मर्कूस 13:3 - जिरेल

³ येशू परमेश्‍वर मन्‍दिर फारकेनपा जैतुन बोमदु देता ओते बेलाला पत्रुस, याकूब, यूहन्‍ना थेमे अन्‍द्रियासकी खोपरोङकामा थे दोन्‍दु गाल्‍गीन

मर्कूस 13:3 Iomraidhean Croise

मत्ती 13:10

येशूकी थोक साकीन सिन्‍नामेकी चेलातेबेकी दोन्‍दु वाकीन “गुरू, खो ज्‍येन ज्‍येनला परमेश्‍वर बात लोप्‍जीनचेन च्‍यिला कथा लाःप्‍ला लोप्‍कीते?” सिन ठिसुङ।

मत्ती 13:36

थेमे येशू थे मिओनताङ ठाल्‍गीन थे खोरोङ देत्‍कीन ओताते खाम्‍बादु ख्‍योल्‍सुङ। थेमे चेलातेबेकी दोन्‍दु वाकीन च्‍याकीन “गुरू, ङ्योकोनला आनाङका साबाते ठे स्‍यीङला तापाते ह्रीमे कथे अर्थ लाःप्‍ला नाङना,” सिन सिदुक।

मत्ती 17:1

थेरूई ङीमा ठुक तिरी पत्रुस थेमे याकूबताङ थे न्‍वा यूहन्‍नाला टीकीन येशू थोम्‍बोज्‍यीक बोमदु गाल्‍सुङ। थेरू ज्‍येन मि सुङ मेतान।

मत्ती 21:1

थेबाबरी डुइनराङ ओतान। था यरूशलेमदु लेपाला थोक थारी मेतान। थेबा जैतुन बोमदु बेथफागे सिराते युलनापा लेपा खाबा ओतान। थेरू लेप्‍नामेकी येशूकी चेलातेबा मेन्‍दा ङिला दोन्‍दु काताङगीन

मत्ती 24:3

येशू जैतुन बोमदु देता ओते बेलाला चेलातेबेकी दोन्‍दु गाल्‍गीन “गुरू, खुई आनाङ साबाच्‍योक नाम ओङगीते? थेजीन चुक चुक ओङगीते? थेमे तिरी खो स्‍वर्गनेकी ग्‍युरला ओङच्‍येते थेमे दि जुग सिन्‍च्‍येते बेला लेप्‍तुक सिन चुक खाला छ्या स्‍येच्‍ये?” सिन ठिसुङ।

मर्कूस 10:35

थेमे थे तिरी जब्‍दी फुज्‍युङ याकूबताङ यूहन्‍नेकी येशू दोन्‍दु गाल्‍गीन “गुरू, ङ्योकोन खोल्‍ला बातज्‍यीक खितामीन। खुई दि बात मेङगो सिन मासेर,” सिन सिदुक।

मर्कूस 13:4

“गुरू, खुई आनाङ साबाच्‍योक नाम ओङगीते? थेजीन चुक चुक ओङगीते? था दि जुग सिन्‍दे बेला लेपा खादुक सिन चुक खाला छ्या स्‍येकीते?” सिन ठिसुङ।

मर्कूस 14:33

थोक खाला डोजीन थेकी पत्रुस, याकूबताङ यूहन्‍नालाचेन ङ्योम्‍बुराङ खेरसुङ। थे खोरोङला था चुक दुक्‍पा ओङगीते सिरच्‍ये ज्‍यीबाताङ पीरगी खित्‍सादु थेजीन थेते सेमोङ स्‍यिइन सिन्‍दा ओतान।

मर्कूस 4:34

कथा मिसिरा खालाचेन थेकी बातज्‍यीगोङ लोप्‍कीन मेतान। चेलातेबाताङकामा ओत्‍जीनचेन थेकी चेलातेबाला कथे अर्थ लाःप्‍ला तेरगीन ओतान।

मर्कूस 5:37

थेपा डोजीन येशूकी खालि पत्रुस थेमे याकूबताङ थे न्‍वा यूहन्‍नालाकामा ङ्योम्‍बु खेरसुङ।

मर्कूस 9:2

दि बात सानामेई ङीमा ठुक तिरी पत्रुस थेमे याकूबताङ यूहन्‍नाला टीकीन येशू थोम्‍बोज्‍यीक बोमदु गाल्‍सुङ। थेरू ज्‍येन मि सुङ मेतान। थेमे थेरू तेइन तेइनलाराङ थेबा सुमबोकी येशू झिलिमिली गालाते थोङसुङ।