मर्कूस 2:1 - जिरेल

¹ थेमे टिक्‍पी दिन तिरी येशू कफर्नहुमपाराङ ग्‍युरसुङ। थे थेरू खाम्‍बादु ख्‍योलाते बात मिओनगी दाक छ्या स्‍येसुङ।

मर्कूस 2:1 Iomraidhean Croise

मत्ती 4:13

तर थे नासरत सारदु काल्‍बा मेदेता खाईन गालील समुन्‍द्रे छेउदु फाप्‍च्‍येते कफर्नहुम सिराते सारदु देताला गाल्‍सुङ। दि सारचेन जबूलूनताङ नप्‍ताली नाङराङ फाप्‍कीन ओतान।

मत्ती 9:1

येशू याङराङ डुङ्गाला जेकीन समुन्‍द्रे छुरकेनपा वाकीन थे खोरोङ देत्‍च्‍येते सारनापा गाल्‍सुङ।

मर्कूस 1:45

थेकी थोक सिन कोत्‍कीन ताङसीनोङ थे मिकीचेन येशूकी थे खोरोङला चुक खाईन ठाक्‍पा खासुङा सिन गाङेपा गाल्‍गीन मिओनला लाःप्‍सुङ। थे बात थोक खाईन गाङेपा फैले खानामेकी येशू गोमा च्‍योक गाङेकी छ्या स्‍येच्‍या खाला सारगी नाङपा जहाँसुकै ड्वा माथुप्‍सुङ। थे सारताङ युलगी नाङला मोन्‍डोबा खाईन पाङगी नाङला गाल्‍गीन देत्‍सुङ। थोक ईन्‍सीनोङ लोईन गाङेपेकी मिओन थे ओत्‍सादुराङ ओङाला स्‍यूसुङ।

मर्कूस 2:2

थेमे मि काल्‍बेई थे ओत्‍सादु ख्‍योल्‍सुङ। थोक ओङगीन थे खाम्‍बादु फिला नाङला खापाङ देत्‍च्‍येते ठाउँ मेतान। थेमे थेकी थेरू वाबाते मिओनला परमेश्‍वर बात लोपाला स्‍यूसुङ।

मर्कूस 3:20

थेमे येशू खाम्‍बाज्‍यीक्‍तु गाल्‍सुङ। थेरूङ लोक्‍ला मि काल्‍बेई जम्‍मा ओङसुङ। दोक ओङनामेई थेत्ताङ थे चेलाओनगी सापकी लोङोङ माङेत्‍सुङ।

मर्कूस 7:17

थेमे येशू थे मिओनताङ ठाल्‍गीन खाम्‍बाज्‍यीक्‍तु स्‍यूनामेई चेलातेबेकी दोन्‍दु वाकीन “गुरू, खुई आनाङका साबाते बात च्‍यि साबाते ईन्‍दे? ङ्योकोनला लाःप्‍ला नाङना,” सिन सिदुक।

मर्कूस 7:24

थेरूई येशू टायरताङ सीदोन सिरसे नाङपा गाल्‍सुङ। थेपा लेप्‍नामेई थे मिज्‍यीक खाम्‍बादु स्‍यूसुङ। थे खोरोङ थेरू लेप्‍सुङ सिन मिओनगी छ्या मेस्‍येस्‍यीत सिरच्‍येते थे सेम ओतान। ईन्‍सीनोङ थे लेपाते बात मिओनगी दाक छ्या स्‍येसुङ।

मर्कूस 9:28

थेरूई येशू खोपरोङ देत्‍च्‍येते खाम्‍बादु स्‍यूसुङ। थेमे नाङने खोपरोङकामा ओते बेलाला चेलातेबेकी थेला “गुरू, ङ्योकोनगीचेन च्‍यिला थे ल्‍हन्‍डीक तेन्‍गीन तोङा माथुप्‍ताका?” सिन ठिसुङ।

लूका 4:23

थेबेकी थे खोरोङला चुक खिन दुका सिन छ्या स्‍येकीन थेकी थेबाला “ज्‍येनला ठाक्‍पा खित्‍कान्‍ते डाक्‍टरगी थे खोरोङलाङ ठाक्‍पा खिता फाप्‍क्‍यो सिरच्‍येते ङुरूङते उखानज्‍यीक ओत। ख्‍योकोनचेन ङाला होथे उखानला साबा च्‍योकराङ खित ज्‍युता छोल्‍गीदुक। च्‍यि सासीन कफर्नहुमदु खाबा च्‍योक्‍ते अचम्‍बते काम खो दुरू दाक्‍पोन युलदुङ खि। थेमेकामा ङ्योकोन खुई बात पत्ते खिओ सिराच्‍योक खिदुक।

लूका 5:18

थेमे येशूकी ठाक्‍पा खाला तेरस्‍यीत सिन ख्‍याम्‍बाराङ मुथुप्‍कानज्‍यीक कुज्‍येज्‍यीकला मिओनगी डोलीला खुरगीन थेरू येशू ओताते खाम्‍बादु क्‍याल्‍सुङ।

यूहन्‍ना 4:47

येशू यहूदियापेकी गालीलदु लेपाते बात थोकीन थे कफर्नहुमदुकी थे ओत्‍सादु गाल्‍सुङ। थेमे खाँपा गाल्‍ला च्‍याला नाकीन स्‍याप खाबा ओताते फुज्‍युङतेला ठाक्‍पा खाला नाङ सिन बिन्‍ती खासुङ।

शक्ति काम 2:6

थेबेकी थोक काल्‍बेई मि बात खाबाते ङोरो थोकीन च्‍यि ईन्‍ताका सिन थे खाम्‍बापा तार गाल्‍सुङ। थोक खिन खिन थेरू मि काल्‍बेई जम्‍मा ओङसुङ। थेरू लेप्‍ला ताजीन येशूला विश्‍वास खित्‍कान्‍तेबेकी थेरू तार वाबाते होथे मितेबा खोपरोङ खोपरोङ वाबाते लुङबे भाषाला बात खिन ओता थेबेकी थोसुङ। थेबेकी खोपरोङ भाषाला बात खिन ओता थोजीन थेरू तार डोकान्‍तेबा गाङेराङ छक्‍क परे खासुङ।