मर्कूस 2:16 - जिरेल

¹⁶ थेमे कोई कोई फरिसी पाटी नाङ धर्मे गुरूकी येशू थोक्‍ते मिओनताङ देत्‍ला साप सेइन ओता थोङसुङ। थोक थोङगीन थेबेकी येशू चेलाओनला “ए ख्‍योकोन गुरू च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइका?” सिन सिराला स्‍यूसुङ।

मर्कूस 2:16 Iomraidhean Croise

मत्ती 18:17

थोक खाला मेरा ङि सुम डिक्‍ला बात खित्‍जीनोङ थेकी ङेनराङ माङेन्‍सुङ सासीन ज्‍येन आज्‍यो न्‍वाओनलाङ गाङेला रूला थेला थोरूमोङ सम्‍झे खि। गाङे दोन्‍दु थोक खित्‍जीनोङ थेकी ङे थोक खाबाते ईनराङ मेन सासीनचेन खेराङ आज्‍यो न्‍वा सिरा ताङला ख्‍योकोनगी थेला कर लिन्‍कान्‍तेताङ परमेश्‍वरला छ्या मेस्‍येकान्‍ते मि च्‍योकराङ ठाने खि।

मत्ती 5:46

ख्‍योकोनगी खेराङला ङिङज्‍ये खित्‍कानलाकामा ङिङज्‍ये खासीन परमेश्‍वरगी ख्‍योकोनला च्‍यि मान तेरगीतेरो? दाक्‍पोनला ङिङज्‍ये खित्‍कानलानी कर लिन्‍कान्‍ते मिओनगीङ ङिङज्‍येराङ खिओ याङ।

मत्ती 9:11

थेबा थोक खाईन ङ्योम्‍बुराङ साप सेइन ओता थोङगीन कोई कोई फरिसी पाटी मिकी येशू चेलाओनला “ए ख्‍योकोन गुरू च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइका?” सिन सिराला स्‍यूसुङ।

मर्कूस 2:15

थे तिरी येशू लेवी खाम्‍बादु साप सेइन ओतान। थेरू येशू छ्य्‌वापा लै खाईन थेत्ताङ ख्‍याम्‍कान्‍ते मिङ काल्‍बेई ओतान। थेबाचेन कर लिन्‍कान्‍तेबा थेमे ज्‍येनगी पापी साबाते मिओन ओतान। थेबा गाङेराङ थेरू येशू थेमे थे चेलाओनताङ ङ्योम्‍बुराङ देत्‍ला साप सेइन ओतान।

मर्कूस 2:7

दि मिकी च्‍यिला दोकतेन्‍दे बात खिका? मिकी खाबाते पाप माफ खाबान सिरकान च्‍यि दि परमेश्‍वर ईनरो? दिकीनी परमेश्‍वर विरोध खासुङ। मिकी खाबाते पापनी परमेश्‍वरगीकामा माफ तेरा थुप्‍क्‍यो सिन विचार खिताला स्‍यूसुङ।

लूका 18:11

थेमे थे फरिसी पाटी मिकीचेन मन्‍दिर नाङ स्‍यूकीन लाकीन देत्‍कीन ‘ए परमेश्‍वर, ङा खोल्‍ला धन्‍यवाद तेरग्‍यो। च्‍यिला सासीन ज्‍येन मि च्‍योक खाला पापताङ लोभ खाला ङा पैसा मोजोओ, ज्‍येनला मेलेबाङ मिक्‍किओ। ङा मि फेम्‍मेताङ माङ्यालो। ङा उथे कर लिन्‍कान्‍ते मि च्‍योक्‍ते पापीङ मेन।

लूका 19:10

परमेश्‍वर ओत्‍सादुई वाबाते मि ङाचेन परमेश्‍वरताङ ठाल्‍गीन गालाते मिओनला थेत्ताङ डिक ज्‍युताला थेमे थेबाला पापदुकी डेलाला वाबाते ईन,” सिन सिदुक।

लूका 19:7

येशू थोक खाईन थेत्ताङ गाला थोङनामेई “दि चुकस्‍यिक ईन्‍दाका। दिनी थोक पापीताङका साङ खाईन देताला गाल्‍सुङ,” सिन मि गाङेराङ येशूला मोताला स्‍यूसुङ।

लूका 5:30

येशूताङ थे चेलाओन थोक खाला लेवी खाम्‍बादु साप सेइन ओता थोङगीन कोई कोई फरिसी पाटी मिताङ थे पाटी नाङ धर्मे गुरूओनगी येशू चेलाओनला “ए ख्‍योकोन गुरूताङ खेतबरी च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइते?” सिन सिराला स्‍यूसुङ।

शक्ति काम 23:9

थोक खाईन थेबे नाङ थोम्‍मु स्‍योरजीन थेरू आदोराङ हल्‍ला खल्‍ला ओङसुङ। थेमे फरिसी पाटी नाङ धर्मे गुरूओन कोई कोईकी देत्‍सादुकी जराक जुरूक लाकीन “ङ्योकोनगी दि मिते छ्याःङ गल्‍ती मोथोङदुक। दिकी गोमा साबा च्‍योकराङ दित्ताङ परमेश्‍वर दूतज्‍यीगी कि थोक्‍ते सुइँदेकी ठेत्‍कीन बात खाबाते पक्‍काराङ ईन्‍दा, दोक ओङाते मेन्‍दासीन सिन ङुरूङगी चुक खाला सिरा थुप्‍कीतेरो?” सिन सासुङ।

१ कोरिन्‍थी 2:15

परमेश्‍वर आत्‍मा ङेता ओताते मिओनगी च्‍यि बात चुक ईन्‍दे सिन गाङे डेला थुप्‍क्‍यो। तर थेबेकी खित्‍च्‍येते कामताङ बात चुक्‍ते ईन्‍दे सिनचेन ज्‍येनगी डेलाराङ मुथुबो।

हिब्रू 12:3

पापीओनगी थेला चुक खाईन खितासम्‍म विरोध खाईन दुक्‍पा बिन्‍दा ओताने सिरच्‍येते बात ठेम्‍बा खि। थे बात सम्‍झे खासीन दुक्‍पा भोगे खिता फाप्‍जीन ख्‍योकोन सेम मेसेता खाला देता थुप्‍क्‍यो, दि भन्‍दा ल्‍हाक्‍पा दुक्‍पाचेन ङे खपे खिता मुथुबो सिराच्‍योक खाला हरेस सा माफाबो।