मर्कूस 16:1 - जिरेल

¹ सन्‍चारी छोमु काम खिता मेङच्‍येते बेला सिन्‍गीन नाम स्‍योनामेई मरियम मग्‍दलिनी, याकूब आमा मरियमताङ सलोमी येशू रोला कुताला आउदी स्‍यीम्‍बुई बास्‍ना चले खित्‍च्‍येते पाउडर ङ्योर गाल्‍सुङ।

मर्कूस 16:1 Iomraidhean Croise

मर्कूस 14:3

थेमे येशू बेथानीदु शिमोन सिराते जेबो खाम्‍बादु देत्‍ला साप सेइन ओते बेलाला फेम्‍मे मिज्‍यीक सिसी खाङ आउदी स्‍यीम्‍बु बास्‍ना चले खित्‍च्‍येते मोर्गु खुरगीन थेरू लिच्‍युङ। थे आउदी महँगोते सक्‍कलीते मोर्गु ओतान। थेमे थेकी येशूला मान खिन सिसी च्‍यागीन थे मोर्गु जति गाङे थे गोःनामा पुकीन बिन्‍सुङ।

मर्कूस 14:8

ङा स्‍यिनामेई ङे रोला कुता फाप्‍च्‍येते मोर्गु दि फेम्‍मे मिकी थरिङराङ कुकीन बिन्‍गीन ङाला सासगास खिताला ठीक खाबाते ईन। दिकी ङाला दि मोरोङगी खिता थुप्‍च्‍याज्‍यीक खासुङ।

मर्कूस 15:40

थेरू फेम्‍मे मिओनोङ येशूला च्‍यि च्‍यि ओङच्‍या ईन्‍दाका सिन आदो थारीलाराङ देत्‍ला तेइन ओतान। थेबे नाङ मरियम मग्‍दलिनी, कान्‍छाते याकूबताङ योसे आमा मरियम थेमे सलोमी ओतान।

मर्कूस 15:42

थेमे थे छोमु नाम स्‍योबा खाबा ओतान। ङारो च्‍योक्‍तेचेन सन्‍चारी फाप्‍कीन ओतान। सन्‍चारी छोमु काम खिता मेङच्‍येते ईन्‍देकी ङारो च्‍योक्‍ते काम थे छोमुराङ खाला सिन्‍दा फाप्‍च्‍या ओतान। थोगी येशू रो थे छोमुराङ दिक्‍पा फाप्‍क्‍यो सिन

मर्कूस 15:47

मरियम मग्‍दलिनीताङ योसे आमा मरियमगी थेला चुक खाईन खापा ज्‍याक्‍सुङा सिन गाङे ताबा ओतान।

मर्कूस 16:2

थेमे आदेरी छोमु ङोमुका ङीमा स्‍यारासात्तु थेबा सुमबो येशू रो ज्‍याक्‍पाते फुकनापा गाल्‍सुङ।

मर्कूस 16:8

थे मिकी थोक सानामेई थे फेम्‍मे मि सुमबो फुकदुकी थेन्‍गीन ज्‍यीबेकी दारगीनकामा छ्य्‌वासुङ। ज्‍यीबेकी खित्‍सादु थेबेकी सुङलाङ छ्याःङ बात माक्‍यासुङ।

लूका 23:54

दि बात गाङे स्‍वारी छोमु ओङाते ईन। येशूला सासगास खाला सिन्‍केसाकला नामोङ स्‍योबा स्‍योबा खाबा ओतान।

लूका 23:56

थे तिरी थे फेम्‍मे मिओन सारनापा ग्‍युरगीन गाल्‍सुङ। थेमे थे रोला कुताला सिन स्‍यीम्‍बुई बास्‍ना चले खित्‍च्‍येते पाउडरताङ मोर्गु ठीकठाक खासुङ। सन्‍चारी छोमुचेन थेबेकी परमेश्‍वर नियमला साबा च्‍योकराङ फार छुर छ्याःङ मिक्‍किता खाईन देत्‍सुङ।

लूका 24:1

थेमे आदेरी छोमु ङोमु ठोलाराङ थे फेम्‍मे मिओन येशू रोला कुताला सिन गोमे छोमु ठीक खाबाते मोर्गुताङ स्‍येबाते पाउडर खुरगीन येशू रो ज्‍याक्‍पाते फुकनापा गाल्‍सुङ।

यूहन्‍ना 19:25

थेरू येशू आमा, येशू आमे नुमु, क्‍लोपास फेम्‍मे मरियम थेमे मरियम मग्‍दलिनीबाचेन थेला टाँए खाबाते स्‍यिङगी थामगी खादुराङ देता ओतान।

यूहन्‍ना 19:31

ङारो च्‍योक्‍ते सन्‍चारी ईन्‍गीन काम खिता मेङच्‍येते दिन ईन्‍देकी निस्‍तार चाड माने खिताला जेसुकै थे छोमुराङ ठीक खाला सिन्‍दा फाप्‍च्‍या ओतान। ङारो च्‍योक्‍ते सन्‍चारी चाडगीते छ्येते दिन फापा ओतेकी थे सन्‍चारी छोमु थोक खाला स्‍यिङगी थामला मिओन टाँए खाईन ज्‍याक्‍पाते थेबाला गा लाङगीन मेतान। थोगी थोक खाईन स्‍यिङगी थामला टाँए खाबाते मिओनते काम्‍बा च्‍याक्‍ला थेरूकी बेप छ्युत सिन यहूदीओनते छ्ये छ्ये मिकी पिलातसला बिन्‍ती खासुङ।