मर्कूस 13:7 - जिरेल

⁷ ख्‍योकोनगी लुङबा लुङबाला लडाइँ ओङाते थेमे दि दि लुङबादु लडाइँ ओङगीन दुक्‍लो सिरा थोक्‍यो। थोक्‍ते बात थोजीन था च्‍यि ओङोङा, चुक ओङोङा सिन ख्‍योकोन ज्‍यीबा माकेत। थोक थोकनी ओङाराङ फाप्‍क्‍यो। ईन्‍सीनोङ थोक थोककामा ओङला दि जुग सिन्‍च्‍येते मेन।

मर्कूस 13:7 Iomraidhean Croise

मत्ती 18:7

पापताङ लोभकी खित्‍सादु दि सा लुङबे मिओनला आउदी मेलेबा ओङगो। मिला पापताङ लोभ खिता सेम मालाङच्‍येते मेन। थोक ईन्‍सीनोङ ज्‍येनला पाप खित च्‍युत्‍ला ङे छ्य्‌वापेई ठाल ज्‍युत्‍कान्‍तेकी आउदी छ्येज्‍यीक सजाय ङेत्‍क्‍यो।

मत्ती 2:3

थे खोरोङ राज्‍यदु गेल्‍बो ओङाला फिजाज्‍यीक केबा ओत सिन थोनामेई हेरोद गेल्‍बो सेमला ठङगे स्‍यूसुङ। थेमे थेत्ताङ यरूशलेम मि गाङेराङ ज्‍यीबेकी थरावरी गाल्‍सुङ।

मर्कूस 13:6

परमेश्‍वरगी मिओनला जोए खिताला तोङगो साबाते मि ङाराङ ईन सिरकान्‍ते मि था काल्‍बेई ओङगो। थेबा वाला थोक्‍ते बात खाला मि काल्‍बेईला छक्‍के खिओ।

मर्कूस 13:8

थेजीन जात जातकी मि जीङगो, लुङबा लुङबे गेल्‍बोओन नाङदुङ लडाइँ ओङगो, ठाउँ ठाउँला सेदेर्मु डुइओ थेमे छ्ये छ्ये अनिकाल लाङगो। ठाउँ ठाउँला लडाइँ ओङच्‍येते, सेदेर्मु डोच्‍येते थेमे अनिकाल लाङच्‍येतेनी दि जुग सिन्‍दे खाला ओङच्‍येते मेलेबाते दुक्‍पा शुरू ओङातेकामा ईन।

यूहन्‍ना 14:1

थेमे येशूकी चेलातेबा गाङेला “ख्‍योकोन पीर माकेत, ज्‍यीबाङ माकेत। परमेश्‍वरला विश्‍वास खिता मातोङ। ङालाङ विश्‍वास खिन देत।

यूहन्‍ना 14:27

ङा ख्‍योकोन सेमला ढुक्‍क लोङगो। ङे खित्‍सादु ख्‍योकोन सेम ढुक्‍क खाला देता ङेत्‍क्‍यो। दि सा लुङबे मि सुङगीङ ख्‍योकोनला सेमला ढुक्‍क लोङा मुथुबो। ख्‍योकोन पीर माकेत, ज्‍यीबाङ माकेत।

शक्ति काम 17:3

परमेश्‍वरगी तोङगो साबाते ख्रीष्‍ट दुरू वानामेई दुक्‍पा भोगे खाला स्‍यिइओ तर स्‍यिसादुकी लोक्‍ला सोम्‍बो लोइओ सिरच्‍येते बात थेरू मिओनला लेमु खाईन लाप्‍कीन बिन्‍सुङ। थोक खाईन थेरू मिओनताङ बात खिन थेकी “येशूराङ ख्रीष्‍ट ईन। थे बात लोपालाराङ ङा दुरू वाबाते ईन,” सिन सासुङ।