मर्कूस 13:9 - जिरेल

⁹ दि बातओन छ्या स्‍येला ख्‍योकोन च्‍याङबो खाला देत। थेजीन ज्‍येनगी ख्‍योकोनला जुम्‍ला मिटिङ खित्‍च्‍येते खाम्‍बादु ओताते अड्डे छ्ये छ्ये मि दोन्‍दु केल्‍ग्‍यो। थेरू क्‍याल्‍ला ख्‍योकोनला दुङगो। दोस्‍यिककामा मेन, ख्‍योकोनला रोमी गेल्‍बो हाकिमओन थेमे गेल्‍बोओन दोन्‍दुङ केल्‍ग्‍यो। ङे मि ईन्‍देकीराङ ख्‍योकोनला दोक दोक खिओ। थेजीन ख्‍योकोनगी थेबाला खेराङ च्‍यिला ङाला विश्‍वास खिते सिन लाःपा ङेत्‍क्‍यो।

मर्कूस 13:9 Iomraidhean Croise

मत्ती 5:22

ङाचेन ख्‍योकोनला च्‍यि सिते सासीन सुइँदा दाक्‍पोन आज्‍यो न्‍वाताङ स्‍येदाङ खासुङ सासीनकामाङ थेलाङ सजाय तेरा फाप्‍क्‍यो। थेमे आज्‍यो न्‍वाला खो ङ्येबे ङ्येस्‍यु सिन सिरकान्‍ते मिला सजाय बिन सिन छ्ये छ्ये मि रूसादु खेरा फाप्‍क्‍यो। थेमे आज्‍यो न्‍वाला खोनी ठुङराङ माठुङसीन ओङच्‍या ओतान सिन सिरकान्‍ते मिनी झन सजाय ङेत्‍ला नरककुण्‍डमा मे नाङराङ स्‍यूइओ।

मर्कूस 13:5

थोक सिरजीन थेकी “च्‍याङबो खाला देत। सुङगीङ ख्‍योकोनला छक्‍के खाला ङे छ्य्‌वापेई मेडेल्‍स्‍यीत।

मर्कूस 13:8

थेजीन जात जातकी मि जीङगो, लुङबा लुङबे गेल्‍बोओन नाङदुङ लडाइँ ओङगो, ठाउँ ठाउँला सेदेर्मु डुइओ थेमे छ्ये छ्ये अनिकाल लाङगो। ठाउँ ठाउँला लडाइँ ओङच्‍येते, सेदेर्मु डोच्‍येते थेमे अनिकाल लाङच्‍येतेनी दि जुग सिन्‍दे खाला ओङच्‍येते मेलेबाते दुक्‍पा शुरू ओङातेकामा ईन।

मर्कूस 6:11

खेराङ लेप्‍सादु मिओनगी ख्‍योकोनला लेमु माक्‍यासीन थेमे ख्‍योकोनगी लापाते बात ङेन्‍दा सेम माक्‍यासीन थोक्‍ते ठाउँलाचेन देतराङ मादेत। थोक्‍ते ठाउँ ताङला ख्‍याम्‍जीन परमेश्‍वर बात माङेन्‍देकी थेबेकी तिरी सजाय ङेत्‍जीन सुङलाङ गाल खिता मेङेदो सिन सिराला खेराङ काम्‍बाला खोबाते थाला समेदोङ टकटक खाला थेरूकी ख्‍योम,” सिन साकीन थेरूई ताङसुङ।

लूका 9:5

थेमे खेराङ लेप्‍सादु मिओनगी ख्‍योकोनला लेमु माक्‍यासीन थोक्‍ते ठाउँलाचेन देतराङ मादेत। थोक्‍ते ठाउँ ताङला ख्‍याम्‍जीन परमेश्‍वर बात माङेन्‍देकी थेबेकी तिरी सजाय ङेत्‍जीन सुङलाङ गाल खिता मेङेदो सिन सिराला खेराङ काम्‍बाला खोबाते थाला समेदोङ टकटक खाला थेरूकी ख्‍योम,” सिन सिदुक।

यूहन्‍ना 15:20

‘सुइँदे काम खित्‍कान्‍ते मि मालिकते भन्‍दा छ्ये मेन,’ सिन ङे ख्‍योकोनला गोमाका साबाते बात ठेम्‍बा खि। च्‍यि सासीन ङाला च्‍योकराङ मिओनगी ख्‍योकोनलाङ खेदापानी खिओ। थेमे ङे साबाते ङेन्‍दा च्‍योकराङ मिओनगी ख्‍योकोनगी साबाते बादोङ ङेन्‍ग्‍यो।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

शक्ति काम 21:11

ङ्योकोनताङ ठेत्‍नामेकी थेकी पावलगी च्‍यिबाते काराककी थे खोरोङ लाक्‍पा काम्‍बा ठाकीन “थाल्‍ला ङे लाक्‍पा काम्‍बा ठाबाते काराक जसकीते ईन थेला यरूशलेमदु यहूदीओनगी दोकराङ खाला जुम्‍ला ठाला ज्‍येन ज्‍येन जातकी मि लाःक्‍तु सोम्‍पे खिओ, दि परमेश्‍वर आत्‍मेकी साबाते बात ईन,” सिन सिदुक।

शक्ति काम 7:54

स्‍तिफनसकी दोक दोक सानामेई थेरू ओताते छ्ये छ्ये पूजारी, धर्मे गुरूओन थेमे इस्राएल छ्ये छ्ये मि गाङेला स्‍येदाङगी मे बारसुङ। थेमे था दिला खइँदा माक्‍याबाला मायाङसुङ सिन थेबा स्‍येदाङगी सा थाक्‍पाला स्‍यूसुङ।

शक्ति काम 9:16

ङा सु ईन्‍दे सिन लोप्‍जीन थेकी आउदी दुक्‍पा खपे खिता फाप्‍क्‍यो सिरच्‍येते बादोङ ङा थेला सिओ,” सिन सिदुक।

फिलिप्‍पी 1:29

परमेश्‍वरगी ख्‍योकोनला थे खोरोङ दयेकी ख्रीष्‍टला विश्‍वास खित्‍च्‍येते मौकाकामा बिन्‍दा मेत, थेला विश्‍वास खित्‍जीन दुक्‍पा भोगे खिता ङेत्‍च्‍येते मौकाङ बिन्‍दा ओत।

२ थिस्‍सलोनिकी 1:5

ख्‍योकोनगी थोक खिन ओताते ताला परमेश्‍वरगी सुङलाङ काका पाका मिक्‍किता खाला न्‍याय खिओ सिन छ्या स्‍येक्‍यो। चुक सासीन परमेश्‍वर राज्‍यने देता ङेत्‍क्‍यो सिन ख्‍योकोनगी थरिङोला दुक्‍पा भोगे खिन ओताते ताला ख्‍योकोनगी लेमु खासुङ सिन परमेश्‍वरगी ख्‍योकोनला थे खोरोङ राज्‍यने देत ज्‍युत्‍क्‍यो।

२ यूहन्‍ना 1:8

थोक्‍ते मिओनताङ च्‍याङबो खाला देत। खेराङगी दुक्‍पा खाबाते थाराङ खेरो मोन्‍डोस्‍यीत बरू परमेश्‍वरगी खेराङला तेरग्‍यो साबाते इनाम जति गाङे ङेता थुप्‍स्‍यीत सिन थोरूमसाक खिन ओता च्‍योकराङ खिन देता मातोङ।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।

छ्या स्‍ये च्‍युताते बात 2:13

च्‍यि सासीन ख्‍योकोनचेन शैतान सिंहासन ओताते सारदु देता ओत सिन ङाला छ्या ओत। दोक ईन्‍सीनोङ ख्‍योकोनगी ङाला माताङसुङ, ङाला विश्‍वास खिनराङ देत्‍सुङ। ङा सु ईन्‍दे, ङे च्‍यि खिते सिन सिनराङ देत्‍कान्‍ते एन्‍टिपासला थे सारदुराङ सेत्‍जीनोङ ख्‍योकोनगी ङाला विश्‍वास खिता माताङसुङ।