मर्कूस 3:10 - जिरेल

¹⁰ थेकी मि काल्‍बेईला ठाक्‍पा खाबेकी थेरू वाबाते नाबाते मिओनचेन थेला द्वाप सिन फुलरीङ फुलरीङ खाला थे दोन्‍दु ड्वा छोल्‍गीन ओतान।

मर्कूस 3:10 Iomraidhean Croise

मत्ती 12:15

थोक खाईन थे खोरोङला सेताला ठो खाबाते बात छ्या स्‍येकीन येशू थेरूई ज्‍येननापा ड्वाप्‍ला ख्‍याम्‍सुङ। थेमे आउदी काल्‍बेई मि थे तिङ ङ्याकीन ख्‍याम्‍सुङ। थेकी थेबे नाङ नाबा ओताते गाङेला ठाक्‍पा खासुङ।

मत्ती 14:14

थे खोरोङ थेपा लेप्‍ला डुङ्गादुकी फाप्‍जीन थेकी गोमाका थेपा लेपाते होथे ङोला ङ्वा मुथुप्‍च्‍ये मि थोङसुङ। थेबाला थोङजीन थेला आउदी ङिङज्‍ये लासुङ। थेमे थेकी थेबे नाङ नाबा ओतातेबाला ठाक्‍पा खाईन बिन्‍सुङ।

मत्ती 14:36

थेमे थेबेकी “हजूर, खुई खोन्‍दाते खोलाक छेउलाकामा ईन्‍सीनोङ दिबाला द्वाप बिन,” सिन बिन्‍ती खित्‍जीन थेकीङ थोकराङ खित च्‍युत्‍सुङ। थेमे थे खोलाकला दोकान जति गाङेराङ ठाक्‍सुङ।

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मर्कूस 5:34

थेमे थेकी “फुमो, खुई ङाला विश्‍वास खाबेकी खित्‍सादु खो ठाक्‍पाते ईन। लो था खोले खोले ग्‍युक। थेमे लेमु खाला देत। खुई बेथेकी था खोल्‍ला नोमुङ दुक्‍पा मेतेरो,” सिन सिदुक।

मर्कूस 6:56

युलला ईन्‍स्‍यीत, सारला ईन्‍स्‍यीत थे जहाँ जहाँ डुइदुक थे डोसे लामगी छेउ छेउला मिओनगी नाबाते मिओन खुलाला ज्‍य्‌वाकीन ओतान। थेमे थेबेकी “हजूर, खुई खोन्‍दाते खोलाक छेउलाकामा ईन्‍सीनोङ दिबाला द्वाप बिन,” सिन बिन्‍ती खित्‍जीन थेकीङ थोकराङ खित च्‍युत्‍सुङ। थेमे थे खोलाकला दोकान जति गाङेराङ ठाक्‍सुङ।

मर्कूस 8:22

थेमे येशूताङ थे चेलाओन बेथसेदादु लेप्‍सुङ। थेरू लेप्‍नामेकी मिओनगी अन्‍धज्‍यीकला येशू ओत्‍सादु क्‍याल्‍गीन “दिला दोला मिगी थोङच्‍या जोला नाङ,” सिन सिदुक।

लूका 5:3

थेरू मि गाङेकी थे खोरोङ बात लेमु खाला थोबा थुप्‍स्‍यीत सिन येशू थेरू ओताते डुङ्गाज्‍यीकला जेसुङ। थेचेन शिमोन डुङ्गा ओतान। थोगी येशूकी थेला “दि डुङ्गा दुरूकी फजेकपा छ्युई नाङपा खेर,” सिन सिदुक। दोक खाईन डुङ्गा टिक्‍पी फजेकपा छ्युई नाङपा खेर च्‍युत्‍कीन डुङ्गे नाङ देत्‍कीन थेकी समुन्‍द्रे छेउदु देताते मिओनला परमेश्‍वर बात लेमु खाईन थोच्‍या खाईन लाप्‍सुङ।

लूका 6:19

मिबरीचेन खोपरोङ ठाक्‍स्‍यीत सिन येशूला द्वा छोल्‍गीन ओतान। थेत्ताङ नाबाते मिओनला ठाक्‍पा खित्‍च्‍येते शक्ति ओतेकी थेबा गाङे ठाक्‍सुङ।

लूका 7:2

थे सारदु मिल्‍टेरी क्‍याप्‍टेनज्‍यीक ओतान। थे मि यहूदी मेतान। थेते आउदी मन परे खाबाते योक्‍पोज्‍यीक ओतान। थे ज्‍यीबा लाङच्‍या खाईन नाकीन स्‍याप खाबा ओतान।

लूका 7:21

थे बेलाला येशूकी थरी थरी रोग लै खाईन नाबाते मिओनला ठाक्‍पा खिन ओतान, ल्‍हन्‍डीक खोबाते मिदुकी ल्‍हन्‍डीक उरला तोङगीन ओतान थेमे अन्‍धतेबा काल्‍बेईला मिगी थोङच्‍या जोबा ओतान।

शक्ति काम 5:15

थेमे थे सारगी मिओनगी नाबाते मिओनला दिङच्‍या खोन्‍च्‍याताङराङ खुलाकीन लामगी छेउकी नाङला जहाँसुकै ङ्याल्‍गीन ज्‍य्‌वाबाला स्‍यूसुङ। थेबे नाङ मेन्‍दाई मेन्‍दा ङिलाकामा ईन्‍सीनोङ पत्रुस लामला ख्‍याम्‍जीन थे ठिमाककामा फाप्‍सीनोङ थेबा ठाइओ सिनराङ मिओनगी थोक खाबा ओतान।

हिब्रू 12:6

थे खोरोङगी ङिङज्‍ये खाबाते मिओनगी लेमु खित्‍स्‍यीत सिन प्रभु परमेश्‍वरगी थाप्‍क्‍यो ङारग्‍यो, थे खोरोङ फुज्‍युङ ईन सिन साबातेबाला थेकी दुला ताला लुक्‍यो,” सिन साबा ओत।