येनज्‍यीगीचेन “ङानी ख्रीष्‍टकी साबातेकामा ङेन्‍कान्‍ते ईन,” खिदुक्‍लो।

१ कोरिन्‍थी 3:22

च्‍यि सासीन पावल, अपोल्‍लोस, पत्रुस गाङे ख्‍योकोनला लेमु ओङाला काम खित्‍कान्‍ते मि ईन। थेमे दि सा लुङबादु ओताते जेसुकै ख्‍योकोन लाःक्‍तुराङ ओत। सोन्‍ला देत्‍च्‍येते, स्‍यिच्‍येते, थरिङोला ओङगीन ओताते थेमे था तिरी ओङच्‍येते दुक्‍पा किम्‍मु बात जेसुकै ख्‍योकोनला लेमु ओङालाराङ ईन।

१ कोरिन्‍थी 9:5

येशू ख्रीष्‍टकी खटे खाबाते ज्‍येनतेबा, प्रभु येशू न्‍वाओन थेमे पत्रुसकी खिताच्‍योक फेम्‍मेतेबाङ येशूला विश्‍वास खित्‍कान ईन्‍देकी ङ्योम्‍बुराङ टीकीन ख्‍याम्‍बाच्‍योक ङेङ खिता मुथुबो साबाप?

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।