मर्कूस 13:8 - जिरेल

⁸ थेजीन जात जातकी मि जीङगो, लुङबा लुङबे गेल्‍बोओन नाङदुङ लडाइँ ओङगो, ठाउँ ठाउँला सेदेर्मु डुइओ थेमे छ्ये छ्ये अनिकाल लाङगो। ठाउँ ठाउँला लडाइँ ओङच्‍येते, सेदेर्मु डोच्‍येते थेमे अनिकाल लाङच्‍येतेनी दि जुग सिन्‍दे खाला ओङच्‍येते मेलेबाते दुक्‍पा शुरू ओङातेकामा ईन।

मर्कूस 13:8 Iomraidhean Croise

मत्ती 24:8

ठाउँ ठाउँला लडाइँ ओङच्‍येते, अनिकाल लाङच्‍येते थेमे सेदेर्मु डोच्‍येतेनी दि जुग सिन्‍दे खाला ओङच्‍येते मेलेबाते दुक्‍पा शुरू ओङातेकामा ईन।

मर्कूस 13:7

ख्‍योकोनगी लुङबा लुङबाला लडाइँ ओङाते थेमे दि दि लुङबादु लडाइँ ओङगीन दुक्‍लो सिरा थोक्‍यो। थोक्‍ते बात थोजीन था च्‍यि ओङोङा, चुक ओङोङा सिन ख्‍योकोन ज्‍यीबा माकेत। थोक थोकनी ओङाराङ फाप्‍क्‍यो। ईन्‍सीनोङ थोक थोककामा ओङला दि जुग सिन्‍च्‍येते मेन।

मर्कूस 13:9

दि बातओन छ्या स्‍येला ख्‍योकोन च्‍याङबो खाला देत। थेजीन ज्‍येनगी ख्‍योकोनला जुम्‍ला मिटिङ खित्‍च्‍येते खाम्‍बादु ओताते अड्डे छ्ये छ्ये मि दोन्‍दु केल्‍ग्‍यो। थेरू क्‍याल्‍ला ख्‍योकोनला दुङगो। दोस्‍यिककामा मेन, ख्‍योकोनला रोमी गेल्‍बो हाकिमओन थेमे गेल्‍बोओन दोन्‍दुङ केल्‍ग्‍यो। ङे मि ईन्‍देकीराङ ख्‍योकोनला दोक दोक खिओ। थेजीन ख्‍योकोनगी थेबाला खेराङ च्‍यिला ङाला विश्‍वास खिते सिन लाःपा ङेत्‍क्‍यो।

शक्ति काम 11:28

थेरू वाबातेबे नाङ अगाबस सिरातेकी परमेश्‍वर आत्‍मे छ्य्‌वापेई येशू चेलाओन गाङे दोन्‍दु “था गाङेपा छ्येज्‍यीक अनिकाल लाङगो,” सिन तिरी ओङच्‍येते बात लाःप्‍सुङ। थे अनिकालचेन तिरी रोमी गेल्‍बो क्‍लौडियस पालोला लाबा ओतान।

१ थिस्‍सलोनिकी 5:3

मिओनगी थानी खापाङ गोलमाल मेङगो, था छ्याःङ ज्‍यीबा मिक्‍किता खाला देता ङेत्‍क्‍यो सिरे बेलालाराङ चुक ओङगीते सासीन फुज्‍यीमा खुराते फेम्‍मे मिला एक्‍कासि फिजे सुक देक्‍पाच्‍योक खाला थोक सिरकान्‍ते मिओनगी छ्याःङ छ्या मेस्‍येबा खाला सजाय ङेत्‍क्‍यो। थेबा सुङ सजायदुकी थारराङ माथारो।

छ्या स्‍ये च्‍युताते बात 6:4

थेमे ठाक च्‍योकराङ मोर्मुज्‍यीक घोडा थेरू लिच्‍युङ। थे घोडे लाक जेबा ओतातेलाचेन सा लुङबा खाङ ओताते मिओनला डिक माच्‍युत्‍ला खोपरोङ खोपरोङ नाङ थुपरीङ स्‍यिरीङ खाला सेत ज्‍युत्‍च्‍येते अधिकार बिन्‍दा ओतान। थेला लाःक्‍तु रीम्‍बुई तरवारज्‍यीगोङ बिन्‍दा ओतान।