मर्कूस 16:5 - जिरेल

⁵ थेमे थे फुगी नाङदुराङ स्‍यूला ताजीन थेबेकी खोलाक कार्मुई खोन्‍दाज्‍यीक स्‍याराज्‍यीक मिला खोपरोङ सामे छ्य्‌वापा देताते थोङसुङ। थेला थोङजीन थेबा आउदी खाईन ख्‍यारसुङ।

मर्कूस 16:5 Iomraidhean Croise

मत्ती 28:3

थे दूत चिलाम नाम्‍दाक च्‍योकराङ आउदी खाला टल्‍के खित्‍च्‍याज्‍यीक ओतान। थेकी खोन्‍दाते खोलाकचेन ओमे थोपो च्‍योकराङ कार्मुज्‍यीक ओतान।

मर्कूस 1:27

थेकी कोताते ल्‍हन्‍डीककीङ थोक खाईन ङेन्‍दा थोङगीन मि गाङेराङ छक्‍क परे खिन “आबिई, दि च्‍यि अचम्‍बज्‍यीक मि ईन्‍दाका। दिकी चुक अचम्‍ब खाला बात खिका। दित्ताङ ल्‍हन्‍डीक स्‍यिन्‍डीपला ग्‍याल्‍च्‍येते शक्ति ओतेकी थेबाला थेन्‍ला ग्‍युक सिराईताङ थेबा होत थेन्‍ला डुइदुक,” सिन खोपरोङ नाङ बात खिताला स्‍यूसुङ।

मर्कूस 14:33

थोक खाला डोजीन थेकी पत्रुस, याकूबताङ यूहन्‍नालाचेन ङ्योम्‍बुराङ खेरसुङ। थे खोरोङला था चुक दुक्‍पा ओङगीते सिरच्‍ये ज्‍यीबाताङ पीरगी खित्‍सादु थेजीन थेते सेमोङ स्‍यिइन सिन्‍दा ओतान।

मर्कूस 16:4

थे दो आउदी जोदाई ओतान। तर थेपा लेप्‍ला ताजीन थेबेकी थे दो थेरूई थेन्‍दा ओता थोङसुङ।

मर्कूस 9:15

येशू थेरू लेपाईताङ मि गाङेराङ उ येशू वादुक सिन गा खासुङ। थेमे छ्य्‌वाकीन गाल्‍गीन मान खिन थेला नमस्‍ते खासुङ।

लूका 1:12

परमेश्‍वर दूतला थे खोरोङ दोन्‍दुराङ थोङजीन थे च्‍यि सिराला वाताका सिन जकरिया आउदी खाईन ज्‍यीबा खासुङ।

यूहन्‍ना 20:8

थेमे गोमाका थेरू लेप्‍कान्‍ते चेलाङ ताप्‍ला नाङनेराङ स्‍यूसुङ। थेमे नाङने थोक थोक थोङनामेकी थेकी येशू पक्‍काराङ सोम्‍बो लोक्‍पा दुका सिन पत्ते खासुङ।